Hozia 9:7 - Edo Bible (E Baibol Ẹdo) Version 1996

⁷ Ẹghẹ ne a ya rri emwa oya rre nẹ, ẹghẹ ne a gha na ru emwa emwi ne ọ ma iran. Ọnii gha ghi sunu, Izrẹl gha vbe rẹn. Wa khare wẹẹ, “Akhasẹ na, akpa nọ, ọmwa ne a rhie ẹmwẹ ya giee ẹre uhunmwu na, te ọ mwẹmwẹ.” Wa na wa mu ohu mwẹ vberriọ, rhunmwuda, orukhọ uwa kpọlọ.

Hozia 9:7 Iomraidhean Croise

II Ọba 9:11

E Jehu keghi bu avbe ọkaokuo ne ihua ẹre gha khian, iran nọ rẹn wẹẹ, “Deghẹ ọ ye ẹse? Vbe ọmwẹmwẹ nii ya a ru yi?” E Jehu keghi wanniẹn wẹẹ, “Wa rẹn emwi ne ọ ho.”

Aizaia 10:3

Osanobua gha rria uwa ikhi nian, demwi ne uwa ra miẹn ru? Demwi ne uwa ra miẹn ru vbe ọ gha ke odẹ ne ọ rre tie ọfuan yan uwa uhunmwu? De ọmwa ne uwa gha lẹgbinna? De ehe ne uwa gha viọ avbe ẹfe uwa lẹre yi?

Aizaia 26:11

Avbe eghian ruẹn ma rẹn, ighe u gha rri iran oya Nọyaẹnmwa, ye ekhue mu iran, ne u gie iran rri oya. Gie iran rri oya ne u mwamwa yotọ khẹ iran rhie ma iran vbene u kakabọ ho ẹmwẹ emwa ruẹn hẹ.

Aizaia 34:8

Ẹghẹ ne Nọyaẹnmwa gha na miẹn e Zaiọn fan ọ re ọna khin, ọ ghi munọ avbe eghian rẹn gbotọ.

Aizaia 44:25

Mẹ ye avbe iran ni fi iha ne emwa, gbogiẹ I ghi vbe ya emwi ne avbe iweuki ta yotọ khian ne ọ ma de yọ. Mẹ khare ighẹ ohoghe ẹmwẹ ne avbe umẹwaẹn ta khin. I ghi rhie ma ighẹ ukọnmwẹ ọ re ẹwaẹn iran khin.

Jerimaia 10:15

Iran i mwẹ esa ne iran ye, te ọ kere ne a gha zan iran, a gha fuẹn iran an, vbe Nọyaẹnmwa a ghi fi iran emwi.

Jerimaia 11:23

A gha gbele avbe igbama iran vbe okuo; ohanmwẹ gha gbele ivbi iran an. I rhie ẹghẹ yọ nẹ ne I gha gie ọkhọ ya rruan ivbi Anatọt, ọ gha sẹ ẹghẹ nii, okpa ne ọ ra miẹn uhunmwu vbọ i rrọọ.”

Jerimaia 16:18

I gha ye iran ha osa ukhukhu eva ye orukhọ kevbe uyinmwẹ dan iran rhunmwuda, iran ya amazẹ ne ẹ i mwẹ arrọọ vbene ikun orinmwi ye, mu awua ye otọe mwẹ, iran keghi vbe ya ẹbọ ohoghe iran vuọn ehe hia.”

Jerimaia 23:13

I miẹn orukhọ ne avbe akhasẹ e Sameria ru nẹ eni e Baal ọ re iran ya guan yotọ, iran keghi bibi avbe emwa mwẹ odẹ.

Jerimaia 25:14

I gha ha e Babilọn osa emwi ne iran ru, avbe uhunmwu ẹvbo kevbe avbe ọba nibun ghi ya iran gha ru eviẹn.’ ”

Jerimaia 29:26

“E Nọyaẹnmwa ọ re ọ ya a rri ohẹn ye ihe Jehoiada, Banbanna nian, wẹ ọ re ọ ghi re enọwanrẹn avbe ohẹn vbe Ọgua Osa. Iwinna ruẹn nọ ne u miẹn ọmwẹmwẹikeọmwẹmwẹ ne ọ ba ru vbe akhasẹ, ne a ya ọgiọrọ rrọ ẹre, a ghi vbe mu odigba ematọn yọ ọre urhu.

Jerimaia 46:21

Uhin avbe ivbiyokuo ne ọ ve ẹre igho viọ ba egbe, egbe wọ ehia yotọ nẹ zẹ vbe ivbi ẹkhuia ẹmila. Iran ma kpaegbe ne iran gbinna iran hia fi iyeke gbe, iran na lẹẹ ẹdẹ ne iran ra khian rhie sotọ nẹ, ẹdẹ ne iran ra la ọrhiae rrie.

Jerimaia 6:14

Iran gha ru vbene a miẹn wẹ ẹwẹn avbe emwa mwẹ, emwi ne ọ bolo ọmwa egbe kẹkan nọ. Iran gha kha wẹ ehia wa maa, vberriọ emwi ne ọ maa rhọkpa i rrọọ.

Jerimaia 8:11

Iran gha ru vbene a miẹn wẹ ẹwẹn avbe emwa mwẹ, emwi ne ọ bolo ọmwa egbe kẹkan nọ. Iran gha kha wẹẹ, ‘Ehia wa maa vberriọ,’ emwi ne ọ maa rhọkpa irrọọ.

Eve Orriara 2:14

Avbe akhasẹ, ruẹ i miẹn ẹmwẹ tama ruẹn gberra ohoghe, orhu ne iran kpe keghi de ruẹ odẹ rhunmwuda, iran ma vẹ orukhọ ruẹ uhe ua iran keghi ya uwẹ gha ro ighe orukhọ ne u gha rhunmwuda ẹre fiwerriẹ, irrọ.

Ezikiẹl 13:10

“Avbe akhasẹ ọ re ọ de avbe emwa mwẹ odẹ vbekpa ne iran na bọ ọma ọma ne iran. Ẹ i zẹdẹ ye ẹse hiehiere. Avbe emwa mwẹ ye okuta ne wẹghẹwẹghẹ gbe ekẹn ọlẹga ẹvbo nẹ, avbe akhasẹ na do ya orhue dọlọ ẹe.

Ezikiẹl 13:3

Vbenian ọre Nọyaẹnmwa ne Udazi khare: “Ọghe avbe akhasẹ ne akpa na fo. Iran ọ tobọ iran fian ọghae ye egbe iran uhunmwu, iran ghi vbe gha zẹ ẹmwẹ akhasẹ iran ta.

Ezikiẹl 25:17

I gha rria iran ikhi. Iran gha họn ẹmwẹ ohu mwẹ vbe egbe. Ẹghẹ nii, iran gha rẹn ighẹ mẹ ọrọre Nọyaẹnmwa.”

Ezikiẹl 38:23

Vbe odẹ vbenian, I gha rhie ma avbe uhunmwu ẹvbo wẹ ọmwa ne ọ kpọlọ kevbe nọhuanrẹn ọ re imẹ khin. Ẹghẹ nii iran gha rẹn ighe mẹ ọrọre Nọyaẹnmwa.”

Ezikiẹl 9:10

Sokpan mẹ i ra tohan iran hiehiere. I gha ru iran vbene iran ru emwa ọvbehe.”

Hozia 14:1

Wa werriegbe bu e Nọyaẹnmwa ne Osanobua uwa gha dee, wa ne ivbi Izrẹl. Orukhọ uwa gie uwa rrua owẹ nẹ, wa keghi vbe dele.

Hozia 5:9

Ẹdẹ irria ikhi dee. Izrẹl gha la ọrhiae rrie. Ivbi Izrẹl, ẹ i mwẹ ọna ma sunu.

Hozia 8:13

Iran zọ ese ghe mwẹ, iran ghi vbe rri emiowo nene emwi izọ ese nii. Sokpan, ẹko iran i rhiẹnrhiẹn imẹ ne Nọyaẹnmwa, wanwanna nian, I gha ya orukhọ iran rre ne I vbe rri iran oya yọ. I gha viọ iran werriegbe gha rrie Igipt.

Hozia 9:8

Te Osanobua gie mwẹ zẹ vbe akhasẹ ne I do tama ivbi Izrẹl yotọ khẹ ọ dee. Sevba, eheikehe ne I rhirhi a la, wa ghi gha ho ne uwa ya ifi mu mwẹ zẹ vbe ahianmwẹ. Emwa ọrọre oghian avbe akhasẹ vbe otọe Osanobua tobọ ẹre.

Emọs 8:2

E Nọyaẹnmwa keghi nọọn wẹẹ, “Emọs, de emwi ne u bẹghe yi?” Mẹ keghi wanniẹn wẹẹ, “Okhuae ọmọ erhan.” E Nọyaẹnmwa keghi kha wẹẹ, “Ufomwẹ Izrẹl ne emwa mwẹ rre nẹ. Mẹ i ghi dọlegbe fi ekhọe werriẹ vbe ekpa oya ne I gha rri iran re.

Maika 2:11

“Egbe akhasẹ ne iran na ho ọrọre ne ọ talọ ohoghe kevbe ne ọ rẹrẹ emwa, ne ọ vbe kha wẹẹ, ‘I ta ẹe zẹ vbe akhasẹ wẹ ayọn kevbe emwi ne a da gha kpọkua ne uwa!’

Maika 7:4

Iran ni maa sẹ, kevbe ne ẹ i ru ero vbe uwu iran, te ehia wa kuogboi zẹ vbe irunmwu. Ẹdẹ ni rre nẹ ne Nọyaẹnmwa gha rri avbe emwa oya, zẹ zẹ iran ighe avbe akhasẹ tama iran ye otọ. Banbanna nian, iro han iran hia.

Zẹfanaia 3:4

Avbe akhasẹ nii rrọ ma rẹn enegbe, uma dan iran si, avbe ohẹn ghi gha ru awua avbe emwi nihuanrẹn, iran gha khiẹn uhi Osanobua ne ọ miẹn ehe na gua emwi ne iran ho ro.

Iyẹn ne ọ Maan Ọghe Mak 3:21

Ugbẹn vbe etẹn ọnrẹn ghi họn ẹmwẹ na, iran na gha khian ne iran ya rhie ẹre rhunmwuda te emwa hia ghi tae khian wẹẹ, “Te ọ mwẹmwẹ.”

Iyẹn ne ọ Maan Ọghe Luk 21:22

Rhunmwuda ‘Ẹdẹ Irriakhi’ nọ ne a ya mu ẹmwẹ ne Ebe tae hia sẹ.

II Kọrinti 5:13

Te ima ghi gele mwẹmwẹ ra? Ba ẹmwẹ Osanobua nọ. Te aro hian ima ra? Ba ẹmwẹ uwa nọ.

Arhie Maan 16:19

A keghi wa ẹvbo nọkhua nii ye ihe eha, okpẹvbo ni rre uhunmwu ẹvbo otọ agbọn hia keghi fuẹn uan. Osanobua keghi ye Babilọn rre, ọ keghi ya nẹẹn da vbe ayọn ne ọ rre ukpu ẹre, ayọn ọghe izohu ọhanabe ẹre nii.