Hozia 9:8 - Edo Bible (E Baibol Ẹdo) Version 1996

⁸ Te Osanobua gie mwẹ zẹ vbe akhasẹ ne I do tama ivbi Izrẹl yotọ khẹ ọ dee. Sevba, eheikehe ne I rhirhi a la, wa ghi gha ho ne uwa ya ifi mu mwẹ zẹ vbe ahianmwẹ. Emwa ọrọre oghian avbe akhasẹ vbe otọe Osanobua tobọ ẹre.

Hozia 9:8 Iomraidhean Croise

I Ọba 17:1

Akhasẹ ọkpa ne a tie ẹre Elaija ne ovbi e Tisbi ne Giliad ke tama Ehab wẹẹ, “Vbe eni e Nọyaẹnmwa ne Osanobua Izrẹl ne imẹ ga, I tama ruẹn nian wẹ amẹ i ghi ra rhọ, evbu i ra ghi vbe tuo ọ te ya sẹ ukpo eha vbe ẹ i re te I fi ẹmwẹ na werriẹ ta.”

I Ọba 18:1

Ọ ghi kpee fua kherhe, vbe ọ ghi rre ukpo eha ne amẹ ma ghi rhọ, e Nọyaẹnmwa keghi tama Elaija wẹẹ, “Ya ye egbe ne Ehab ne ọba miẹn, I gha gie amẹ rhọ.”

I Ọba 18:19

Banbanna nian, tama ivbi Izrẹl hia ne iran bu mwẹ gha die oke Kamẹl. Wa ghi viọ avbe akhasẹ e Bal ne ọre ekigbe siyeha ọ yan uri eva (450) gha dee, kevbe akhasẹ Asiẹrra ne ọre uri eva (400) ne Jezibẹl ne Amwẹ Ọba koko.”

I Ọba 22:11

Ọkpa vbe uwu avbe akhasẹ nii, e Zedekaia ne ovbi e Kienaana keghi dunmwu igho ematọn, ọ tama Ehab wẹẹ, “Vbenian ọre Nọyaẹnmwa khare, ‘Ọ na ọre u ra ya khọn ivbi e Siria a te do wabọ iran an fẹẹrẹ.’ ”

I Ọba 22:22

Orhiọn nii keghi kha wẹẹ, ‘I gha yo ya ru ẹe ne avbe akhasẹ Ehab hia gha ta ohoghe.’ E Nọyaẹnmwa keghi tama rẹn wẹẹ, ‘Gha khian ya rẹrẹ ọe, u gha sẹtin.’ ”

I Ọba 22:28

E Makaia keghi datu wẹẹ, “U gha ye egbe hẹnnẹdẹn rre, ọnii rhie maa wẹ ẹ i re Nọyaẹnmwa ọre ọ gie mwẹ uhunmwu.” Ọ keghi kha wẹẹ, “Wa hia họn vbene I kha hẹ na!”

I Ọba 22:6

Ẹre Ehab na tie avbe akhasẹ ọre ne ọ re omwa uri eva, ọ keghi nọ iran wẹẹ, “Ne I ya gu Ramọt gbinna ra ne I ghẹ yo?” Iran wanniẹn wẹẹ, “Ya khọn rẹn ighẹ e Nọyaẹnmwa gha rhie akhọnmiotọ nuẹn.”

II Ọba 13:21

Iran ghi re orinmwi ẹdẹ ọkpa, iran ghi ghe otu ọkpa vberriọ dee. Emwa nii keghi fi ikun orinmwi nii fi idin Elaisia, iran na lẹ. Egbe ọmwa nii ghi wa dekan ọghe Elaisia, ọmwa nii keghi rhiọrre, ọ na kpaegbe mudia.

II Ọba 2:14

Ọ keghi mu agbada ẹwu Elaija gbe ẹzẹ, rẹn na kha wẹẹ, “E Nọyaẹnmwa ne Osanobua Elaija vboo?” Ọ keghi dọlegbe mu emwi ghe amẹ, ọ na ghae egbe ye eva, rẹn keghi fian ẹn rra ghe obọ nọkpa.

II Ọba 2:21

Rẹn kegha rrie ẹzẹ ẹvbo nii, ọ keghi mu umwẹ nii ku ẹzẹ, ọ keghi kha wẹẹ, “Enian ọ re e Nọyaẹnmwa khare, ‘I ye amẹ na khian ne ọ hianrẹn, ẹ i ghi gbe ọmwa ra ne ọ kpannọ ikhuo ẹko ọvbehe.’ ”

II Ọba 4:41

Elaisia na wẹ ne a rhie evbare eso ne irẹn, ọ keghi rhie ẹre fi uwu ukodo nii, ọ na wẹẹ, “Wa dọlegbe sa uwọnmwẹ ne iran.” Ẹghẹ na nian, ọ na wa gha maa.

II Ọba 4:43

Sokpan, rẹn keghi wanniẹn wẹẹ, “Wa yayi wẹ ọna gha sẹ arhunmwu iyisẹn re ra?” Elaisia keghi wanniẹn wẹẹ, “Viọ ne iran gha re, rhunmwuda e Nọyaẹnmwa ta ẹe nẹ wẹ iran gha re kẹrre.”

II Ọba 5:14

Ẹre Naaman na gha rrie Jọdan, ọ na dinmwi ye uwu ẹre igba ihinrọn vbene Elaisia wẹ ne ọ ru ẹe, egbe keghi wa rran rẹn giẹnrẹn. Efun egbe ẹre keghi deziẹn, emianmwẹ i ghi rrọọ, ọ kegha ye zẹ vbe ne ọghe ọmobọ ye.

II Ọba 5:27

Banbanna nian, emianmwẹ e Naaman gha hihiẹ yan ruẹn, ọ ghi gha rre uwẹ kevbe avbe ivbi uniẹn ruẹn egbe ẹdẹdẹmwẹdẹ.” E Gehazi ghi kpao, emianmwẹ nii kegha rre ọre egbe, ikpakpa egbe ẹre ke gha fua zẹ vbe isonorhọ.

II Ọba 7:19

Ne ọkaokuo nii na wanniẹn wẹẹ, “Ọnii i gba, ọ gha khọnrẹn ne e Nọyaẹnmwa tobọ ẹre tue ọka rre vbe ọwarọkpa!” Ọre Elaisia na vbe wanniẹn wẹẹ, “Ọ gha sirra ruẹ sunu, sokpan, u i ra danmwẹ vbe evbare nii.”

II Ọba 7:2

Ovbi ọkpọmwa ọghe ọba keghi wanniẹn tama Elaisia wẹẹ, “Ọnii i sẹtin sunu vberriọ, ọ gha khọnrẹn wẹ ne Nọyaẹnmwa tue ọka amẹ rre wanwanna.” Elaisia keghi wanniẹn wẹẹ, “Aro ruẹ gha sẹ ọe vbe ọ gha sunu sokpan u i ra re vbe evbare ni.”

Psalm 124:7

Ma lẹ fe, zẹ vbene ahianmwẹ yuo hin ifi ọgbahianmwẹ rre ifi dọn fua, ma sannọ kua!

Asan-Ibo 9:12

U i sẹtin rẹn ẹghẹ ne ẹghẹ ruẹ gha ya rre. Zẹ vbene ifi mu ahianmwẹ vbe udomwurri, zẹ vbe ehẹn ne ọga mu, erriọ ọ re emwi dan zẹdia sunu vbe egbe mwa, vbe a ma ro a ma kọ.

Ihuan Ne Ọ Sọọ Ihuan Hia 3:3

Avbe iran ni khẹ ughe miẹn mwẹ I keghi nọ iran wẹẹ, “Wa miẹn enida mwẹ ra?”

Aizaia 62:6

Jerusalẹm, I viọ avbe abodẹ ye ekẹn ọlẹga ruẹ nẹ ohan i gie iran hunmwan vbe avan ra asọn te iran ra gha ye Nọyaẹnmwa eyan ne ọ yanrẹn rre, iran i vbe gie irẹn mianmian.

Jerimaia 11:19

Mẹ keghi yevbe oteghe ohuan ne ẹ i vbe begbe hiehiere, ne a mu ladian ne a ya gbe ẹe rua, mẹ ma vbe rẹn wẹ mẹ ọ re iran zẹ iro ọkhọ da. Iran kegha kha wẹẹ, “Wa gia kalọ erhan na kua, vbe egbe he rran rẹn na, wa gia gbe ẹe rua ne ọmwa rhọkpa ghẹ ghi ye ẹre rre ọvbehe.”

Jerimaia 14:13

Ẹre imẹ na kha wẹẹ, “E Nọyaẹnmwa ne Udazi, u rẹnrẹn wẹ avbe akhasẹ tama avbe emwa na wẹ okuo i ra gha rrọọ, ra ohanmwẹ, rhunmwuda u tae nẹ, zẹ vbene iran khare, wẹ ọfumwegbe okpa ọ re ọ ra gha rre otọe nii.”

Jerimaia 23:13

I miẹn orukhọ ne avbe akhasẹ e Sameria ru nẹ eni e Baal ọ re iran ya guan yotọ, iran keghi bibi avbe emwa mwẹ odẹ.

Jerimaia 31:6

Ẹn, ẹghẹ dee, ne iran ni hodẹ gha na go ke uhunmwu oke Ifreim rre wẹẹ, ‘Wa gie ima bu e Nọyaẹnmwa ne Osanobua mwa gha rrie Zaiọn.’ ”

Jerimaia 6:14

Iran gha ru vbene a miẹn wẹ ẹwẹn avbe emwa mwẹ, emwi ne ọ bolo ọmwa egbe kẹkan nọ. Iran gha kha wẹ ehia wa maa, vberriọ emwi ne ọ maa rhọkpa i rrọọ.

Jerimaia 6:17

Ẹre Nọyaẹnmwa na zẹ avbe abodẹ ne iran gha ra ehọ vbene okpe ne a kpe kha hẹ.” Sokpan iran keghi kha wẹẹ, “Ma i ra ehọ emwi rhọkpa.”

Eve Orriara 2:14

Avbe akhasẹ, ruẹ i miẹn ẹmwẹ tama ruẹn gberra ohoghe, orhu ne iran kpe keghi de ruẹ odẹ rhunmwuda, iran ma vẹ orukhọ ruẹ uhe ua iran keghi ya uwẹ gha ro ighe orukhọ ne u gha rhunmwuda ẹre fiwerriẹ, irrọ.

Eve Orriara 4:13

Sokpan, ọ sunu, rhunmwuda, avbe akhasẹ ọ re ọ rukhọ avbe ohẹn ọnrẹn vbe rriabe wẹ, iran ọ re ọ gie avbe emwa ni ma rukhọ wulo.

Ezikiẹl 3:17

“Ovbi ọmwa, I ra ya a ru abodẹ ne Izrẹl. U ghi tama iran emwi ne I ya bu iran ude khẹ ọ dee.

Ezikiẹl 33:7

“Banbanna nian, ovbi ọmwa, I ya uwẹ ru abodẹ ne Izrẹl. I gha yan ma iran, u ghi tama iran.

Hozia 5:1

“Wa danmwehọ wa ne avbe ohẹn, wa gbe ehọ kotọ wa ne ivbi Izrẹl, wa danmwehọ wa ni re ẹgbẹe ọba! Te a te wẹ ne uwa gha bu ohiẹn ẹmwata rhunmwuda ọnii, obọ ibuohiẹn gha vba uwa! Wa khian ifi ye Mizpa, kevbe ọga ne a rhuẹre ye Oke Tabọ,

Hozia 9:7

Ẹghẹ ne a ya rri emwa oya rre nẹ, ẹghẹ ne a gha na ru emwa emwi ne ọ ma iran. Ọnii gha ghi sunu, Izrẹl gha vbe rẹn. Wa khare wẹẹ, “Akhasẹ na, akpa nọ, ọmwa ne a rhie ẹmwẹ ya giee ẹre uhunmwu na, te ọ mwẹmwẹ.” Wa na wa mu ohu mwẹ vberriọ, rhunmwuda, orukhọ uwa kpọlọ.

Hozia 9:9

Emwi ne iran ru i zẹdẹ maa hiehiere, zẹ vbene iran gha ye vbe Gibea. Osanobua gha ye orukhọ iran rre, ọ ghi rri iran oya yọ.

Maika 7:4

Iran ni maa sẹ, kevbe ne ẹ i ru ero vbe uwu iran, te ehia wa kuogboi zẹ vbe irunmwu. Ẹdẹ ni rre nẹ ne Nọyaẹnmwa gha rri avbe emwa oya, zẹ zẹ iran ighe avbe akhasẹ tama iran ye otọ. Banbanna nian, iro han iran hia.

Iyẹn ne ọ Maan Ọghe Jọn 15:24

Iran i ghẹ rri abe orukhọ rhọkpa akpawẹ mẹ ma sirra iran winna iwinna ne a ma he miẹn ọmwa ne ọ ka ru egbe ọre yi, vbe banbanna nian, iran miẹn iwinna ne I winnaẹn nẹ, iran na gha khọ ẹko Erha mwẹ bare.

Ebe ne Pọl gbẹẹn gie emwa Rom 3:7

Ẹn hẹn, a deghẹ te a i ta ẹmwata ọ ghi mẹ ghi fiante uyi Osanobua vbe kpa ne ọ na gie ẹmwata ọghọe ghi do vẹ ne agbọn rẹn sẹ ayọ vbo? Vbe ọ zẹ ne a na ye bu agbe gbe mwẹ wẹ ọmwa orukhọ mẹ khin?

Hibru 13:17

Wa gha họn ẹmwẹ ne avbe ọkaolotu uwa, wa gha ru vbene iran kha re. Iran ọre ọ gbe aro ghe orhiọn uwa vbe ne a i na hẹwẹ, rhunmwuda ighẹ iran na iyẹn iwinna iran ma Osanobua. Wa ghẹ ghi gha họn ẹmwẹ ne iran nẹ, iran ghi gha ya ọyẹnmwẹ winna iwinna iran, a deghẹ ẹ i ghi ye rriọ, iran ghi gha ye ẹkorriaramwẹ winnaẹn, iyobọ ọkpa i rrọọ ne ọnii gha ru ne uwa.