I Samuẹl 7:3 - Edo Bible (E Baibol Ẹdo) Version 1996

³ E Samuẹl keghi tama ivbi Izrẹl wẹẹ, “A deghẹ te uwa ghi ra ya ekhọe uwa hia dọlegbe bu e Nọyaẹnmwa gha dee nian, wa ghi viọ avbe ẹbọ ẹrrẹe kevbe amazẹ ọghe Astat ne ẹbọ ne ọkhua, ni gue kua. Wa ye egbe uwa hia fi ohan ne Nọyaẹnmwa, ne uwa vbe gha ga irẹn ọkpa, rẹn ghi do miẹn uwa fan hin obọ ẹtin emwa Filistin rre.”

I Samuẹl 7:3 Iomraidhean Croise

Gẹnẹsis 35:2

Ẹre Jekọb na do khama ẹgbẹe ọre kevbe emwa ni guẹe rre evba wẹẹ, “Wa viọ ẹbọ ẹrrẹe ne uwa mwẹ kua, wa khuẹ egbe uwa huan ne uwa viọ ukpọn nihuanrẹn ye egbe.

I Ọba 11:33

I gha ru emwi na rhunmwuda, e Solomọn fi iyeke gbe mwẹ, ọ keghi ya gha gho Astat ne ẹbọ ne okhuo ọghe Saidọn e Kemọs ne ẹbọ ọghe Moab, kevbe Milkọm ne ẹbọ ọghe Amọn. E Solomọn ma họn ẹmwẹ mẹ, ọ de iyi, ọ ma rhie uhi mwẹ kevbe ilele mwẹ mwẹ zẹ vbene Devid ne erha ẹe ru.

I Ọba 8:48

A deghẹ iran gele roiro fi ekhọe werriẹ vbe odẹ vbe ẹmwata, iran gha mu aro da otọe na ne uwẹ mu ne avbe erha iran na erhunmwu ghe ruẹ, ẹvbo na ne uwẹ zẹe kevbe Ọgua Osa na ne I bọe nuẹn,

II Ọba 17:39

Mẹ ne Nọyaẹnmwa ne Osanobua uwa ọre uwa gha họn ẹmwẹ na, ẹghẹ nii mẹ gha miẹn uwa fan hin obọ avbe eghian uwa hia rre.”

II Ọba 23:15

E Josaia kevbe guọghọ ẹe sẹ otọ ighẹ ehe ne a na te ga vbe Bẹtẹl, ne Jeroboam ne ọba ne ovbi e Nebat bọe, ọmwa ni ne ọ si ivbi Izrẹl obọ fi orukhọ. E Josaia keghi siẹn Ogiukpo ne ọ rrọ sẹ otọ, ọ na rẹnkhẹn okuta ni rrọọ, ọ na dunmwu ẹẹn ya khian ebubẹ, ọ kevbe giẹn ọnrẹn uan ighẹ amazẹ Asiẹrra.

I Krọnikol 22:19

Banbanna nian, wa ya ẹtin uwa kevbe orhiọn uwa hia ga e Nọyaẹnmwa. Wa suẹn gha bọ Ọgua Osa ne uwa miẹn ehe na mu Ẹkpẹti Ile ọghe Nọyaẹnmwa ye uwu ẹre deba avbe emwi nihuanrẹn ni dekẹe hia ne a ya ga ẹe.”

I Krọnikol 28:9

Rẹn keghi tama Solomọn wẹẹ, “Ovbi mwẹ, I yan tama ruẹn nian ne u rhan obọ miẹn Osanobua erha a, ne u gha ya ekhọe ẹmwata ga ẹe kevbe orhiọn ne ọ ho. Ọ rẹn iziro ekhọe mwa kevbe emwi ne ima gualọ. A dẹghe u bu ẹre gha khian, ọ gha miẹn ruẹn yi, sokpan a dẹghe u fi iyeke gbẹe, ọ gha suẹ rae rhinrin ẹdẹ.

II Krọnikol 19:3

Sokpan ọ rhe yerriọ, emwi eso rrọ ne u na vbe maa. U viọ amazẹ Asiẹrra ne ẹbọ ne okhuo kua, u keghi hia ne u gha ru vbene Osanobua ho.”

II Krọnikol 20:33

Sokpan, ọ ma guọghọ avbe aro ẹbọ kua. Emwa nii ma wa vbe ya ekhọe hia mu egbe ye ugamwẹ e Nọyaẹnmwa ne Osanobua avbe erha iran odede.

II Krọnikol 30:19

“E Nọyaẹnmwa ne Osanobua avbe erha mwa odede vbe ẹko ne ọ maa ruẹn yabọ iran ni ye ekhọekekhọe ga, a gha rhe miẹn wẹ awua rre iran egbe.”

Itan 16:1

Ma sẹtin gha mwamwa emwamwa ọghe obọ mwa sokpan, e Nọyaẹnmwa ọ re ọ ta ọfo yọ.

Aizaia 55:7

Gie emwa dan fi uyinmwẹ iran werriẹ, ne iran vbe fi iziro ekhọe iran werriẹ wa gie iran bu e Nọyaẹnmwa ne Osanobua ima gha dee, ọ mwẹ itohan, ọ vbe zẹgiẹgiẹ yabọ.

Jerimaia 24:7

I gha rhie ye iran ekhọe aho ne iran rẹn wẹ mẹ ọrọre Nọyaẹnmwa. Ẹghẹ nii iran ghi gha re emwa mwẹ, mẹ ghi vbe gha re Osanobua iran, rhunmwuda, iran gha werriegbe bu mwẹ rre, ekhọekekhọe iran hia.

Jerimaia 36:3

Ọ gha kẹe, ivbi Izrẹl gha họn ọkhọ ne I khare ighe ọ dee ra do rruan iran, iran gha zobọ vbe emwi dan ne iran ru. Ẹghẹ nii, mẹ ghi ya uyinmwẹ dan kevbe ọkhọ ne iran ru bọ iran.”

Jerimaia 4:1

E Nọyaẹnmwa khare wẹẹ, “Ivbi Izrẹl, adeghẹ wa ho ne uwa fiwerriẹ, wa fiwerriẹ, bu mwẹ gha dee. Adeghẹ wa viọ avbe amazẹ ni sọnnọ mwẹ kua, wa na mudia ke mwẹ ẹse,

Ezikiẹl 14:6

“Rhunmwuda ọnii nian, tama ivbi Izrẹl vbene imẹ ne Nọyaẹnmwa ne Udazi kha hẹ wẹẹ: ‘Wa fiwerriẹ, ne uwa sẹ avbe ẹbọ osọnnọ uwa rae.’

Ezikiẹl 18:31

Wa sẹ avbe emwi dan ne uwa te ka ru de yi rae, ne uwa gie iro ọgbọn kevbe ekhọe ọgbọn la uwa orhiọn. Vbọzẹ ne uwa na ho ne uwa wulo yi, wa ne ivbi Izrẹl.”

Hozia 14:1

Wa werriegbe bu e Nọyaẹnmwa ne Osanobua uwa gha dee, wa ne ivbi Izrẹl. Orukhọ uwa gie uwa rrua owẹ nẹ, wa keghi vbe dele.

Matiu 15:8

“ ‘Osanobua khare wẹẹ, Ukpunu iran na ya rho mwẹ sokpan ekhọe iran khian rrei mẹ ẹsẹse.

Matiu 4:10

Ẹkpo nii ọre Jesu ghi na wanniẹn tama rẹn wẹẹ, “Ladian mwa Setan, ebe nọhuanrẹn khare wẹẹ, ‘Osanobua ruẹ ọkpa wẹ gha gaa, ne u gha vbe ya uhunmwu rhanmwẹ otọ na.’ ”

Matiu 6:24

“Orhunmwu ọkpa ne ọ gha sẹtin ga arowa eva, ẹ i rrọọ. Ọ gha ho ẹmwẹ ọkpa, ọ ghi gha khuiwu enogieva, ọ gha họn ẹmwẹ ne ọkpa, ọ ghi gha yan enọkpa zẹ, wẹ i sẹtin ga Osanobua ga igho.

Iyẹn ne ọ Maan Ọghe Luk 4:8

Jesu wanniẹn tama rẹn wẹẹ, “Ebe khare wẹẹ, ‘Osanobua Nọyan ruẹn ọkpa uwẹ gha gaa, ne u gha vbe gha ye uhunmwu rhanmwẹ otọ na!’ ”

Iyẹn ne ọ Maan Ọghe Jọn 4:24

Orhiọn ọre Osanobua khin, iran ni gae, ọ kere ne iran ya orhiọn gae vbe ẹmwata.”

Diuteronomi 10:20

Wa gha mu ohan e Nọyaẹnmwa Osanobua uwa, wa vbe gha ga irẹn ọkpa kẹkan. Wa gha re emwa ne ọ gba ẹko ẹre, ne uwa gha ya eni ẹnrẹn ọkpa kẹkan ru eyan uwa.

Diuteronomi 13:4

Lele Nọyaẹnmwa, ne u vbe gha mu ohan rẹn; gha họn ẹmwẹ ne ẹẹn ne u vbe gha lele iyi ẹre, gha ga ẹe ne u vbe gha re ne ọ gba ẹko ẹre.

Diuteronomi 4:29

Evba wa gha na gualọ Nọyaẹnmwa Osanobua uwa. A deghẹ wa ye ekhọe uwa hia kevbe iho uwa hia gualọ ẹe, wa gha miẹn ọẹn.

Diuteronomi 6:13

E Nọyaẹnmwa Osanobua rua ọkpa ọ re uwa gha mu ohan rẹn, rẹn ọkpa wa gha vbe gha ya gha yan eyan.

Jọsua 13:31

Obọ ọkpa vbe Giliad kevbe rrọọ, do deba Astarrọt kevbe Ẹdrẹi, avbe okpẹvbo ni rre arriọba Ọg vbe Basian. A keghi viọ ena ne obọ ọkpa vbe ẹgbẹe ivbi e Makeẹ ne ovbi Manasẹ.

Jọsua 24:14

“Banbanna nian khekherriọ,” wa ya uhunmwu rhanmwẹ otọ ne Nọyaẹnmwa, “ne uwa ye ẹkoata gae vbe ẹmwata. Wa mianmian avbe ẹbọ ne avbe erha uwa odede te gha ghoo vbe Mẹsopotamia kevbe Igipt ne uwa gha ga e Nọyaẹnmwa, ọkpa kẹkan.

Jọsua 24:23

Ọ re irẹn na ghi kha wẹẹ, “Rhunmwuda onii khekherriọ, wa hẹ avbe ẹbọ orhunmwuyẹn ni rre ehe ne uwa ye kua, ne uwa yan wẹ wa gha ya ẹko ata lele e Nọyaẹnmwa ne Osanobua Izrẹl khian.”

Giọgis 10:16

Rhunmwuda ọnii, iran keghi viọ ẹbọ ẹrrẹe iran kua, iran na gha ga e Nọyaẹnmwa, rẹn keghi vbe gha mu ẹmwẹ usẹ ne ọ sẹ ivbi Izrẹl rro.

Giọgis 10:6

Ivbi Izrẹl keghi vbe dọlegbe rukhọ ghe e Nọyaẹnmwa. Iran na gha gho e Bal kevbe Astat deba avbe ẹbọ e Siria, e Saidọn, e Moab, Amọn kevbe Filistia. Iran keghi fi iyeke gbe e Nọyaẹnmwa, iran ma gha gae.

Giọgis 2:11

Ẹghẹ nii ivbi Izrẹl keghi ru orukhọ ghe Nọyaẹnmwa, iran na ya gha gho e Bal.

Giọgis 2:13

Iran fi iyeke gbe ugamwẹ e Nọyaẹnmwa, iran na ya gha gho avbe Bal kevbe Astat.

I Samuẹl 31:10

Iran keghi viọ emwi igbinna ye aro Astat ne ẹbọ ne okhuo, iran na sẹ ikun ẹnrẹn ginna ekẹn ẹvbo Bẹt-Sian.