Hozia 6:6 - Edo Bible (E Baibol Ẹdo) Version 1996

⁶ Ahoẹmwọmwa ne ẹ i beghe ọghe uwa ọ re I ho ighẹ ẹ i re aranmwẹ ne uwa ya zọ ẹse. Emwa mwẹ rẹn mwẹ, ọ re ọ yẹ mwẹ sẹ ne iran giẹn emwi ya zọ ese ghe mwẹ.

Hozia 6:6 Iomraidhean Croise

I Krọnikol 28:9

Rẹn keghi tama Solomọn wẹẹ, “Ovbi mwẹ, I yan tama ruẹn nian ne u rhan obọ miẹn Osanobua erha a, ne u gha ya ekhọe ẹmwata ga ẹe kevbe orhiọn ne ọ ho. Ọ rẹn iziro ekhọe mwa kevbe emwi ne ima gualọ. A dẹghe u bu ẹre gha khian, ọ gha miẹn ruẹn yi, sokpan a dẹghe u fi iyeke gbẹe, ọ gha suẹ rae rhinrin ẹdẹ.

Psalm 50:8

I ma gu uwa gui ba ẹmwẹ ese uwa ra ese ne a giẹn uan ne uwa viọ gunmwẹ.

Itan 21:3

Ru emwi ne ọ kere kevbe ne ọ hẹnhẹn, ọnii ọ re ọ yẹ Nọyaẹnmwa sẹẹ ese ne a zọ ghe ẹre.

Asan-Ibo 5:1

Hẹko gha ya ẹwaẹn yo Ọgua Osa. Ọ kere ne a yo ya ruẹ emwi vbe evba sẹẹ ne a ya gha zọ ese zẹvbe avbe ọzuọ ni ma rẹn emwi ne ọ kere hin e ne ọ ma kei rre.

Aizaia 1:11

Ọ wẹẹ, “Wẹ yayi wẹ mẹ mwẹ emwi ne imẹ ye avbe ese nibun ne uwa zọ ghe mwẹ na ru ra? Avbe ohuan ne uwa ya zọ ese ghe mwẹ, deba ẹvbi ọghe aranmwẹ ruẹn, khan mwẹ ne. Esagiẹn ẹmila kevbe ọghe ẹwe khan mwẹ.

Aizaia 58:6

“Egbe aguẹ ne imẹ ho ọ re ọna khin; wa viọ eghan ne a ya wọ emwa uhunmwu, kevbe urọnghọn aita ẹmwata kua, ne uwa gie iran ne a wọ ẹre uhunmwu gha rrie kẹkan.

Jerimaia 22:16

Te ọ gha danmwehọ ẹzọ ovbiogue sẹ otọ emwi hia keghi maa ne ẹẹn. Ọnii ọ re a ya a rẹn e Nọyaẹnmwa kha.

Jerimaia 7:22

Ẹghẹ ne I na viọ avbe erha uwa odede ke Igipt ladian, I ma yi iyi ma iran vbekpa ese ne a giẹn uan ra ese ọvbehe ne ọ rhirhi a gha khin.

Daniẹl 4:27

Rhunmwuda ọnii nian, Umogun, u ghi rhie ude ne I bu ruẹ re. Da obọ orukhọ ne a ru yi, gha ru emwi ne ọ kere, vbe gha tohan avbe ivbiogue. Ẹghẹ nii, agbọn ghi gha ma ruẹn khian.”

Hozia 14:2

Wa bu e Nọyaẹnmwa werriegbe gha dee, wa gie erhunmwu na gha re emwi ne uwa gha ya ha oko gie ẹe wẹẹ, “Ya orukhọ ima hia bọ mwa, ne u vbe rhan obọ miẹn erhunmwu ima hia. Ma gha vbe rho ruẹ zẹ vbene ima yan rẹn.

Hozia 2:20

I gha mu eyan mwẹ sẹ, I ghi ya uwẹ khian ọghomwẹ, wẹ ghi vbe miẹn imẹ zẹ vbe Nọyaẹnmwa ruẹn.

Hozia 4:1

E Nọyaẹnmwa mwẹ ẹzọ ne ọ gu emwa ni rre otọe na gui. Izrẹl, danmwehọ vbe ne ọ kha hẹ, “Uyinmwẹ esi ra aho ẹmwẹ ọmwa i zẹdẹ rre otọe nii, avbe emwa nii, ma vbe tie mwẹ Osanobua.

Hozia 8:13

Iran zọ ese ghe mwẹ, iran ghi vbe rri emiowo nene emwi izọ ese nii. Sokpan, ẹko iran i rhiẹnrhiẹn imẹ ne Nọyaẹnmwa, wanwanna nian, I gha ya orukhọ iran rre ne I vbe rri iran oya yọ. I gha viọ iran werriegbe gha rrie Igipt.

Emọs 5:21

E Nọyaẹnmwa khare wẹẹ, “Ugie ugamwẹ ne uwa do hia wa sọnnọ mwẹ, I i ghi ho ne I bẹghe iran.

Maika 6:6

De emwi ne imẹ gha rhie gie Nọyaẹnmwa ne Osanobua ẹrinmwi, vbe I a ra do mudia vbe odaro ẹre? Ne I mu ivbi ẹkhuia ẹmila ni maa sẹ rre ra ne a ya zọ ese ne a giẹn uan ne ẹẹn?

Maika 6:8

Ẹn o, e Nọyaẹnmwa ta ma ima nẹ emwi ne ọ maa. Emwi ne ọ ho vbe obọ mwa ọre ena khin: ne a gha ru emwi ẹmwata, ne a gha mwẹ itohan ne ẹ i rueghe; kevbe ne ima gha ye a mu egbe rriotọ lele Osanobua mwa khian.

Matiu 12:7

Akpawẹ wa rẹn emwi ne a ya ebe na gbẹn na kha wẹẹ, ‘I i mwẹ emwi ne I ya aranmwẹ ne a ya zọ ese ruẹ itohan ọre I ho’ wa ghẹ i gha bu abe gbe ọmwa ne ọ ma rra uhi.

Matiu 5:7

Ọ maa ne iran ni tohan emwa ọvbehe, Osanobua gha tohan iran!

Matiu 9:13

Wa gualotọ emwi ne a ya ẹmwẹ ne ọ rre ebe nọhuanrẹn na kha, ‘I ma wẹ ne uwa ye aranmwẹ zọ ese ghe mwẹ, itohan ọre iho.’ I ma rre do tie avbe adazẹ vbe ẹ i re avbe ẹwobi emwa.”

Iyẹn ne ọ Maan Ọghe Mak 12:33

Kevbe wẹ, te ọ kere ne ọmwa gha ya ekhọe ẹre hia, ẹko ẹre hia, kevbe ẹtin ẹnrẹn hia ho ẹmwẹ Osanobua kevbe nọ ho ẹmwẹ ogieva ẹre zẹ vbe egbe ẹre. Ne a gha mu Uhi eva na sẹ ọre ọ maa sẹ ne a gha viọ aranmwẹ rre do gha giẹn vbe uhunmwu aka Ogiukpo kevbe ne a gha zọ ese ghe Osanobua.”

Jọsua 5:5

A gha rhe miẹn wẹ te a rhuẹ ikpia hia ni kpao vbe Igipt rre, emwa hia ne a biẹlẹe vbe ẹghẹ ne a na gha fian ato rra, ne a rhuẹre ẹ i rrọọ.

I Jọn 2:3

Ma gha lele uhi ne Osanobua yi ru emwi, ẹghẹ nii ọre aro mwa gha na dae ighẹ ma gele rẹn ọnrẹn.

I Jọn 3:6

Rhunmwuda ọnii, ọmwaikọmwa ne ọ rre uwu Kristi, ẹ i ghe sẹtin gha rrọọ khian vbe uwu orukhọ ne a ru. Ọmwaikọmwa ne ọ wa gha ru orukhọ khian, ọ ma he miẹn ọen, ọma he vbe rẹn ọnrẹn ẹdẹ.

I Samuẹl 15:22

E Samuẹl keghi kha wẹẹ, “De ne ọ yẹ e Nọyaẹnmwa sẹẹ vbọ yi? Ahọn ẹmwẹ ra ese ne a zọọ? A họn ẹmwẹ ne ẹẹn, ọre ọ maa sẹẹ ne a gha gbe ohuan ne ọ maa sẹẹ ne ẹẹn.