I Samuẹl 4:2 - Edo Bible (E Baibol Ẹdo) Version 1996

² Ivbi e Filistin keghi wa mu egbe ne iran fi emwi, iyeke vbe iran ghi khọn okuo nọ wegbe nẹ, iran keghi khọn ivbi Izrẹl muotọ, iran keghi gbele omwa arhunmwu arriaisẹn enẹ vbe adesẹ okuo.

I Samuẹl 4:2 Iomraidhean Croise

Eve Orriara 3:40

Wa gie ima ghe vbene ima yin hẹ, ne a fiwerriẹ bu e Nọyaẹnmwa.

Levitikọs 26:37

Wa ghi gha dele yan egbe vbene ọmwarhọkpa ma na khu uwa, wa i ra vbe sẹtin gu eghian rhọkpa gbinna.

Nọmbas 14:45

Ẹre emwa Amalẹk kevbe emwa Kenan ni rre evba na dekun iran, iran na khọn miẹn iran otọe, iran na khu iran do sẹ Họma.

Jọsua 7:12

Ọna ọ re ọ sii ẹe ne ivbi Izrẹl ma na sẹtin mudia vbe odaro eghian iran. Iran lẹ hin odaro eghian rhunmwuda, emwi ne a ra fuẹn uan ọ re a ghi vbe ka iran tobọ iran baa. Mẹ i ghi mudia ke uwa ọvbehe sokpan a ma wẹ wa fuẹn avbe emwi ne a wẹ ne uwa ghẹ rhie.

I Samuẹl 17:21

Ivbiyokuo avbe Filistin, kevbe ivbiyokuo ivbi Izrẹl keghi mudia ye ihe iran, iran keghi viọ aro da egbe ne iran gbinna.

I Samuẹl 17:8

E Golaiat ghi mudia, ọ ghi datie ivbi Izrẹl wẹẹ, “De emwi ne uwa ru vbe evba yi, te uwa tẹn khẹ okuo ra? Wa ne eviẹn Sọl na, ovbi e Filistin mẹ khin! Wa zẹ orhiọnkpa vbe uwu uwa ne ọ do gunmwẹ gbinna.

I Samuẹl 4:1

Ẹghẹ nii, ivbi e Filistin keghi mu okuo gie ivbi Izrẹl, ivbi Izrẹl keghi mu agọ ye Ebẹnẹza, ivbi e Filistin keghi bu agọ iran ye Afẹk.

I Samuẹl 4:10

Ivbi e Filistin keghi wa kakabọ gbinna, a keghi khọn miẹn ivbi Izrẹl otọ, iran na lẹ gha rrie owa iran. Obọ wa da iran ẹsẹse, iran keghi gbele arhun arriaisẹn ọgban (30,000) vbe ivbi iyokuo Izrẹl,

I Samuẹl 4:3

Iran ni miẹn uhunmwu vbọ ghi dọlegbe sẹ agọ nẹ, avbe ọkaolotu ivbi Izrẹl keghi kha wẹẹ, “Vbọzẹ ne e Nọyaẹnmwa na gie ivbi Filistin khọn ima miotọ ẹrẹna yi? Wa gie ima ya mu Ẹkpẹti Ile ọghe Nọyaẹnmwa ke Silo gha dee ne ọ miẹn ehe na lele ima gha khian, ne ọ ya miẹn ima fan vbe obọ avbe eghian mwa.”