Jems 1:10 - Edo Bible (E Baibol Ẹdo) Version 1996

¹⁰ Erriọ vbe nọ ne ọtẹn ne ọ fe, a deghẹ Nọyaẹnmwa ghi vbe si ẹe kẹ otọ. Rhunmwuda, ọmwa ẹfe gha fafaa zẹ vbene obobo ne ọ rre uwu oha.

Jems 1:10 Iomraidhean Croise

Job 14:2

Ma ghi zẹgiẹgiẹ wan, a ghi vbe zẹgiẹ luẹluẹ kua zẹ vbe obobo a ghi ho ima bẹkun zẹ vbe obobo.

Psalm 102:11

Agbọn mwẹ yevbe aghọnghọn ota; I yevbe irunmwu ne ọ kakae.

Psalm 103:15

Zevbe ọghomwa te ẹdagbọn mwa ye vbe irunmwu, ma ghi wan, a ghi miotọ zẹ vbe obobo oha.

Psalm 37:2

A gha ho iran bẹkun wan, zẹvbe ẹbe nọkakae. Iran gha wulo, zẹvbe irunmwu ne ọ luẹluẹe.

Psalm 39:6

Ọ ma vbe gberra aghọnghọn, emwi ne ọ ru kẹkan ehia khin, ọ si ẹfe koko, ọ ma vbe rẹn ọmwa ne ọ gha viọ ẹre.

Aizaia 40:6

Urhu ọkpa keghi tu ladian wẹẹ, “Ya tama iran!” Mẹ keghi nọ wẹẹ, “De emwi ne I ra tama iran yi?” “Tama iran wẹ te emwa nagbọn hia ye vbe irunmwu; iran i vbe tọ sẹ obobo oha.

Aizaia 40:7

Irunmwu luẹluẹe, avbe obobo vbe fafaa vbe Nọyaẹnmwa a kha ne ẹhoho ya hoho iran. Emwa i vbe sun sẹ irunmwu.

Aizaia 57:15

“Mẹ ọrọre Osanobua ne ọ yo kevbe ne ọ kpọlọ ne ọ rrọ ẹdẹdẹmwẹdẹ. Ehe ne ọ yo kevbe ne ọ huanrẹn ọ re imẹ dia, sokpan mẹ vbe di ọghe iran ni mu egbe rriotọ, kevbe ni roiro fi uyinmwẹ werriẹ ya, ne imẹ miẹn ehe na rhie idaehọ kevbe imuẹntiyan ọghe iran werriegbe ye ihe.

Aizaia 66:2

Mẹ ọ re ọ tobọmwẹ yi agbọn na hia. Ẹko avbe emwa ni mu egbe rriotọ ke ni roiro fiwerriẹ wa ma mwẹ iran ni mu ohan mwẹ, ni vbe họn ẹmwẹ mẹ.

Matiu 5:3

“Ọ maa ne iran ni rẹnrẹn ighe ivbiogue iran khin vbe orhiọn, iran ọre ọ yan Arriọba ẹrinmwi!

Matiu 6:30

Osanobua ọre ọ rhuan iran ukpọn ighe avbe irunmwu ne oha na, irunmwu nọ gha wan rre ẹre na, akhuẹ a giagiae hẹ ku erhẹn. Wa ma ghi la evba rẹn ighe ẹ i mwẹ ọ ma rhuan uwa ukpọn! Iyayi uwa kanmwa gbe.

I Kọrinti 7:31

Emwa ni lo emwi agbọn na, zẹ vbene a miẹn wẹ, iwinna rẹn ma mu iran. Rhunmwuda, agbọn na, zẹ vbene ọ ye na, ẹ i ghi ra kpẹe sẹ ayọ.

Filipai 3:8

Ẹ i re avbe emwi nii ọkpa, te I ghi ka emwi hia ye ọ rhiae rhunmwuda emwi ọvbehe ne ọ ru ighobioye sẹẹ enii, ọnii ọrọre, a rẹn Kristi Jesu Nọyaẹnmwa. Rhunmwuda ẹre, I keghi filo emwi hia kua, I keghi ka ehia ye emwi ne ẹ i mwẹ esa, ne I miẹn ehe na gha mwẹ Kristi.

I Timoti 6:17

Tama iran ni fe vbe emwi agbọn na wẹ, ne iran ghẹ tọn egbe mu, kevbe wẹ, ne iran ghẹ mu ẹtin yan egbe emwi ne ọ mu yo mu rre vbe ne ẹfe ye, sokpan ne iran mu ẹtin yan Osanobua, ọmwa ne ọ viọ emwi hia ne ima wọrhọwọrhọ ne a ya gha zọmọ.

Jems 4:14

Wa ma he rẹn vbene ẹdẹ agbọn uwa gha ye hẹ akhuẹ. Rhunmwuda, te uwu ye vbe ighogho amẹ ne ragha ragha, ne ọ rhie egbe ma vbe ẹghẹ kherhe, a ghi ho ẹre bẹkun.

I Pita 1:24

Zẹ vbene ebe kha re, “Te emwa hia ye vbe irunmwu ne oha, uyi ẹre hia ye vbe obobo ẹre. Irunmwu wu, obobo ẹre kharha kua,

I Jọn 2:17

Agbọn na, kevbe emwi ne agbọn gualọ ni rrọọ hia, te ehia rhie gberra khian, sokpan, ọmwa ne ọ ru vbene Evbavba ho ọ gha rrọọ ẹdẹdẹmwẹdẹ.