Hozia 9:11 - Edo Bible (E Baibol Ẹdo) Version 1996

¹¹ Ukpọlọmwẹ Izrẹl gha tin fua zẹ vbe ahianmwẹ, iran i ghi ra vbe miẹn emọ biẹlẹ, a i ra ghi vbe miẹn ikhuo ohanmwẹ vbọ, a i ghi ra vbe hanmwa emọ vbọ.

Hozia 9:11 Iomraidhean Croise

Gẹnẹsis 41:52

Ọ keghi vbe kha wẹẹ, “Osanobua viọ emọ gunmwẹ vbe ẹvbo ne I na miẹn ọlọghọmwa.” Ọ keghi he ovbi ẹre ne ukpogieva Ifreim.

Gẹnẹsis 49:22

Ekẹtẹkẹtẹ oha ọre Josẹf khin, ekẹtẹkẹtẹ oha ne ọ rre ọkpẹn ẹzẹ, ivbi e ekẹtẹkẹtẹ ni rre ọkpẹn oke.

II Samuẹl 6:23

E Mikal ne ovbi e Sọl ne okhuo ma miẹn ọmọ biẹ.

Job 18:5

Ẹ i mwẹ a ma dọ ukpa ọmwa dan yọ. Ubamwẹ ọnrẹn i ra dọlegbe wan uwanmwẹ ọvbehe.

Psalm 58:8

Te iran gha ya yevbe egilẹ nọ rọn uan, vbe ọkpan odo. Te iran gha yevbe ọmọ ne ọ kpa ẹn fua ne okpa ma gbe ifuẹn na.

Asan-Ibo 6:3

Ọmwa sẹtin biẹlẹ emọ iyisẹn, ọ ghi vbe tọ ẹsẹse, sokpan, vbene ọ khọnrẹn ne ọ tọ sẹhẹ, a dẹghe ọyẹnmwẹ ma sẹ ọe vbene ọ te khẹ kẹe, a dẹghe a ma vbe re ẹre ẹse, ẹmwẹ ne I miẹn ta ye evba ọrọre wẹ, ọmọ ne okpa ma gbe ifuẹn na ọ re ọ wa maa sẹẹ.

Aizaia 17:3

Izrẹl ghi khian ne ẹ i ghi mwẹ ne ọ degue ẹre, e Damaskọs ghi do khian ne ọ ma ghi yan egbe ẹre. Avbe ivbi e Siria ni ghi miẹn uhunmwu vbọ ghi do gha re emwa ne a faraa zẹ vbene ivbi Izrẹl ye. Mẹ mwẹ ne Osa ne Udazi tae ne.”

Hozia 10:5

Ohan gha mu emwa ni rre ore Sameria, iran ghi vbe gha khiẹ ye ẹmwẹ ẹkhuia ẹmila ne iran ya igoru ma mu ye Bẹtẹl, iran kevbe avbe ohẹn ni gho nene amazẹ gha viẹ ẹsẹse. Iran gha go ugomwẹ eve vbe ẹghẹ ne a gha na bannọ ẹre ose igoru ẹre hẹ kua.

Hozia 4:7

“Vbene uwa ne avbe ohẹn ya bun yọ, erriọ ọ re uwa vbe ya ru orukhọ ghe mwẹ sayọ rhunmwuda ọnii, I gha ye ọghọ ne ọ te rre uwa egbe khian efaa.

Hozia 5:9

Ẹdẹ irria ikhi dee. Izrẹl gha la ọrhiae rrie. Ivbi Izrẹl, ẹ i mwẹ ọna ma sunu.

Hozia 9:14

Demwi ne I ra wẹ ne u ru avbe emwa na re yi? Ye avbe amwẹ iran khian agan. Ru ẹe ne a miẹn wẹ iran ma ghi sẹtin koko ivbi iran.

Emọs 1:13

E Nọyaẹnmwa khare wẹẹ, “Te ivbi Amọn wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Vbe okuo ne iran khọn ba ẹmwẹ otọ, uhin ighe te iran gha va ẹkpoliyẹkẹ ẹko vbe Giliad.

Iyẹn ne ọ Maan Ọghe Luk 23:29

Rhunmwuda, ẹdẹ dee ne emwa gha kha wẹẹ, ‘I ma kan iran ne ikhuo ne ẹ i mwẹ emọ, iran ni ma biẹ hiehie kevbe iran ni ma koko emọ!’

Diuteronomi 28:18

“E Nọyaẹnmwa gha fi uwa unu vbene a gha na miẹn wẹ emọ ibozẹghẹ ọre ọ khian rhie ne uwa, emwiokọ ọwuẹ kevbe ẹmila ibozẹghẹ.

Diuteronomi 33:17

Ẹtin ekhuia ẹmila ọ re Josẹf ghaa mwẹ, ke igho ọghe ede. Avbe igho ẹre kegha re inu arriaisẹn ne ọ khin ọghe Manasẹ kevbe arriaisẹn igbe ọghe Ifreim, igho ni ọ re ọ ya solo avbe uhunmwu ẹvbo, ọ ghi sua iran gha rrie odẹ ufomwẹ agbọn.”