Hozia 8:13 - Edo Bible (E Baibol Ẹdo) Version 1996

¹³ Iran zọ ese ghe mwẹ, iran ghi vbe rri emiowo nene emwi izọ ese nii. Sokpan, ẹko iran i rhiẹnrhiẹn imẹ ne Nọyaẹnmwa, wanwanna nian, I gha ya orukhọ iran rre ne I vbe rri iran oya yọ. I gha viọ iran werriegbe gha rrie Igipt.

Hozia 8:13 Iomraidhean Croise

Ẹksọdọs 20:3

“Ohan i gie uwẹ mwẹ osa ọvbehe ba imẹ.

Ẹksọdọs 32:34

Banbanna nian, gha khian viọ emwa nii gha rrie ehe ne I tama ruẹn. Ye rre, odibo mwẹ gha ma ruẹn odẹ sokpan, ẹghẹ ne I gha na guan yọ, I gha rri iran oya ye orukhọ ne iran ru.”

Itan 21:27

Te ọ sọnnọ e Nọyaẹnmwa vbe emwa dan a zọ ese ghe ẹre, katekate vbe a gha miẹn wẹ emwi dan ọ re ọ rre iran ekhọe ne ọ ye iran ru ẹe.

Aizaia 1:11

Ọ wẹẹ, “Wẹ yayi wẹ mẹ mwẹ emwi ne imẹ ye avbe ese nibun ne uwa zọ ghe mwẹ na ru ra? Avbe ohuan ne uwa ya zọ ese ghe mwẹ, deba ẹvbi ọghe aranmwẹ ruẹn, khan mwẹ ne. Esagiẹn ẹmila kevbe ọghe ẹwe khan mwẹ.

Jerimaia 14:10

E Nọyaẹnmwa keghi kha vbekpa avbe emwa na wẹẹ, iran ho ne iran gha lẹ mẹ, iran i sẹtin mu egbe iran yọghọ rhunmwuda ọnii, ẹko iran i rhiẹnrhiẹn mwẹ. I gha ye avbe amaruẹse iran rre, I gha rri iran oya ye orukhọ iran.’ ”

Jerimaia 6:20

De emwi ne iran wẹ I ya eturari ne iran viọ ke Siẹba rre ru yi ra avbe emwi ne ọ winhin ne iran viọ ke urria rre? Mẹ i ra rhan obọ miẹn emwi ihaoko iran ra ne izọ ese iran gha yẹ mwẹ.

Ezikiẹl 29:16

Izrẹl i ghi ra dọlegbe mu ẹtin yan iran wẹ ne iran do ru iyobọ ne iran. Emwi ne ọ rruan Igipt gha rhie ma ivbi Izrẹl wẹ emwi ne ọ ma gba nọ ne a te mu ẹtin yan iran. Ẹghẹ nii, Izrẹl gha rẹn wẹ mẹ ọrọre Nọyaẹnmwa ne Udazi.”

Hozia 11:5

“Iran he ne iran werriegbe bu mwẹ gha dee, rhunmwuda ọnii, Igipt iran gha werriegbe gha rrie, Asiria gha vbe gha khaemwisẹ yan iran.

Hozia 12:11

Sevba te emwa ye ya uhunmwu rhanmwẹ otọ ne avbe ẹbọ vbe Giliad, iran ni ya uhunmwu rhanmwẹ otọ ne iran gha wulo. A ya ẹkhuia ẹmila zọ ese vbe Gilgal, avbe Ogiukpo ni re evba gha khian utete okuta vbe oha.”

Hozia 4:9

“Oya ne a gha rri emwa ni re ọ re a gha vbe rri uwa ẹre! I gha rri uwa oya, I ghi vbe ru ẹe ne uwa ha osa emwi dan ne uwa ru.

Hozia 5:6

Iran munọ ohuan kevbe ẹmila iran ne iran ya zọ ese ghe Nọyaẹnmwa, sokpan, ẹ i ruẹ ne iran. Iran i sẹtin miẹn ọẹn rhunmwuda, rẹn kpao sẹ iran rae nẹ.

Hozia 6:6

Ahoẹmwọmwa ne ẹ i beghe ọghe uwa ọ re I ho ighẹ ẹ i re aranmwẹ ne uwa ya zọ ẹse. Emwa mwẹ rẹn mwẹ, ọ re ọ yẹ mwẹ sẹ ne iran giẹn emwi ya zọ ese ghe mwẹ.

Hozia 7:11

Izrẹl gha bobo yo bobo rre zẹ vbe elikhukhu ne ọ kọẹn; vbe okaro, emwa ni lẹ bu Igipt gha khian ne ọ de yi iran obọ, iyekọni, iran vbe lẹ bu Asiria.

Hozia 7:16

Iran keghi wa gha fi iyeke gbe mwẹ iran na gha lẹ bu ẹbọ ne ẹ i mwẹ ẹtin rhọkpa yo. Zẹ vbene uhanbọ ne ọ gọe ye, ne ẹ i na gia mu ẹtin yan, erriọ ọre iran ye. Rhunmwuda ẹmwẹ uhiomwẹ ne iran ta, avbe ọkaolotu iran gha wulo uwu dan, ivbi Igipt ghi vbe gha giẹ.”

Hozia 7:2

Ọ ma vbe la iran uhunmwu wẹ, I gha ye avbe emwi na rre, sokpan orukhọ iran gba ogba ga iran, ẹ i mwẹ mẹ ma bẹghe ẹre.”

Hozia 9:6

Ọkhọ gha ghi rruan iran nẹ, ighe avbe emwa ni hia vbe zagha kua, ivbi Igipt gha si iran koko iran ghi si iran koko ne iran ya re iran vbe Mẹmfis! Emwi ẹfe esiliva ne iran mwẹ, kevbe ehe ne owa te gha ye vbe ẹghẹ ọkpa, irunmwu kevbe igban, ọ re ọ gha zọọ gue ehia.

Hozia 9:7

Ẹghẹ ne a ya rri emwa oya rre nẹ, ẹghẹ ne a gha na ru emwa emwi ne ọ ma iran. Ọnii gha ghi sunu, Izrẹl gha vbe rẹn. Wa khare wẹẹ, “Akhasẹ na, akpa nọ, ọmwa ne a rhie ẹmwẹ ya giee ẹre uhunmwu na, te ọ mwẹmwẹ.” Wa na wa mu ohu mwẹ vberriọ, rhunmwuda, orukhọ uwa kpọlọ.

Hozia 9:9

Emwi ne iran ru i zẹdẹ maa hiehiere, zẹ vbene iran gha ye vbe Gibea. Osanobua gha ye orukhọ iran rre, ọ ghi rri iran oya yọ.

Emọs 3:2

“Vbe avbe uhunmwu ẹvbo hia ni rre agbọn na, wa ọkpa ọre I rẹnrẹn, wa ọkpa ọre I vbe gbe aro ghe vbọ. Ọnii ọre ọ si ẹe ne orukhọ uwa na re emwi ne ọ mu ohan, ọnii ọ si ẹe ne a na miẹn wẹ ẹ i mwẹ I ma rri uwa oya yọ.”

Emọs 5:22

Wa gha viọ emwi imuohan ne a giẹn uan, kevbe ọghe ọka gunmwẹ, mẹ i ghi miẹn uwa re. Mẹ i ghi rhan obọ miẹn avbe aranmwẹ ne uwa bẹre ne uwa ya gha ha oko gunmwẹ.

Emọs 8:7

E Nọyaẹnmwa ne Osanobua Izrẹl vẹn ihen nẹ wẹẹ, “Mẹ i ra mianmian emwi dan ne iran ru.

Iyẹn ne ọ Maan Ọghe Luk 12:2

Emwi hia ne a gue ginna otọ, a gha we ẹre rua, emwi ẹkhokho hia gha dinna azagba.

I Kọrinti 11:20

Wa gha do si egbe koko zẹ vbe otu, ẹ i re evbare ota Nọyaẹnmwa wa do gha re.

I Kọrinti 11:29

Rhunmwuda, a deghẹ ọ ma rẹn otọe emwi ne a ya egbe Nọyaẹnmwa kha vbe ọ gha rri ebrẹd nii, ọ na vbe da vbe uwu ukpu nii, te ọ we ne Osanobua bu ohiẹn gbe ẹe vbe ọ gha rri ọe kevbe ọ gha da ẹe.

I Kọrinti 4:5

Rhunmwuda ọnii, wa ghẹ gha bu ohiẹn ọmwarhọkpa ọ te do sẹ ẹghẹ ne ọ kei yi. Wa sẹ ibuohiẹn ne okiekie rae khẹ ẹghẹ ne Nọyaẹnmwa gha na rre, rẹn ọre ọra we dọmwadẹ ọghọe uhe ua, ọ ghi ta iro ne ọmwa do zẹ vbe ekhọe ẹre ladian. Ẹghẹ ni ọre Osanobua gha na tian dọmwadẹ ọghọe vbene ọ ke gie ẹe.

Diuteronomi 28:68

E Nọyaẹnmwa gha ye okọ eviẹn hẹ uwa werriegbe gha rrie Igipt, a gha rhe miẹn wẹ rẹn yan rẹn wẹ wa i ghi dọlegbe rrie evba ọvbehe. Wa gha sẹ odọ, wa ghi te gha ho ne uwa khiẹnnẹ egbe uwa zẹ vbe eviẹn ne avbe eghian uwa, sokpan a i miẹn ne ọ gha kue ne ọ dẹlẹ uwa.”

Arhie Maan 16:19

A keghi wa ẹvbo nọkhua nii ye ihe eha, okpẹvbo ni rre uhunmwu ẹvbo otọ agbọn hia keghi fuẹn uan. Osanobua keghi ye Babilọn rre, ọ keghi ya nẹẹn da vbe ayọn ne ọ rre ukpu ẹre, ayọn ọghe izohu ọhanabe ẹre nii.

I Samuẹl 15:22

E Samuẹl keghi kha wẹẹ, “De ne ọ yẹ e Nọyaẹnmwa sẹẹ vbọ yi? Ahọn ẹmwẹ ra ese ne a zọọ? A họn ẹmwẹ ne ẹẹn, ọre ọ maa sẹẹ ne a gha gbe ohuan ne ọ maa sẹẹ ne ẹẹn.