Hozia 6:9 - Edo Bible (E Baibol Ẹdo) Version 1996

⁹ Avbe ohẹn ni rrọ yevbe otu ikpata ni ya gha gba khẹ ọmwa vbe odẹ. Uhin ighẹ te iran ye do izigha vbe odẹ ne a la yo e Siẹkẹm ne ehe nọhuanrẹn. Avbe emwi dan ne iran ru na hia, te iran wa yan ru ẹe.

Hozia 6:9 Iomraidhean Croise

Gẹnẹsis 12:6

Ebram kegha lele otọe nii khian rhinrin ọ te do sẹ erhan iruemwi ọghe Morẹ vbe ẹvbo nọhuanrẹn ọghe Siẹkẹm (vbe ẹghẹ ne a kha na, te ivbi e Kenan he ye rre otọe nii).

I Ọba 12:25

E Jeroboam ne ọba Izrẹl keghi gbe ekẹn ga e Siẹkẹm kevbe ẹvbo Ifreim ne uhunmwu oke, ọ na ya gbe ẹghẹ eso vbe evba. Ọ keghi vbe kpao, ọ na ya gbe ekẹn gaa e Pẹnuẹl.

Ẹzra 8:31

Ikpẹdẹ ne ogiweva ọghe uki ne okaro ọ re ima na kpao vbe Ahava ne ẹzẹ ne a fian ẹn gha die Jerusalẹm. Osanobua ima keghi wa deba ima, ọ na degue mwa hin obọ odekun ọghe avbe eghian kevbe a lẹre khẹ ọmwa vbe ima rre okhian nii.

Jerimaia 11:9

Ẹre Nọyaẹnmwa na tama mwẹ wẹẹ, “Ivbi e Juda kevbe Jerusalẹm gha si uma ga mwẹ.

Ezikiẹl 22:25

Avbe ọkaolotu yevbe avbe oduma ni vannọ yan atita ne iran gbe nẹ. Iran gha gbele emwa ni nẹ, iran ghi viọ igho kevbe emwi iran ne obọ iran vbare, rhunmwuda ne iran na de izigha, te ikhuo ni i mwẹ ọdọ ghi kpọ.

Ezikiẹl 22:27

Avbe ewọe oga ọba yevbe avbe oduma ni wa zanzan aranmwẹ ne iran gbe. Iran de izigha ne iran miẹn ehe na họn ẹfe.

Ezikiẹl 22:9

Eso vbe uwu uwa mu ohoghe ba ọmwa ọvbehe, ne a miẹn ehe na gbele iran an, eso vbe uwu iran vbe rri avbe emwi ne a ya ru ẹbọ. Eso, orriarria ekhọe iran ọ re iran wa ya ru emwi.

Ezikiẹl 23:27

I gha kie ruẹ ukpe orriarria kevbe uyinmwẹ ẹwia ne u yin ke ẹghẹ ne u ya gha rre Igipt gha dee. U i ghi ra ye dọlegbe ghe amazẹ ọvbehe ra ne u ye dọlegbe gha mu ẹmwẹ Igipt ro.”

Hozia 2:10

I gha sirra avbe ọse ne ọ zẹlẹe bannọ ọẹn ruan, ọmwa ọkpa ne ọ gha sẹtin wọlọ ẹe hin mwẹ obọ rre, ẹ i rrọọ.

Hozia 4:2

Iran gha yan eyan, iran i yae ru emwi, iran ta ohoghe, iran de izigha, iran rhaa, iran vbe ghẹẹ. Aghẹru wa biẹ yọ, izigha ne a de emwa ẹre ghi gha degbe egbe.

Hozia 5:1

“Wa danmwehọ wa ne avbe ohẹn, wa gbe ehọ kotọ wa ne ivbi Izrẹl, wa danmwehọ wa ni re ẹgbẹe ọba! Te a te wẹ ne uwa gha bu ohiẹn ẹmwata rhunmwuda ọnii, obọ ibuohiẹn gha vba uwa! Wa khian ifi ye Mizpa, kevbe ọga ne a rhuẹre ye Oke Tabọ,

Hozia 5:2

uye ne ọ dinmwi ye ore Akesia, erriọ nọ te I ra rri uwa hia oya.

Hozia 7:1

“Ẹghẹikẹghẹ ne I ya ho ne I sinmwi emwa mwẹ ighẹ ivbi Izrẹl kevbe ne I gie agbọn ma iran, emwi ne I miẹn vbe obọ iran ọrọre ekhọe dan, kevbe uyinmwẹ dan ne iran yin. Iran gha mu egbe ru. Iran gbe urho la owa ya gha rha, iran do emwa emwi hẹ vbe adesẹ ore.

Maika 3:9

Wa danmwehọ, wa ni khaemwisẹ yan Izrẹl, wa ni khuiwu ohiẹn ẹmwata, ne uwa na vbe ya emwi ne ọ gbae khian ne ọ ma gba.

Maika 7:2

Ọmwa ẹmwata ọkpa ma ghi ke ẹe vbe otọe nii, ne ọ ye ekhọe ga Osanobua i ghi rrọ. Dọmwadẹ ọghe ọe wa gualọ ehe ne ọ gha na de izigha. Dọmwadẹ ọghe ọe wa ru ohuẹ ovbi ẹvbo ẹre.

Zẹfanaia 3:3

Avbe ekhaẹmwẹ ọnrẹn yevbe oduma ni tulo wauwauwau. Iran ni buohiẹn ni rrọ yevbe akpakomiza ne ohanmwẹ gbe, ne obọ da sẹrriọ wẹ ẹ i ghi sẹtin sẹ ugboloko ọkpa rae khẹ owiẹ nọkpa.

Iyẹn ne ọ Maan Ọghe Mak 14:1

Ikpẹdẹ eha ọre ọ ghi kẹe ne a suẹn Emwiukpo Alagberra kevbe Eka Ne ọ ma hue. Avbe igie ohẹn kevbe avbe iran ni ma emwa Uhi kegha gualọ vbene iran gha ya do mu Jesu hẹ ne iran gbe ẹe rua.

Iyẹn ne ọ Maan Ọghe Jọn 11:47

Rhunmwuda ọnii, avbe Farisi kevbe avbe igie ohẹn keghi ya gu Eghaẹvbo do iko iran wẹ, “Vbe a gha khian emwi na hẹ yi, wa ma miẹn vbe oko na winna iwinna ọyunnuan ni bun hẹe!

Iwinna 4:24

Iran ghi họn ẹmwẹ na, iran keghi ku urhu gbe ya na erhunmwu ghe Osanobua wẹẹ, “Ayi ne Ọ yi, nọ yan ẹrinmwi kevbe agbọn, okun kevbe emwi hia ni re uwu iran.