Hozia 7:7 - Edo Bible (E Baibol Ẹdo) Version 1996

⁷ Vbe uwu ohu ne ọ mu iran, iran ghi gbele iran ni khaemwisẹ yan iran an. Iran gbele avbe ọba iran na ọsegbe ọsegbe, sokpan, a ma miẹn ọmwa ne ọ na erhunmwu ghe mwẹ wẹ ne I yi rẹn obọ.”

Hozia 7:7 Iomraidhean Croise

I Ọba 15:28

Ukpo ne ogieha ọghe ẹghẹ ne Asa ne ọba e Juda ya ẹe vbe ẹkete Ẹre Baasia na rriọba lele Nadab zẹ vbe ọba Izrẹl.

I Ọba 16:18

E Zimri ghi miẹn wẹ iran khọn ẹvbo nii miotọ nẹ, ọ keghi wa gha rrie ẹgun ne ọ ke uwu ẹguae sẹ ehia, ọ na rhu erhẹn ye ẹguae, rẹn tobọ ẹre keghi wu ye uwu aranmwẹ erhẹn nii.

I Ọba 16:22

Vbe okiekie, obọ iran ni rre asa ọghe Ọmri keghi ke okhunmwu, e Tibni keghi wu, Ọmri na rriọba.

II Ọba 10:14

E Jehu keghi tama emwa rẹn, “Wa munọ iran munọ ẹmwẹ ne unu.” Iran keghi munọ iran hia, ọ keghi gbele iran vbe ọkpẹn uye ọkpa vbe evba. Iran evayan iyeva nọ, ọ ma vbe sẹ ọkpa rae ye agbọn vbọ.

II Ọba 10:7

Ugbẹn vbe ebe Jehu ghi sẹ iran obọ, avbe ekamakodin ni rre Sameria nii, keghi gbele ivbi Ehab ekigbesiyenẹ nii, iran na kun uhunmwu iran ye okhuae hẹ gie Jehu vbe Jezrẹl.

II Ọba 15:10

E Sialọm ne ovbi e Jabẹs keghi khuan khẹ Zẹkaraia ne ọba, ọ keghi de ẹre izigha vbe Ibleam ọ keghi rriọba ye ihe ẹre.

II Ọba 15:14

E Menahem ne ovbi e Gadi keghi ke Tiza kpao gha rrie Sameria, ọ keghi gbe Sailọm uan, ọ na rriọba lele ẹe.

II Ọba 15:25

Ọkaokuo ọkpa vbe uwu ivbi iyokuo e Pẹkahaia, ne a tie ẹre Pẹka ne ovbi e Remalaia, keghi viọ arhin ekigbe siyeha ne ivbi e Giliad ba egbe, ọ khuan khọ Pẹkahaia, ọ na gbe ẹe rua vbe ugha ikhẹgbe ne ọ ke uwu ẹre vbe Sameria, ọ na rriọba lele ẹe.

II Ọba 15:30

Ọ ghi rre ukpo ọgban ne Jotan ne ovbi Uzaia kegha rre ẹkete e Juda, e Hosia ne ovbi Ela keghi khuan khẹ e Pẹka ne ọba, ọ na gbe ẹe rua, ọ na rriọba lele ẹe.

II Ọba 9:24

E Jehu na si uhanbọ ẹre, ọ na ya ẹtin ẹnrẹn guọn mwẹ ifẹnmwẹ, ọ na sa e Joram vbe iyeke, ọ na ya ha ẹre ẹkoko udu ladian. E Joram keghi de ye uwu ikẹkẹ okuo ẹre ọ na wu.

II Ọba 9:33

Ẹre Jehu na tama iran wẹẹ, “Wa rrua ẹre fua!” Iran ke rrua ẹre fi otọ, esagiẹn ọnrẹn keghi gbe ku egbekẹn kevbe ẹsin. E Jehu keghi fi avbe ẹsin ẹnrẹn kevbe ikẹkẹ okuo ẹre nana ikun ẹnrẹn gberra.

Job 36:13

“Ohu ohu ọ re iran ne emwa dan mu, a gha kue vbe rri iran oya, iran i tu nọ iyobọ.

Psalm 14:4

E Nọyaẹnmwa keghi nọ wẹẹ, “Iran ma rẹn ra? Te iran ni ru emwi dan na ma gele rẹn ne a ye ra? Emwa mwẹ ọ re iran rha ya koko egbe iran. Iran i vbe na erhunmwu gha mwẹ.”

Aizaia 43:22

E Nọyaẹnmwa khare wẹẹ, “Sokpan, te ẹmwẹ mwẹ khan uwa, Izrẹl, wa ma ghi ga mwẹ.

Aizaia 64:4

A ma he miẹn egbe ọ re a ma he vbe họn ẹmwẹ Osanobua ne ọ yevbe ruẹ ne ọ winna egbe iwinna vberriọ ne iran ni ye egbe kọe.

Aizaia 64:6

Te ima hia wa vuọn ne orukhọ, uhin ighẹ uyinmwẹ ne ọ ghi maa sẹẹ, iku kevbe ẹkẹkhẹrhẹ nọ. Rhunmwuda orukhọ mwa, te ima ghi yevbe ebe ne ọ kakae ne ẹhoho hohoo kua.

Aizaia 64:7

A ma miẹn orhiọnkpa ne ọ ya erhunmwu dọlegbe ghe ehe ne u ye, a ma miẹn ne ọ bu ruẹ rre do nọ iyobọ. U rhie egbe ruẹ lẹre ne ima, u ke hee ima yotọ rhunmwuda orukhọ mwa.

Aizaia 9:13

Ivbi Izrẹl ma he ye fiwerriẹ, a gha rhe miẹn wẹ e Nọyaẹnmwa ne Oghodua rria iran ikhi nẹ, iran ma he ye werriegbe bu ẹre rre.

Ezikiẹl 22:30

I gualọ ọmwa ne ọ gha sẹtin gbe ekẹn, iran ni gha sẹtin mudia ye ehe ne ekẹn na de, ne ọ gbinna ne ẹvbo nii vbe ohu mwẹ a ra fuẹn ọnrẹn uan sokpan, I ma miẹn ọmwa rhọkpa Rhunmwuda ọnii, I hihiẹ ohu mwẹ yan iran,

Daniẹl 9:13

U na rrii ima oya hia ne u gbẹnnẹ ye uhi e Mosis. Uhin ye do sẹ wanwanna nian Nọyaẹnmwa, Osanobua mwa, ma ma he ye hia ne a ru emwi ne ọ yẹ ruẹ.

Hozia 13:10

Wa nọ ọba kevbe avbe olotu ne egbe uwa, sokpan, vbe iran ra ya sẹtin miẹn ẹvbo nii fan hẹ.

Hozia 5:15

“I gha he emwa mwẹ yotọ a te do miẹn wẹ iran rri oya ye orukhọ iran sẹ nẹ, kevbe wẹ te iran ghi vbe gualọ mwẹ. Ogha kẹe, usẹ gha sẹ iran nẹ, iran gha gualọ mwẹ rre.”

Hozia 7:10

Uhiomwẹ ivbi Izrẹl wa ba iran ifi ẹzọ. Vbene a rhe ru emwi ye iran aro sẹ, iran ma dọlegbe bu mwẹ gha dee, mẹ ne ọ re Nọyaẹnmwa ne Osanobua iran.

Hozia 7:14

Iran ma he ya ekhọe ẹmwata na erhunmwu ghe mwẹ ẹdẹ, ne iran gha na te ru vberriọ, iran keghi dele gbotọ, iran keghi gha go zẹ vbene iran ni ga ẹbọ ru ẹe. Iran gha na erhunmwu ye ẹmwẹ ọka kevbe ayọn, iran ghi gha giagia egbe iran, zẹ vbene iran ni ga ẹbọ ru. Erriọ avbe miẹn emwa ni sọtẹ ra!

Hozia 8:4

“Avbe emwa mwẹ zẹ ọba, sokpan, ọghe negbe iran ọ re iran ru, iran vbe zẹlẹ avbe ọkaolotu sokpan, ẹ i re ne imẹ kue yi. Iran viọ esiliva kevbe igoru iran, iran keghi mannọ ẹbọ ne iran ra ya fuan ne egbe iran.

Maika 2:1

Umiẹn vbe ọ gha ba so iran hẹ ighe iran ne ẹ i miẹn ovbe vbe iran a lovbiẹ rhunmwuda emwi dan ne iran mwamwa vbe ekhọe! Iran gha wa miẹn ẹkpotọ ọwarọkpa vbe owiẹ, iran ghi ru emwi ne iran mwamwaẹn.