Hozia 7:3 - Edo Bible (E Baibol Ẹdo) Version 1996

³ E Nọyaẹnmwa khare wẹẹ, “Emwa gha yo uma dan ne iran si ya rẹrẹ ọba kevbe ekhaẹmwẹ ọnrẹn.

Hozia 7:3 Iomraidhean Croise

I Ọba 22:13

Vbe uwu ẹghẹ na, ọmwa ne a gie ne a tie Makaia keghi khama rẹn wẹẹ, “Avbe akhasẹ nekpa hia tama ọba nẹ ighẹ ọ gha khọnmiotọ, wẹ ghi vbe kha vberriọ.”

I Ọba 22:6

Ẹre Ehab na tie avbe akhasẹ ọre ne ọ re omwa uri eva, ọ keghi nọ iran wẹẹ, “Ne I ya gu Ramọt gbinna ra ne I ghẹ yo?” Iran wanniẹn wẹẹ, “Ya khọn rẹn ighẹ e Nọyaẹnmwa gha rhie akhọnmiotọ nuẹn.”

Jerimaia 37:19

Iran ghi vbo yi ighe avbe akhasẹ ni tama ruẹn ighe ọba e Babilọn i ra guẹ khọn, ra ne ọ khọn ẹvbo na?

Jerimaia 5:31

Avbe akhasẹ i ta ẹmwẹ ọvbehe gberra ohoghe, vbene avbe akhasẹ khare ọ re avbe ohẹn ya khaemwisẹ yan emwa, emwa mwẹ i vbe wẹ hẹn. Sokpan, ena hia ghẹ ghi fo nia, vbe iran gha ru hẹ?”

Jerimaia 9:2

Akpawẹ I gha miẹn ehe dia vbe ato nian ne I miẹn ehe na kpao hin ehe ne emwa mwẹ ye rre. Iran rhọkpa i gia mu ẹtin yan ẹbu dan ni ya ọmwa ma iran khin.

Hozia 10:13

Sokpan, u keghi ya kọ emwi dan, u na vbe rhọ ọmọ rẹn. U rrii ọmọ ne ohoghe ne u ta mọẹn nẹ. Rhunmwuda ne u na mu ẹtin yan avbe ikẹkẹ okuo ruẹ, kevbe avbe ivbiyokuo ruẹ nibun,

Hozia 11:12

E Nọyaẹnmwa khare wẹẹ, “Ivbi Izrẹl ya ohoghe kevbe erẹrẹ gha ogba ga mwẹ, te ivbi e Juda ye sọtẹ mwẹ; mẹ ne Osanobua ẹmwata nọhuanrẹn.

Hozia 4:2

Iran gha yan eyan, iran i yae ru emwi, iran ta ohoghe, iran de izigha, iran rhaa, iran vbe ghẹẹ. Aghẹru wa biẹ yọ, izigha ne a de emwa ẹre ghi gha degbe egbe.

Hozia 5:11

Iran wa wọ Izrẹl uhunmwu, otọe ne ọ te re ọghe obọ ẹre, erhọkpa i ghi gue ẹe rhunmwuda, ọ keghi wa muẹn yan uhunmwu wẹ obọ emwa ne ẹ i sẹtin ru iyobọ, ọre irẹn gha na ya gha nọ iyobọ.

Hozia 7:5

Ẹdẹ ne ọba do ugie, iran ghi ye ayọn ne ọba kevbe ekhaẹmwẹ ọnrẹn da sẹrriọ wẹ iran ghi do gha zurọ.

Maika 6:16

Emwi na hia gha sunu rhunmwuda emwi dan ne Ọba Ehab ne ovbi Ọmri gu ẹe, ọ re uwa vbe guẹ. Emwi ne iran mu gbọọ ọ re uwa lele, rhunmwuda ọnii, I gha fuẹn uwa a, emwa hia ghi gha zan uwa. Emwa hia ghi gha sọnnọ uwa vbe ehe hia.”

Maika 7:3

Te emwi dan ne a ru wa gua iran hia obọ ro. Avbe ekhaẹmwẹ kevbe iran ni bu ohiẹn wa rri igho odieke. Ọmwa ne ọ hin usi ghi tama iran emwi ne irẹn ho, rhunmwuda ọnii, iran ghi gba si uma dan kugbe.

Ebe ne Pọl gbẹẹn gie emwa Rom 1:32

Iran rẹnrẹn wẹ Uhi Osanobua kha re ighẹ uhunmwu ọre emwa ni ru emwi vberriọ ya khiọ ẹre. Sẹ evba, te iran ye ru avbe emwi na, ne ọ ghi wa rhia sẹ vbọ ọrọre wẹ, iran ghi vbe gha kpe ọbọbọ ye emwa ni ru vberriọ re.

I Jọn 4:5

Ẹmwẹ emwi agbọn na ọre iran ta, emwa ne agbọn ghi vbe gha rhie ẹmwẹ iran ye ehọ, rhunmwuda, ọghe agbọn na ọ re iran khin.