Hozia 8:5 - Edo Bible (E Baibol Ẹdo) Version 1996

⁵ Ẹkhuia ẹmila igoru ne emwa e Sameria gho wa sọnnọ mwẹ. Ohu iran wa kakabọ mu mwẹ vbe ọ ra kpee sẹ hẹ yi iran ke do mu ẹbọ ne iran gho fua?

Hozia 8:5 Iomraidhean Croise

II Krọnikol 13:8

Banbanna nian, wa wẹ wa ra gu asẹ ọghe ọba ne Nọyaẹnmwa mu ne ivbi e Devid khọn. Ivbiyokuo uwa bun ẹsẹse, avbe ẹkhuia ẹmila igoru ne Jeroboam ru mu ne uwa wẹ enii ọ re Osanobua uwa.

Psalm 19:13

Vbe fanmwẹ vbe obọ orukhọ ọmaru, ghẹ gie iran khaemwisẹ yan mwẹ. Ẹghẹ nii, I ghi do gha re ne ọ gbae, I gha fe vbe obọ ọkhọ orukhọ

Itan 1:22

“Wa ne akpa! Inu ẹghẹ wa ho ne uwa ya gha re akpa? Inu ẹghẹ wa ra ghọghọ ye irẹnmwi ne uwa ya gbogiẹ la? Wa i ra ruẹ emwi ẹdẹdẹmwẹdẹ ra?

Aizaia 45:20

E Nọyaẹnmwa khare wẹẹ, “Wa do si egbe koko, wa ne emwa ni rre uhunmwu ẹvbo, wa hia ni miẹn uhunmwu vbe arriọba nọkhua ni de. Wa ladian ne a do gui ẹzọ uwa. Iran ni gha mu amazẹ erhan, hẹ yo hẹ rre iran na gha na erhunmwu ghe ẹbọ ne ẹ i ra sẹtin miẹn iran fan, emwa nii ma zẹdẹ rẹn emwi rhọkpa hiehiere.

Jerimaia 13:27

Ọ miẹn Vbe uwa ru emwi ne ẹ i ye ọre nẹ. Ọ miẹn ọẹn vbe uwa lele avbe ẹbọ iran ni ma yayi vbe avbe uhunmwu oke kevbe oha, zẹ vbe ọmwa ne ọ fifi lele amwẹ ọsiọre ra ẹsin ọwẹe ne ọ kpe lele ẹsin amwẹ. Ivbi e Jerusalẹm, wa wiri, de ẹghẹ ne uwa gha ya huan?

Jerimaia 4:14

E Jerusalẹm, kpe ọkhọ hin uwu ekhọe ruẹ rre, ne u miẹn ehe na miẹn uhunmwu. Vbe u a gha zẹ iro dan kpee sẹhẹ vbe ekhọe ruẹ?

Jerimaia 48:13

Ẹghẹ nii, ivbi e Moab gha khian ne iro hanrẹn ba ẹmwẹ e Kemọs ne ẹbọ iran, zẹ vbene iro e Bẹtẹl han ivbi Izrẹl, ẹbọ ni ne iran te mu ẹtin yan.

Hozia 10:5

Ohan gha mu emwa ni rre ore Sameria, iran ghi vbe gha khiẹ ye ẹmwẹ ẹkhuia ẹmila ne iran ya igoru ma mu ye Bẹtẹl, iran kevbe avbe ohẹn ni gho nene amazẹ gha viẹ ẹsẹse. Iran gha go ugomwẹ eve vbe ẹghẹ ne a gha na bannọ ẹre ose igoru ẹre hẹ kua.

Hozia 10:8

Aro ẹbọ ne ọ rre oke Avọn, ehe ne avbe ivbi Izrẹl na ya gha gho ẹbọ, a gha fuẹn ọnrẹn uan. Igban kevbe irunmwu gha zọ vbe Ogiukpo iran. Emwa nii gha go tama avbe oke nekhua wẹẹ, “Viọ ima lẹre!” Kevbe avbe oke negiẹrẹ wẹẹ, “Guẹ ima muotọ!”

Hozia 13:2

Te iran ra wa ye gha ru orukhọ khian, vbekpa ne iran gha na gha ye ematọn dunmwu emwi ne iran ra gha gho avbe amazẹ esiliva, ne emwa nagbọn ye ekhọe mwamwa, ne emwa nagbọn ye obọ ru, iran keghi vbe kha wẹẹ, “Wa ya gha zọ ese gie ẹe.” Vbe emwa gu ye unu soso avbe amazẹ vberriọ unu yi, avbe amazẹ ni ye vbe ẹkhuia ẹmila.

Hozia 8:6

Owinna ne ovbi Izrẹl ọ re ọ ma amazẹ nii, ẹ i vbe zẹdẹ re ẹbọ hiehiere. Iran gha rẹnkhẹn ọẹn ruan ighe ẹbọ igoru ne iran gho vbe Sameria.

Emọs 8:14

Iran ni vẹn ẹbọ e Sameria, iran ni kha wẹẹ, ‘I vba ẹbọ ne Dan’ ra ‘I vba ẹbọ ne Biẹsiẹba’ iran ni gha dele guọghọ ua, iran i ghi vbe kpao ọvbehe.”

Maika 1:7

Avbe ẹbọ ẹre hia ne eghẹnghẹn, a gha dunmwu ẹẹn ruan, emwi ne a te hẹ ne avbe ohẹn ne ikhuoẹre, a gha ye erhẹn giẹn uan, avbe amazẹ ọre hia gha khian utete ne ọ dihoi rua. E Sameria ọ re ọ viọ avbe emwi na rre ne ọ ya dugie ne otọ ẹre miẹn ehe na gha ma emwiokọ; banbanna nian, te avbe eghian rẹn ra viọ kpao, ne iran ya gha gho ẹre vbe ehe ọvbehe.”

Iwinna 7:41

Ẹghẹ nii ọre iran na ma ẹbọ ne ọ ye vbe ovbi ẹmila ọwẹe, iran na gha ruẹe, iran na gha le evbare ne iran ya ye ọghọ ne emwi ne iran tobọ iran ma.

Diuteronomi 32:22

Ohu mwẹ gha ba ghe odukhunmwu vbe erhẹn ọ ghi giẹn emwi hia ni rre agbọn uan. Ọ ghi sẹ agbọn ne ọ rre uwu otọ, ọ ghi giẹn inian ọghe avbe oke ua.