Biblia Todo Logo
Bìoball air-loidhne

- Sanasan -




I Samuẹl 4:3 - Edo Bible (E Baibol Ẹdo) Version 1996

3 Iran ni miẹn uhunmwu vbọ ghi dọlegbe sẹ agọ nẹ, avbe ọkaolotu ivbi Izrẹl keghi kha wẹẹ, “Vbọzẹ ne e Nọyaẹnmwa na gie ivbi Filistin khọn ima miotọ ẹrẹna yi? Wa gie ima ya mu Ẹkpẹti Ile ọghe Nọyaẹnmwa ke Silo gha dee ne ọ miẹn ehe na lele ima gha khian, ne ọ ya miẹn ima fan vbe obọ avbe eghian mwa.”

Faic an caibideil Dèan lethbhreac




I Samuẹl 4:3
34 Iomraidhean Croise  

Ẹre ọba na khama e Zadọk wẹẹ, “Mu Ẹkpẹti Ile werriegbe gha rrie ore ẹvbo. A deghẹ Nọyaẹnmwa ho ẹmwẹ mwẹ, ọ gha rhie mwẹ werriegbe rre ẹdẹ ọkpa, ne I do bẹghe ẹre ke ẹe kevbe ehe ne a mu ẹẹn yi.


Ẹguae ẹre ọ re Devid gha ye vbe ẹghẹ na. Ọ ghi sẹ ẹdẹ ọkpa, o keghi gie ne a tama e Natan wẹẹ, “Ghe nian, owa sida mẹ ye vbe emwa na, sokpan Ẹkpẹti Ile Nọyaẹnmwa rre Owa Ukpọn.”


Vbọzẹ ne u na sẹ ima rae vbenian yi Osanobua? U gha wa mu ohu ghe emwa ruẹn rhinrin ẹdẹ ra?


Vbọzẹ ne u na he ne u yi ima obọ yi? Vbua ghi na viọ obọ ghe odieke hẹ yi?


E Nọyaẹnmwa khare wẹẹ, “Te uwa ro ra ighẹ te imẹ khulo emwa mwẹ kua zẹ vbene okpia khu amwẹ ọnrẹn fua ra? Ebe aheyotọ ne a ghi gbẹn ne ẹẹn vbo khekherriọ? Te uwa ro ighẹ te I khiẹnnẹ wa gha rrie iwe ra zẹ vbe ọmwa ne ọ khiẹnnẹ ivbi ẹre eviẹn? Ẹn o, iran viọ uwa oghunmwu gha rrie rhunmwuda orukhọ uwa. Te a khulo uwa ladian rhunmwuda emwi dan ne uwa ru.


Emwa nii nọrẹn wẹẹ, “Vbọzẹ ne ima gha na gha ya aguẹ yi adeghẹ e Nọyaẹnmwa i dẹghe ẹre. Vbọzẹ ne ima gha na gha ya ohanmwẹ rriegbe adeghẹ rẹn i zẹ yọ.” E Nọyaẹnmwa tama iran wẹẹ, “Ẹmwata ne ọ rrọ ọrọre wẹ ẹghẹ ne uwa na rre aguẹ, iwinna obọ uwa ọ re uwa mu aro da, wa ghi vbe gha wọ iran ni winna ne uwa uhunmwu.


Wa ghẹ gha ro wẹ e Nọyaẹnmwa ma wegbe sẹ ne ọ gha miẹn uwa fan, ra wẹ ọ yin ehọ ẹ i sẹtin họn ugomwẹ ne uwa go gualọ iyobọ.


Orukhọ uwa ọ re ọ sii ẹe ne ẹ i na zẹ ye uwa ẹre. Orukhọ uwa ọ re ọ wannọ uwa hin ehe ne Osanobua ye rre vbe uwa a te gha ho ne uwa ga ẹe.


Ẹghẹ nii, wa ghẹ ghi do gha bun nẹ vbe otọe nii, ẹghẹ nii, emwa i ghi ra, ye gha guan kan ẹmwẹ Ẹkpẹti Ile mwẹ. Iran i ghi ra ye gha mu ẹmwẹ ọnrẹn ro ra ne a ye ye ẹre rre. Iran i ghi ra vbe gha mwẹ emwi ne iran yae ru, ama ghi wẹ ne iran ye vbe kan ọvbehe.


Wa dobọ ẹmwẹ ne uwa ya rẹrẹ egbe nii yi, ne uwa na kha wẹẹ, ‘Emwi rhọkpa i ra ru mwa! Ọgua Osa e Nọyaẹnmwa ọ re ọna khin, Ọgua Osa ọghe Nọyaẹnmwa ọ re ọna khin, Ọgua Osa ọghe Nọyaẹnmwa ọ re ọna khian!’


Ugbẹn vbe emwa nii ghi sii kpao vbe Sainai ne oke ne ọ huanrẹn, iran keghi khian okhian ikpẹdẹ eha, Ẹkpẹti Ile ọghe Nọyaẹnmwa keghi kodaro ne iran ne ọ gualọ ehe ne iran gha bu agọ yi ne iran.


Ẹkpẹti Ile nii gha wa si okhian, e Mosis ghi kha wẹẹ, “E Nọyaẹnmwa, kpaegbe ne u zagha avbe eghian ruẹn kua, ne u vbe khulo iran ni mu ohu ruẹ kua!”


E Mosis keghi gie iran gha rrie okuo, ọ na gie Finihaz ne ovbi Eliaza ohẹn ke odaro ne ọ gha wa iran ye okuo, kevbe ne ọ viọ avbe emwi iruemwi ni huanrẹn mwẹ deba a vbe okpe ne a ya gue egbe guan.


Ẹghẹ nii, otọ agbọn na hia ghi nọ wẹẹ, ‘Vbe Nọyaẹnmwa na ru otọe iran vbenian hẹ yi? Demwi ne ọ sii ohu ọhanabe vbenian rre?’


“Wa rhie ebe uhi Osanobua na, ne uwa rhie ẹre ye ọkpẹn Ẹkpẹti Ile ọghe Nọyaẹnmwa Osanobua uwa, ne ọ sẹtin gha rre evba zẹ vbe osẹe ghe emwa ẹnrẹn.


Iran de obọ mu avbe emwi ne a ru ne agbọn miẹn, ni rre iyayi mwa, iran ghi he ẹtin ne ọ rrọọ. Wa bi egbe ne avbe emwa na.


Uwu emwa ọre Ogiukpo ọghe igoru ne a na giẹn eturari, ke ẹe kevbe ẹkpẹti kevbe ne a ya igoru rhu. Emwi ni rre uwu ẹkpẹti na kegha re ovbi uru igoru ne a viọ e mana yi, ọkpọ erhan Errọn ne ọ gbe ukhu, kevbe uhanhan okuta eva ne agbẹnnẹ ẹmwẹ ile nii yi.


Wa ghi tama iran wẹ ẹghẹ ne Ẹkpẹti Ile ọghe Nọyaẹnmwa na fian Ẹzẹ Jọdan rra, amẹ ọnrẹn keghi dobọ ulẹmwẹ yi. Avbe okuta na ghi gha re ama ayere ne ivbi Izrẹl ẹdẹdẹmwẹdẹ.”


Ẹre Jọsua na tie avbe ohẹn, ọ keghi tama iran wẹẹ, “Wa mu Ẹkpẹti Ile nii, wa ihinrọn ke odaro ne ẹẹn wa ghi viọ orhu mwẹ. Avbe ivbiyokuo ghi ke odaro ne uwa.”


Ẹre Jọsua na kha wẹẹ, “E Nọyaẹnmwa ne Udazi! Vbọzẹ ne u na viọ ima gberra e Jọdan hiehie yi? Ne u do hẹ ima ku ivbi Amọri obọ nọ ra? Ne u do fuẹn ima an nọ ra? Vbọzẹ ne ima ma na wa tota ye obọ nọkpa ọghe Jọdan.


Vbe i a ghi ra miẹn ta yi e Nọyaẹnmwa, vbene Izrẹl na lẹ werriegbe nẹ vbe odaro avbe eghian rẹn?


Amẹ na keghi re emwikemwi ne a ya gie isamẹ ne ọ miẹn uwa fan banbanna nian, ẹ i re vbe ekpa ne ọ na kpe iruẹn ne ọ rre ikinnegbe kua, sokpan vbe ekpa eyan ne a ya ekhọe ne ọ ma bu abe gbe ọmwa yan ma Osanobua. Te isamẹ la ekpa arhiọkpaegbe Jesu Kristi miẹn uwa fan.


A gha rhe miẹn wẹ wa ka rẹn emwi na nẹ, I ho ne I ye ye uwa ẹre rre, vbene a miẹn wẹ Nọyaẹnmwa miẹn ivbi Izrẹl fan hin otọ Igipt rre hẹ, sokpan vbe okiekie, ọ keghi gbele iran ni ma yayi ni rrọọ ua.


Ugbẹn vbe ọ ghi fian ẹre ewẹn nẹ, ọ keghi rhie ẹre gha rrie Siailo, ọ keghi mu ẹkhuia ẹmila ne ọ rre ukpo eha mwẹ kevbe ọduẹki irhuarhua kevbe ọgọ ohian ayọn ọkpa vbene ọ ru ọvbokhan sẹ nii, ọ keghi rhie ẹre gha rrie owa e Nọyaẹnmwa vbe Siailo.


E Sọl keghi tama Ahija ne ohẹn wẹẹ, “Mu adaghọ nii rre” (rhunmwuda, vbe ẹdẹ ne a kha na te Ahija mu ẹẹn ke odaro ne ivbi Izrẹl).


Ivbi e Filistin keghi wa mu egbe ne iran fi emwi, iyeke vbe iran ghi khọn okuo nọ wegbe nẹ, iran keghi khọn ivbi Izrẹl muotọ, iran keghi gbele omwa arhunmwu arriaisẹn enẹ vbe adesẹ okuo.


Lean sinn:

Sanasan


Sanasan