Jems 1:12 - Edo Bible (E Baibol Ẹdo) Version 1996

¹² Afiangbe nọ ne ọmwa ne ọ ziẹn egbe vbe a gha danmwẹ ọẹn ghe, rhunmwuda a deghẹ ọ ma rrie edanmwẹ, ọ gha miẹn arrọọ rhie zẹ vbe ne Osanobua ve iran ni ho ẹmwẹ ọnrẹn re.

Jems 1:12 Iomraidhean Croise

Gẹnẹsis 22:1

Ọ ghi kpẹe fua kherhe, Osanobua keghi danmwẹ Ebraham ghe; ọ tama rẹn wẹẹ, “Ebraham!” Ebraham keghi wanniẹn wẹẹ, “Ghe mwẹ, I danmwehọ!”

Nehimaia 1:5

“E Nọyaẹnmwa, Osanobua ọghe Ẹrinmwi! Ọmwa nọkpọlọ ẹsẹse wẹ khin Ohan ruẹn vbe mu mwa. We i hiẹ ọmwa ne ọ ho ẹmwẹ ruẹn ọ na vbe gha ru vbene u khare.

Job 2:10

E Job keghi wanniẹn wẹẹ, “Ẹmwẹ oya ọ re ọ ke unu ẹn ladian. Osanobua gha rhie emwi ne ọ maa giẹ ọmwa, ma ghi ye oghọghọ miẹn ẹnrẹn. Vbọzẹ ne a gha na gha gui ẹzọ uwunu a deghẹ ọ giẹ ọlọghọmwa rre?” Vbene ọlọghọmwa na wegbe sẹ, e Job ma fi unu giẹ Osanobua. Avbe Ihua E Job Rre

Job 5:17

“Afiangbe nọ ne ọmwa ne Osanobua dia ye odẹ, ọ gha guẹ gui, ghẹ khiẹkhiẹ egbe yọ.

Psalm 11:5

Rẹn ọ re ọ ghe ọmwa esi, ke ọmwa dan vbe abọ ọkpa ni. Ọ kakabọ khuiwu iran ne ẹi mu uhi sẹ.

Psalm 119:67

Vbe u te do gbe mwẹ hin ọkhọ rre, te I te ba odẹ ku, sokpan, banbanna nian, te I ghi họn ẹmwẹ ne uẹn.

Psalm 119:71

Ọ ma mẹ vbe a gbe mwẹ hin ọkhọ rre, rhunmwuda, ọ ya mwẹ ruẹ iyi ruẹ.

Psalm 119:75

Mẹ rẹnrẹn wẹ, ẹmwata ọ re avbe ibuohiẹn ruẹn khin Nọyaẹnmwa, kevbe wẹ, te u gia mu ẹtin yan, ọ re u na gbe mwẹ hin ọkhọ rre.

Psalm 5:11

Sokpan iran hia ne uwẹ degue gha ghọghọ. Iran gha sẹtin gha so ihuan oghọghọ vbe ẹghẹ hia. Degue iran hia ni ho ẹmwẹ ruẹn; rhunmwuda ruẹ ọ re iran na ghọghọ oghọghọ ẹmwata.

Psalm 94:12

Nọyaẹnmwa, afiangbe nọ ne ọmwa ne uwẹ ma ẹre emwi, ọmwa ne uwẹ ma ẹre uhi ruẹ!

Ẹksọdọs 20:6

Sokpan iran nii ho ẹmwẹ mwẹ nii vbe rhie uhi mwẹ mwẹ, aro nọmaa mwẹ gha rre iran egbe ya sẹ orre arriaisẹn arriaisẹn.

Itan 17:3

Erhẹn ọ re a ya danmwẹ igoru kevbe esiliva ghe, sokpan, e Nọyaẹnmwa ọ re ọ ghe ekhọe ọmwa ghe.

Aizaia 64:4

A ma he miẹn egbe ọ re a ma he vbe họn ẹmwẹ Osanobua ne ọ yevbe ruẹ ne ọ winna egbe iwinna vberriọ ne iran ni ye egbe kọe.

Zẹkaraia 13:9

Mẹ gha danmwẹ obọkpa vbe uwu eha ni miẹn uhunmwu vbọ ghe. I ghi vbe kpe iran huan, vbene a kpe esiliva huan vbe erhẹn. I gha danmwẹ iran ghe vbene a danmwẹ igoru ghe. Ẹghẹ nii, iran gha na erhunmwu iran. I gha tama wẹ emwa mwẹ ọ re iran khin, iran ghi vbe miẹn kue wẹ mẹ ọrọre Osanobua iran.”

Matiu 10:22

Emwa hia gha mu ohu uwa rhunmwuda mwẹ. Sokpan ọmwa ne ọ mu uhunmwu kọe ya sẹ ufomwẹ, a gha miẹn rẹn fan.

Matiu 25:34

Ọba ghi tama iran ni rre obọ erha ọmwa wẹẹ, ‘Wa larre, wa ne erha mwẹ fiangbe, wa do mu arriọba ne a kpehe ẹre ye otọ khẹ uwa ke ne a ya yi agbọn gha dee.

Iyẹn ne ọ Maan Ọghe Luk 6:22

“Ọ maa ne uwa vbe emwa a gha khuiwu uwa, vbe iran a vbe kan uwa fua, iran na vbe gha zan uwa kha ighẹ emwa dan wa khin rhunmwuda Ovbi Ọmwa.

Ebe ne Pọl gbẹẹn gie emwa Rom 5:4

i ziengbe ọre a ya rri ase vbe obọ Osanobua, arriase ọghọe ọre ọ rhie idaehọ ne ọmwa.

Ebe ne Pọl gbẹẹn gie emwa Rom 8:28

Ma rẹnrẹn wẹ vbe uwu emwi hia, te Osanobua yaba emwa ni ho ẹmwẹ ọnrẹn ru emwi ne ọ ma an, avbe emwa ne irẹn tie re zẹ vbene ọ mwamwa ẹn.

I Kọrinti 2:9

Sokpan vbene ebe kha re: “Emwi ne ehọ ma he họn, ne aro ma he miẹn, emwi ne a ma ro ighẹ ọ gha sẹtin sunu ẹdẹ, ọre Osanobua mwamwa ye otọ khẹ iran ni họ ẹmwẹ ọnrẹn.”

I Kọrinti 8:3

Sokpan ọmwa ne ọ ho ẹmwẹ Osanobua, Osanobua rẹn ọnrẹn.

I Kọrinti 9:25

Ọmwa ne ọ rhirhi gha mu egbe ye otọ khẹ iku isasegbe, te ọ ru emwi hia ne a wẹ ne ọ ru vbe a gha ma ẹre emwi. Rẹn ru vberriọ, ne a miẹn ehe na gbe ẹkan ye ọre obọ, ọ rhe re ẹkan ne ẹ i tọ, sokpan, ne ima winna baa, ọ ghe etẹbitẹ nọ.

Diuteronomi 13:3

Ghẹ zẹdẹ zẹ ye ọ re hiehiere, e Nọyaẹnmwa Osanobua ruẹ ọ re ọ ya ẹe danmwẹ ọẹn ghe, ne ọ miẹn ehe na ghe a deghẹ wẹ ye ekhọe ruẹ hia kevbe orhiọn ruẹn hia ho ẹmwẹ Nọyaẹnmwa.

Diuteronomi 7:9

Wa yerre wẹ e Nọyaẹnmwa Osanobua uwa ọkpa ọrọre Osanobua, ọ vbe gia mu ẹtin yan. Ọ gha mu ile ọghe ọe sẹ, ọ ghi vba gha rhie ahoẹmwọmwa ne ẹ i fafaa ọghe ọe ma orre arriaisẹn vbe uwu iran ni ho ẹmwẹ ọnrẹn, iran na vbe gha ye uhi ẹre ru emwi.

Diuteronomi 8:2

Wa ghi yerre vbene Nọyaẹnmwa Osanobua uwa su uwa vbe okhian ne ọ taẹn la uwu ato nii vbe ukpo iyeva ni gberra na, ọ na vbe gie ọlọghọmwa gie uwa ne ọ ya danmwẹ uwa ghe, ne ọ miẹn ehe na rẹn emwi ni rre uwa ekhọe, nẹ ọ miẹn ehe na vbe rẹn adeghẹ wa gha ya uhi ẹre ru emwi.

II Timoti 2:15

Lo ẹtin ruẹn hia ne u gha re ọmwa iwinna ne Osanobua rhan obọ miẹn, zẹ vbe ọmwa iwinna ne iwinna rẹn i mu ẹre ekhue, ọmwa, ne ọ ma emwa ẹre ẹse ighẹ ẹmwata Osanobua.

II Timoti 4:8

Wanwanna nian, igho ọmwẹguae ne a ra se yọ mwẹ obọ dia khẹ mwẹ nẹ, nene ẹde ọmwa ẹmwata, ne Nọyaẹnmwa ne ẹ i bu eku gha mu mẹ Ẹdẹ ne ẹdẹrriọ, ẹ i vbe re mẹ ọkpa, sokpan kevbe iran hia ni ye aho ẹmwẹ ọmwa diakhẹ ẹghẹ ne ọ gha ya ye egbe ladian.

Hibru 10:32

Wa roro vbe ne ọ gha ye uwa hẹ, ẹghẹ ne ọ gberra. Ẹkpo nii, vbe uwanmwẹ Osanobua ghi wan mu uwa nẹ, wa rri oya emwi ni bun, sevba ọlọghọmwa nii ma gbele uwa kua.

Hibru 11:17

Iyayi ọre ọ ya Ebraham ya Aizik ne ovbi ẹre zọ ese vbe Osanobua danmwẹ Ebraham ghe. Ebraham ọrọre ọmwa ne Osanobua ve ẹre emwi, sẹ evba, ọ keghi wa ye mu egbe ne ọ ye ovbi ẹre ne ukpọmọkpa zọ ese.

Hibru 12:5

Te uwa ghi mianmian ra ighẹ ẹmwẹ igiẹdu ne Osanobua tama uwa zẹ vbe ivbi ẹre? “Ovbi mwẹ, rhie aro ye otọ vbe Nọyaẹnmwa a gha gbe uẹ hin ọkhọ rre, deghẹ ọ vbe gu ẹ gui ghẹ gie egbe wọ ruẹ.

Hibru 6:15

Ebraham mwẹ iziengbe, rhunmwuda ọnii emwi ne Osanobua ve keghi sẹ ọre obọ.

Jems 2:5

Wa danmwehọ etẹn mwẹ ni ghan. Avbe ivbiogue ni rre agbọn na, ọre Osanobua zẹe wẹ, iran mwẹ iyayi ẹsẹse kevbe wẹ, iran ọ ra yan arriọba ne irẹn ve iran ni ho ẹmwẹ ọnrẹn re.

Jems 5:11

Te ima ghi tie iran emwa ni rre oghọghọ rhunmwuda, iran zin egbe. Wa họn ẹn vbene Job ziengbe hẹ, wa vbe rẹn vbene Nọyaẹnmwa ghi fiangbẹe hẹ vbe okiekie. Rhunmwuda, Nọyaẹnmwa vuọn ne itohan kevbe ẹnina.

I Pita 3:14

Sokpan, gie a kha ighẹ te uwa gele rri oya ye ẹmwẹ emwi esi ne uwa ru, ọma kaan uwa! Wa ghẹ fian afianma ọmwa rhọkpa, wa ghẹ vbe si osi.

I Pita 4:13

Sokpan, wa gha ghọghọ wẹ, a vbe ghae sẹ uwa obọ vbe uwu oya ne Kristi re, ne uwa miẹn ehe na vuọn ne oghọghọ vbe Ẹdẹ ne iran gha ya egbe ladian.

I Pita 4:14

Ọ ma kaan uwa, adeghẹ a rhovbiẹ uwa rhunmwuda ighẹ wa re eguọmwadia Jesu, rhunmwuda, ọnii rhie maa wẹ, orhiọn uyi nii, ighẹ Orhiọn Osanobua, tuorre yan uwa nẹ.

I Pita 5:10

Sokpan, u ghẹ ghi rri oya la ẹghẹ eso vberriọ nẹ, Osanobua ẹsọhẹ hia, ọmwa ne ọ tie ruẹ ne u do ghae vbe uyi etẹbitẹ ọghọe, vbe uwu a yegbe ba Kristi, gha tobọ ẹre ya uwẹ khian ne ọ gbae, ọ ghi rhie a mudia gbain nuẹn, ẹtin kevbe ẹyotọ ne ọ de ziẹn.

I Pita 5:4

Ẹghẹ ne Ogiete iran ne avbe Ọsuohuan gha na ya egbe ladian, ẹde uyi ne ẹ i fafaa, gha sẹ uẹ obọ.

I Jọn 4:19

Ma mwẹ aho ẹmwẹ ọmwa, rhunmwuda Osanobua ọre ọ ka ho ẹmwẹ mwa.

Arhie Maan 2:10

Ghẹ gie afianma oya ne u ra do re vbe ọ ma he kpẹe na fian. Danmwehọ! Esu ra do danmwẹ uwa ghe vbe ekpa ne ọ gha na viọ eso vbe uwu uwa ku eghan. Ikpẹdẹ igbe ọre ọlọghọmwa uwa ni ra ya vbe otọ. Mu uhunmwu ke ọe ya sẹ uwu, mẹ gha rhie ẹde ẹfe ne uẹn.

Arhie Maan 3:19

Ọmwa ne I ho ẹmwẹ ọnrẹn ọre I gu gui, ọre I vbe gbe hin ọkhọ rre. Mu aro yọ khekherriọ, ne u fiwerriẹ hin orukhọ ruẹ rre.

Arhie Maan 3:21

Iran ni khọnmiotọ, I gha rhie asẹ ne iran, ne iran tota ke mwẹ vbe ẹkete mwẹ, zẹe vbene imẹ khọnmiotọ, ne I na vbe tota ke Erha mwẹ nian vbe ẹkete ẹre.