Hozia 9:12 - Edo Bible (E Baibol Ẹdo) Version 1996

¹² “Gia kha ighe iran te vbe miẹn emọ biẹlẹ, te I ra viọ iran kpao, I i ra vbe sẹ ọkpa rae ye agbọn vbọ, I gha fi iyeke gbe emwa na, ọkhọ dan ọ re ọ ra gha sunu vbe egbe iran.”

Hozia 9:12 Iomraidhean Croise

II Ọba 17:18

Ohu ivbi Izrẹl keghi mu e Nọyaẹnmwa, ọre ọ na khulo iran hin odaro irẹn rre, ọ na sẹ arriọba e Juda ọkpa rae.

II Ọba 17:23

Rhinrin a te do miẹn vbe okiekie wẹ, e Nọyaẹnmwa wẹ ne a ho iran bẹkun vbe odaro irẹn, zẹ vbene ọ la unu avbe akhasẹ ne eguọmwadia ẹre ya obọ sẹ ekhae ne iran wẹ rẹn gha ru ẹe vberriọ. Ẹre a na miẹn wẹ a viọ ivbi Izrẹl gha rrie iwe vbe Asiria, ehe ne iran ye ye do sẹ ẹdẹnẹrẹ na.

Job 27:14

Iran sẹtin gha mwẹ emọ ikpia nibun sokpan, okuo ọre iran gha na gbele ehia a. Ivbi iran ma he miẹn evbare re ne ẹko vuọn ẹdẹ.

Jerimaia 15:7

I filo uwa ku ẹhoho zẹ vbe ebe ne ọ kakae vbe ẹvbo ni rre otọe na hia. I fuẹn uwa a, wa ne emwa mwẹ, I gbele ivbi uwa, rhunmwuda, wa ma dobọ emwi dan ne uwa ru yi.

Jerimaia 6:8

Ivbi e Jerusalẹm, wa gie avbe ọlọghọmwa na gha bu uwa ude, ne I ghẹ ya he uwa yotọ, I ghi ya ore ẹvbo rua khian ato, ehe ne ọmwarhọkpa i yin.”

Eve Orriara 2:20

Tọn aro mu Nọyaẹnmwa! Tọn aro mu ghe iran ne u sẹ ọre usẹ! Iyemọ gha gbele emọ ne iran ho ẹmwẹ ọnrẹn re! A gha gbele avbe ohẹn kevbe avbe akhasẹ ye uwu Ọgua Osa tobọẹre!

Eve Orriara 2:22

Wẹ ọ re ọ gie ne a tie avbe eghian mwa ne iran do do ugie iba ne ọ mu ohan, lẹga mwẹ orhiọnkpa i rrọ ne ọ miẹn uhunmwu vbe ẹdẹ ne ohu mu uwẹ. Iran gbele mwẹ emọ ne I ho ẹmwẹ ọnrẹn ne imẹ koko wan nẹ.

Hozia 7:13

Ọghe iran fo vbotọ! Iran sẹ mwẹ rae, iran keghi sọtẹ ghe mwẹ. A gha fuẹn iran an. Te I ho ne I miẹn iran fan, sokpan ugamwẹ ohoghe ọ re iran ga mwẹ re.

Hozia 9:13

E Nọyaẹnmwa, mẹ bẹghe ẹre vbe a zọ uhio ivbi iran khian, a na vbe gha gbele iran an.

Hozia 9:16

Ivbi Izrẹl ye vbe erhan ne inian rẹn kakaa nẹ, ne ẹ i ghi vbe sẹtin mọ. Iran i ra vbe mwẹ emọ sokpan, adeghẹ iran kue vbe miẹn biẹlẹ yi, te I ra gbele iran, nene emọ ne iran kakabọ ho ẹmwẹ ọnrẹn.”

Malakai 2:12

Te Nọyaẹnmwa gha yuo emwa ni ru egbe emwi vbenian kua hin uwu ẹbu ivbi Izrẹl rre, ne ọ ghẹ ghi vbe gie iran mwẹ oghae vbe emwi ne ẹvbo mwa do ya gha ha oko gie Nọyaẹnmwa ne Oghodua.

Nọmbas 14:34

Ukpo iyeva ọre uwa ra ya rri oya ye orukhọ uwa, ukpo ọkpa ye ikpẹdẹ ọkpọkpa ne uwa ya ghe otọe ni ghe. Wa gha rẹn emwi ne a ya kha we ne uwa si okuo mwẹ rrie egbe!

Nọmbas 26:65

E Nọyaẹnmwa tae nẹ wẹ te iran hia ra wulo ye otọ ẹgbo erriọ ọ gele gha ye, sokpan ama wẹ Kelẹb ne ovbi Jefunẹ kevbe Jọsua ne ovbi Nọn.

Diuteronomi 28:18

“E Nọyaẹnmwa gha fi uwa unu vbene a gha na miẹn wẹ emọ ibozẹghẹ ọre ọ khian rhie ne uwa, emwiokọ ọwuẹ kevbe ẹmila ibozẹghẹ.

Diuteronomi 28:32

A ghi viọ ivbi uwa ne ikpia kevbe ne ikhuo ne avbe eghian uwa vbene uwa na bu aro ua gha ghe ughe. Wa ghi yẹnyẹn aroa ye odẹ ẹdẹgbegbe wẹ ne ivbi uwa werriegbe rre sokpan ẹtin ghi fo uwa.

Diuteronomi 31:17

Emwi vberriọ gha sunu, ohu iran gha mu mwẹ, I gha he iran ye otọ, a ghi fuẹn iran an. Ọkhọ ni mu ohan hia gha rruan iran, ẹghẹ nii iran ghi do rẹn wẹ emwi na sunu vbe egbe iran rhunmwuda, mẹ ne Osanobua iran i ghi rrọ yaba iran.

Diuteronomi 32:25

Okuo gha gbele emwa ye ughe, ugborrirri ghi gbele emwa ye uwowa avbe igbama kevbe ivbialeke gha wulo, kevbe emọ obọ kevbe avbe ọmaẹn, ne a ra sẹrae i rrọọ.

Giọgis 4:16

E Barak keghi khu avbe ikẹkẹ okuo nii kevbe ivbiyokuo gha rrie Harosiẹt ọghe iran ne ẹ i re Ju. Iran keghi gbele ivbiyokuo e Siseria hia fo fẹẹrẹ; ọkpa ma vbe kẹe vbọ.

I Samuẹl 16:14

Orhiọn e Nọyaẹnmwa keghi kpao sẹ e Sọl rae, orhiọn dan ne Nọyaẹnmwa gie rre keghi do gha mu ẹẹn rueghe.