Hozia 9:1 - Edo Bible (E Baibol Ẹdo) Version 1996

¹ Wa ne ivbi Izrẹl, wa dobọ ne uwa na ru emwi ukpo uwa zẹ vbe emwa ni ga ẹbọ yi, wa fi iyeke gbe Osanobua uwa nẹ, ekhọe uwa ma vbe lelẹe. Ehe ne otọe nii sẹe ehe ne ọ rhanmwẹ, ọ re uwa na khiẹnnẹ egbe uwa ne Baal zẹ vbe ebabotu, avbe ọka ne uwa ro ighe rẹn ọ re ọ ya ẹe ha uwa osa keghi yẹ uwa.

Hozia 9:1 Iomraidhean Croise

Psalm 73:27

Ẹ i mwẹ iran ni he uwẹ ye otọ ma fuẹn uan, wẹ gha fuẹn iran an ighe emwa ni ma guobọ ruẹ.

Aizaia 17:11

Gia kha wẹ iran gele gbọọ, iran na họn ebe ẹsẹse vbe owiẹ ne uwa gbọọ iran zẹẹ, wa i ra kọlọ ọmọ iran. Ọlọghọmwa kevbe obalọ ne ẹ i mwẹ ukhunmwu ọkpa ọ re uwa ra miẹn vbọ.

Jerimaia 2:19

Emwi dan uwa ọ re ọ ra rri uwa oya ne uwa na fi iyeke gbe mwẹ ọ re ọ ra bu abe uwa. Wa gha ruẹ vbene ọ rriara hẹ kevbe, vbene ọ ma gba hẹ ne uwa na hee mwẹ yotọ mẹ ne Nọyaẹnmwa ne Osanobua rua; vbene uwa i ghi na vbe ya ọghọ mẹ. Mẹ ne Nọyaẹnmwa ne Udazi, ne Oghodua taa ẹe nẹ.”

Jerimaia 2:20

E Nọyaẹnmwa ne Udazi khare wẹẹ, “Izrẹl, ọ kpẹre ne uwa ghi he asẹ mwẹ yotọ wa he ne uwa họn ẹmwẹ mẹ ra ne uwa ga mwẹ wa keghi ya gha gho avbe ẹbọ emwiokọ, vbe uhunmwu oke kevbe ototọ erhan ni mwẹ ebe hia.

Jerimaia 44:17

Emwi ne ima khare ighe ma ra ru hia ọ re ima ra ru. Ma gha zọ ese ghe avbe ẹbọ nokhuo ọghe ima ighe Ọba okhuo ne Ẹrinmwi, ma gha vbe gha sa ayọn ye otọ ne ẹẹn, zẹ vbene ima kevbe avbe erha mwa odede, avbe ọba ima kevbe avbe ọkaolotu ima ka ru ẹe dee yi vbe avbe ẹvbo e Juda, kevbe vbe adesẹ idunmwu ni rre Jerusalẹm. Vbe ẹghẹ nii, evbare keghi maa ne ima ọghe ọkpọkua, te agbọn wa gha maa ima ẹghẹ nii, ma ma vbe gha mwẹ ọlọghọmwa.

Eve Orriara 4:21

Wa gha giẹ ivbi Idom kevbe Uz; wa gha ghọghọ vbe ẹghẹ ne uwa ya sẹtin, ọkhọ ne ọ ra rruan uwa vbe dee. Wa tobọ uwa gha vbe dobidokpannọ wa ghi bannọ uan vbe uwu ekhue.

Ezikiẹl 16:15

“Sokpan, ẹmwẹ ose ruẹ keghi la ruẹ uhunmwu sẹrriọ wẹ okpia ne ọ ghi wa rre hia ọ re u kue na.

Ezikiẹl 16:30

Vbenian ọ re Nọyaẹnmwa ne Udazi ghi kha nian: “Te uwa ru avbe emwi na hia zẹ vbe igberagia ne okhuo ekhue i mu awa.

Ezikiẹl 20:32

Wa tae mu olọ yan rẹn nẹ wẹ te uwa ra gha yevbe avbe ẹvbo nekpa, zẹvbe emwa ni rre ẹvbo ọvbehe, iran ni gho erhan kevbe okuta. Sokpan, ọnii i gba hiehiere.

Ezikiẹl 21:10

A gha lọọ ẹe nẹ ọ gha gbe emwi, a gha kpe ẹe nẹ ọ gha fi wain vbe ayan. Oghọghọ i sẹtin gha rrọọ. Rhunmwuda, avbe emwa mwẹ hee ẹmwẹ ne a tama iran yotọ, ke vbe oya ne a rri iran re.

Hozia 10:5

Ohan gha mu emwa ni rre ore Sameria, iran ghi vbe gha khiẹ ye ẹmwẹ ẹkhuia ẹmila ne iran ya igoru ma mu ye Bẹtẹl, iran kevbe avbe ohẹn ni gho nene amazẹ gha viẹ ẹsẹse. Iran gha go ugomwẹ eve vbe ẹghẹ ne a gha na bannọ ẹre ose igoru ẹre hẹ kua.

Hozia 2:12

I gha guọghọe rua ighe erhan ne ọ mọ ọmọ ne ọ ya ru ayọn, kevbe erhan ohọ hia, ne ọ khare ighe avbe esiọre ọ re ọ viọ ẹre ne irẹn, rhunmwuda iwinna ne ọ ye ne iran. I gha ya ogba azara ẹre kevbe erhan ohọ ẹre khian ẹgbo, aranmwẹ oha ghi rhia ẹre ua.

Hozia 4:12

Iran ghi ya gha nọ ike erhan wẹ ne ọ ta enegbe iran ma iran. Ọkperhan ọ re ọ ghi tama iran emwi ne iran ho ne iran rẹn. Iran sẹ mwẹ rae nẹ, zẹ vbe okhuo ne ọ khian igberagia. Iran rhie egbe iran ne avbe ẹbọ ọvbehe.

Hozia 5:4

Emwi dan ne emwa ni ru ma ghi gie iran dọlegbe bu Osanobua iran gha dee. Ẹbọ ne a gho la iran uhunmwu nẹ, iran ma ghi vbe kha ighe iran rẹn e Nọyaẹnmwa.

Hozia 5:7

Iran ma guobọ e Nọyaẹnmwa. Ivbi iran i re ọghe ọe. Rhunmwuda ọnii nian, a gha fuẹn iran kevbe otọe iran an ban.

Emọs 3:2

“Vbe avbe uhunmwu ẹvbo hia ni rre agbọn na, wa ọkpa ọre I rẹnrẹn, wa ọkpa ọre I vbe gbe aro ghe vbọ. Ọnii ọre ọ si ẹe ne orukhọ uwa na re emwi ne ọ mu ohan, ọnii ọ si ẹe ne a na miẹn wẹ ẹ i mwẹ I ma rri uwa oya yọ.”

Emọs 4:5

Wa gie obọ kẹe ne uwa ya ye ebrẹd kpọnmwẹ Osanobua, ne uwa vbe gha ya ee rhuọ khian ighe emwi ne uwa ya ru yan emwi ihaoko. Egbe emwi vberriọ ọre a na miẹn uwa.

Emọs 6:13

Wa gha ghagha i ghẹ wa sẹtin khọn ẹvbo Lodeba. Wa gha rhuọ wẹẹ, “Te ima mwẹ ẹtin sẹ ọe ne ima na khọn e Kanaem.”

Emọs 8:10

I gha ru ẹe ne uwa khiokhio eto, na uwa vbe viọ ukpọn akhiẹ ye egbe. Wa ghi ye vbe evbibiemọ ni khiẹ ukpọmọkpa ne iran biẹe. Tẹ ẹdẹ ne ẹdẹrriọ ra wa rriara ne ebi ro.

Jems 4:16

Wanwanna nian, wa wa tọn egbe mu, wa keghi vbe rhuọ, egbe orhuọ vberriọ rhọkpa, ne ọ diae i rrọọ.

Jems 5:1

Banbanna nian, wa danmwehọ mwẹ, wa ni fee. Wa gha viẹ, wa gha viẹ eve orriara ye ẹmwẹ ọkhọ ne ọ ra do sunu vbe egbe uwa.