Hozia 7:5 - Edo Bible (E Baibol Ẹdo) Version 1996

⁵ Ẹdẹ ne ọba do ugie, iran ghi ye ayọn ne ọba kevbe ekhaẹmwẹ ọnrẹn da sẹrriọ wẹ iran ghi do gha zurọ.

Hozia 7:5 Iomraidhean Croise

Gẹnẹsis 40:20

Vbe ikpẹdẹ ne ogieha ne ọ re ẹdẹ ayere ubiẹmwẹ Fero, ọ keghi le evbare ne avbe ọruemwi ẹnrẹn hia, ọ keghi tie ne ọsiẹnro ayọn rẹn kevbe ọkaolotu iran ni le ebrẹd ye odaro avbe ọruemwi ẹnrẹn.

I Ọba 13:4

Ugbẹn vbe Jeroboam ne ọba ghi họn ẹmwẹ na, ọ keghi niẹn obọ da ẹre, ọ wẹẹ, “Wa mu ẹẹn ighẹ okpia nii!” Vbe ọwarọkpa nii, obọ ọba keghi zeze sẹrriọ wẹ ọ ma ghi sẹtin si ẹe werriegbe.

Psalm 1:1

Afiangbe nọ ne emwa ni ma rhie ude emwa dan, ni ma lele igiemwi emwa orukhọ, ra ne iran ya egbe ba emwa ni i ka Osanobua yọ.

Psalm 69:12

Ẹmwẹ mwẹ iran ta khian vbe odẹ, mẹ ọ re avbe ọdayọn ghi ya so ihuan.

Itan 13:20

Gha gu umẹwaẹn mu obọ, wẹ gha vbe do khian umẹwaẹn. Adeghẹ u gu avbe akpa gha ru ọse, ọnii ọ re ọwuẹ fo.

Itan 20:1

U gha da ayọn gbe u ghi gha vannọ ọghe ọzuọ. Ukọnmwẹ wa nọ ne ọmwa da ayọn gbe egbe.

Aizaia 28:1

Arriọba Izrẹl khian rhie nẹ! O Uyi ẹre hia fafaa zẹvbe ẹde obobo vbe uhunmwu avbe ọkaolotu ẹre ni da ayọn gbe egbe. A te wa ya ori ne ọ winhin wo iran uhunmwu, sokpan, ya ghe vbe ehia lovbiẹ lele otọ, ayọn gbele iran kua.

Aizaia 28:14

Wa danmwehọ vbene Nọyaẹnmwa kha hẹ, wa ne emwa ni tọn egbe mu ni khaemwisẹ yan avbe emwa na vbe Jerusalẹm.

Daniẹl 5:23

U keghi ru emwi ne ẹ i yẹ e Nọyaẹnmwa ẹrinmwi, u keghi ya viọ avbe ukpu kevbe avbe ọkpan ne a viọ ye Ọgua Osa. Wẹ kevbe avbe ekhaẹmwẹ ruẹn, avbe amwẹ ọn kevbe avbe egbakhian ruẹn kegha ya iran da ayọn, wa na gha go wan avbe ẹbọ ne a ya igoru esiliva, oze, ematọn, erhan kevbe okuta ru — avbe ẹbọ ni i bẹghe kevbe ni i họn ẹmwẹ kevbe ni i sẹtin ru emwi rhọkpa. Sokpan, wẹ ma da ne Osanobua ne ọ tae a deghẹ u gha rre agbọn ra u gha wu, kevbe ne ẹmwẹ emwi ne u ru hia rre ọre obọ.

Hozia 7:3

E Nọyaẹnmwa khare wẹẹ, “Emwa gha yo uma dan ne iran si ya rẹrẹ ọba kevbe ekhaẹmwẹ ọnrẹn.

Matiu 14:6

Vbe ẹdẹ ne Hẹrọd ru ayere ẹdẹ ubiẹmwẹ ọnrẹn, ovbi e Hẹrodias ne okhuo keghi la iku gha gbee, iku ẹre keghi wa rhiẹnrhiẹn Hẹrọd sẹrriọ

Iyẹn ne ọ Maan Ọghe Mak 6:21

Vbe okiekie ehia, obọ Hẹrodias keghi vba emwi. Ẹdẹ ayere ẹdẹ ubiẹmwẹ Hẹrọd nọ. Hẹrọd keghi tie eka ighele kevbe eka okuo kevbe iran ni hin ukhuaẹn ni rre Galili hia sẹ owa.

Ẹfisọs 5:18

Ghẹ da ayọn gbe egbe, rhunmwuda te ọ ra miẹn ruẹn uhunmwu, sokpan gha re ne ọ vuọẹn ne Orhiọn.