Hozia 9:10 - Edo Bible (E Baibol Ẹdo) Version 1996

¹⁰ E Nọyaẹnmwa khare wẹẹ, “Ẹghẹ ne I na ka miẹn Izrẹl, ọ keghi ye vbe ne a miẹn erhan azara ne ọ zọ ye uwu ato. Ẹghẹ ne I na ka miẹn avbe erha uwa odede, ọ keghi yevbe ne a miẹn ọmọ ne ọ vbo ro ne erhan azara ka gha mọ vbe ẹghẹ ọre. Sokpan, iran ghi sẹ Oke Peọ, iran na suẹn gha gho e Baal, wanwanna, iran keghi do gha re emwi osọnnọ zẹ vbene ẹbọ ne iran ho ẹmwẹ ọnrẹn ye.

Hozia 9:10 Iomraidhean Croise

I Ọba 16:31

Egbe orukhọ ne Jeroboam ru ma ghi sẹ ne irẹn, ọ keghi vbe ru yan vbe ne ọ na ya rhie Jezibẹl ovbi Ethal ne ọba Saidọn, ọ na vbe gha gho e Bal.

II Ọba 17:11

Iran kegha giẹn eturari vbe uhunmwu avbe aka iran ni ga ẹbọ hia, zẹ vbene avbe emwa ne Nọyaẹnmwa khulo hin otọe nii rre vbe gha ru. Iran keghi ya uyinmwẹ dan ne iran yin hia ya ohu mu e Nọyaẹnmwa,

Psalm 115:8

Iran ni mannọ iran, kevbe iran ni gho iran, te iran gha vbe gha ye vbe nene amazẹ, ne iran mannọẹn.

Psalm 81:12

Rhunmwuda ọnii, I keghi sẹ iran rae, ne iran la odẹ iyin ehọ iran, ne iran ya gha ru emwi ne ọ khọn iran.

Ihuan Ne Ọ Sọọ Ihuan Hia 3:6

Vbe ọna khin ne ọ ke ato dee na yi? Zẹ vbe iki ighogho? Ne ọ winhin eturari kevbe oziya eturari ne avbe ekpatẹ khiẹn?

Aizaia 28:4

Uyi ne ọ fafaa ọghe avbe ọkaolotu ni hio nii gha khian ne a ho bẹkun zẹ vbe ọmọ erhan ne ọ ka wa gha ladian, ne a zẹgiẹ kọlọ re vbe ọ wa wo ọwarọkpa.

Jerimaia 11:13

Vbene avbe okpẹvbo ne ivbi e Juda mwẹ bun sẹ, ọ re ẹbọ ne iran mwẹ vbe bun sẹ, iran ni rre Jerusalẹm, vbene idunmwu ne iran mwẹ bun sẹ, ọ re avbe Ogiukpo ne iran na zọ ese ghe ẹbọ osọnnọ nii ighe Baal vbe bun sẹ.

Jerimaia 24:2

Avbe ohọ ne ọ maa kegha rre okhuae ne okaro, ni wa rherhe vbo vbọ, nọkpa kegha re ne ẹ i maa ye, ne ẹ i gie a re.

Jerimaia 3:24

Sokpan, e Baal ne ẹbọ emwiekhue ne ima gha gho, wa miẹn ima emwi hin obọ rre, avbe oghẹn ohuan, ẹmila emọ ikpia, emọ ikhuo, avbe emwi hia ne avbe erha ima odede wa miẹn ẹsọn yi ke ẹkpo nẹdẹ gha dee.

Jerimaia 3:25

“Te ọ kere ne ima lovbiẹ ye otọ ne emwiekhue, ne efaa gue mwa. Ẹghẹikẹghẹ ọ re ima vbe avbe erha mwa odede wa ya gha rukhọ ghe Nọyaẹnmwa Osanobua mwa. Ma ma he vbe họn ẹmwẹ ne ẹẹn ẹdẹ.”

Jerimaia 31:2

I tohan iran ni miẹn uhunmwu vbe obọ uwu vbe ato. Ugbẹn vbe ivbi Izrẹl ghi wẹ iran gualọ ikẹtin.

Jerimaia 5:31

Avbe akhasẹ i ta ẹmwẹ ọvbehe gberra ohoghe, vbene avbe akhasẹ khare ọ re avbe ohẹn ya khaemwisẹ yan emwa, emwa mwẹ i vbe wẹ hẹn. Sokpan, ena hia ghẹ ghi fo nia, vbe iran gha ru hẹ?”

Ezikiẹl 20:8

sokpan, iran yagha mwẹ, iran ma danmwehọ, iran ma viọ amazẹ osọnnọ iran kua ra ne iran sẹ avbe ẹbọ Igipt rae. Mẹ keghi te wa mu egbe ne iran họn ẹmwẹ obọ ohu ne ọ mu mwẹ vbe egbe vbe Igipt vbe odọ niii.

Hozia 11:1

E Nọyaẹnmwa khare wẹẹ, “Ẹghẹ ne Izrẹl na re ọvbokhan, I keghi gha hoẹmwẹ ọnrẹn, I keghi tie ẹre ke Igipt rre, zẹ vbe ovbi mwẹ nokpia.

Hozia 13:5

Mẹ ọ re ọ gbearoghe uwa vbe otọe ato ne ọ kae.

Hozia 2:15

I gha mu ogba azara ne ọ kagha mwẹ dọlegbe nẹẹn, I ghi ya Iya orueghe khian Onurho idaehọ ne ẹẹn. Ọ gha zẹ yọmwẹ re vbe odọ niii zẹ vbene ọ ka gha ru ẹghẹ ne ọ na ye kherhe, ẹghẹ ne ọ na ke Igipt rre.

Hozia 4:14

Sevba, mẹ i ra rri iran oya ye emwi na, rhunmwuda, wa tobọ uwa vbe munọ avbe ebabotu aroẹbọ, wa vbe iran ọ re ọ gba zọ ese iran ni ga ẹbọ. Zẹ vbene a yae kpa itan wẹẹ, ‘Emwa nii i mwẹ ẹwaẹn, te iran ra fuan.’

Hozia 4:18

Iran ghẹ ghi da ayọn nẹ ẹsẹse, ẹmwẹ ebabotu ne iran gbe ọ re ọ ghi rre iran aro, ifaegbe ua ghi yẹ iran sẹẹ ọghọ.

Emọs 4:5

Wa gie obọ kẹe ne uwa ya ye ebrẹd kpọnmwẹ Osanobua, ne uwa vbe gha ya ee rhuọ khian ighe emwi ne uwa ya ru yan emwi ihaoko. Egbe emwi vberriọ ọre a na miẹn uwa.

Maika 7:1

Ẹ i zẹdẹ maa, hiehie re! Te I ghi wa ye vbe ọmwa ne ohanmwẹ gbe ne ọ ma miẹn ọmọ erhan vbe uhunmwu erhan ra alimo ayọn vbe uhunmwu azara. Alimo ayọn hia kevbe avbe ọmọ erhan ni rhiẹnrhiẹn, iran kọlọ ehia fo nẹ.

Nọmbas 15:39

Adaghọ na ghi gha re ọghe ayere, ẹghẹikẹghẹ ne uwa a rhirhi ya dẹghe iran, wa ghi ye uhi mwẹ hia rre nu uwa vbe gha ru iran; ẹghẹ nii, wa i ghi ra fi iyeke gbe mwẹ ne uwa ya gha ru ọghe enegbe uwa ne uwa ho.

Nọmbas 18:13

Ọwuẹ ehia khin. Ọmwa ne awua i ghi gue vbe uwu avbe emwa ruẹn sẹtin rriọe.

Ebe ne Pọl gbẹẹn gie emwa Rom 6:21

Sokpan, de ere ne uwa ghi miẹn re vbe ne uwa na gha ru avbe emwi ni ne ekhue ẹre ghi mu uwa ẹghẹ na? Uwu ọre ọ ke avbe emwi ni ikian.

Diuteronomi 32:10

“Ọ keghi vbe miẹn vbe iran hẹ yo hẹ rre vbe uwu ato, ato ne emwa i ye ne ẹhoho kpolo, ọ degue iran, ọ na gbe aro ghe iran zẹ vbe ne ọ gha ru egbe irẹn.

Diuteronomi 32:17

Iran na gha zọ ese ghe ẹbọ ne ẹ i re ọ re, ẹbọ ne Izrẹl ma he gho ẹdẹ. Ẹbọ ne avbe erha iran ma mu ohan rẹn.

Diuteronomi 4:3

Wa tobọ uwa miẹn emwi ne Nọyaẹnmwa ru vbe Oke Peọ. Ọ keghi fuẹn emwa hia ni gho e Bal rua vbe evba nii.

Giọgis 6:32

Ke ẹghẹ nii kpao, a na ghi gha tie Gidiọn Jerubabẹl, rhunmwuda ne Joas na kha wẹẹ, “Gie Bal khọn ekhae ne egbe ẹre rhunmwuda, aka ẹre ọ re a guọghọ ua.”