Hozia 7:4 - Edo Bible (E Baibol Ẹdo) Version 1996

⁴ Ekhọe ababe kevbe ni sọtẹ ọ re iran hia khin. Ikhuiwu iran gha yọn zẹvbe erhẹn vbe aroewu, ne a miẹn wẹ, ọmwa ne ọ le ebrẹd i si yọ ọ te do sẹ ẹghẹ ne ọ ra ya le ebrẹd.

Hozia 7:4 Iomraidhean Croise

Jerimaia 23:10

Otọe na vuọn ne emwa, emwa ne ẹ i mu ohan e Nọyaẹnmwa; uyinmwẹ dan ira yin iran ghi gha lo ẹtin iran la ihan. Rhunmwuda ne Nọyaẹnmwa na fi ẹre unu, te otọ ghi khiẹ, ehe ne aranmwẹ na rria hia kaka a.

Jerimaia 9:1

Akpawẹ uhae amẹ ọ re uhunmwu mwẹ khin nian, ne aro mwẹ vbe gha re uhunmwu ẹzẹ ne ọ lẹẹ, ne I miẹn ehe na gha viẹ, asọn kevbe avan, ne avbe emwa mwẹ ne a gbele ua!

Jerimaia 9:2

Akpawẹ I gha miẹn ehe dia vbe ato nian ne I miẹn ehe na kpao hin ehe ne emwa mwẹ ye rre. Iran rhọkpa i gia mu ẹtin yan ẹbu dan ni ya ọmwa ma iran khin.

Hozia 4:10

Wa gha rri oghae ne ọ kan uwa vbe emwi ne a ya zọ ese, ohanmwẹ ghi ye gha gbe uwa. Wa gha ga avbe ẹbọ ni rhie ọmọ rre, sevba wa i ra ye miẹn ọmọ biẹ, rhunmwuda, wa fi iyeke gbe mwẹ, wa keghi ya gha gho ẹbọ ọvbehe.”

Hozia 4:12

Iran ghi ya gha nọ ike erhan wẹ ne ọ ta enegbe iran ma iran. Ọkperhan ọ re ọ ghi tama iran emwi ne iran ho ne iran rẹn. Iran sẹ mwẹ rae nẹ, zẹ vbe okhuo ne ọ khian igberagia. Iran rhie egbe iran ne avbe ẹbọ ọvbehe.

Hozia 4:2

Iran gha yan eyan, iran i yae ru emwi, iran ta ohoghe, iran de izigha, iran rhaa, iran vbe ghẹẹ. Aghẹru wa biẹ yọ, izigha ne a de emwa ẹre ghi gha degbe egbe.

I Kọrinti 5:6

Ọ ma kei ne uwa na tọn egbe mu! Wa ma họn vbe a ya ẹe kpa itan wẹ, “Eyist kherhe ọre ọ ya ebrẹd hia hue.”

Jems 4:4

Wa ne ẹ i mwẹ iyayi, wa ma rẹn wẹ, ne a gha re ọse agbọn na, ighẹ te a ya ẹe khian oghian Osanobua?