Hozia 6:5 - Edo Bible (E Baibol Ẹdo) Version 1996

⁵ Ọnii ọ si ẹe ne I na gie avbe akhasẹ mwẹ bu uwa gha dee, ne iran do gu uwa guan vbekpa ibuohiẹn kevbe ọfuan. I ma vbe rhie emwi ne I ho vbe obọ uwa lẹre, te I wa taa ẹe ladian gboo.

Hozia 6:5 Iomraidhean Croise

Gẹnẹsis 18:25

Vbe na i na gbe awẹawẹ u i ra gbe ni ma rukhọ ba eni rukhọ. Ọnii i gia ru wẹ i sẹtin ru vberriọ. Ẹghẹ nii, a ghi rri eni ma rukhọ oya zẹ vbe eni rukhọ. Ọnii i gia ru, enọbuohiẹn otọ agbọn hia, te ọ gha ru emwi nọkere.”

I Ọba 14:6

Sokpan, Ahija ghi họn vbe ọ he dee vbe onurho, ọ keghi kha wẹẹ, “La owa, I rẹnrẹn ighẹ amwẹ Jeroboam ọ re u khin. Vbu a ghi na ba ru hẹ vbe ọmwa ọvbehe yi. Iyẹn ne I ra na ma ruẹn i rhiẹnrhiẹn.

I Ọba 17:1

Akhasẹ ọkpa ne a tie ẹre Elaija ne ovbi e Tisbi ne Giliad ke tama Ehab wẹẹ, “Vbe eni e Nọyaẹnmwa ne Osanobua Izrẹl ne imẹ ga, I tama ruẹn nian wẹ amẹ i ghi ra rhọ, evbu i ra ghi vbe tuo ọ te ya sẹ ukpo eha vbe ẹ i re te I fi ẹmwẹ na werriẹ ta.”

I Ọba 18:17

Ehab ghi bẹghe ẹre, ọ tama rẹn wẹẹ, “Wẹ ọ na khin ọ gbe ẹti ne ọ rhia sẹ vbe otọe Izrẹl.”

I Ọba 19:17

Ọmwa ne obọ e Hazaẹl ma vba ya gbe ua, e Jehu ghi gbe ẹe rua, ọmwa ne ọ vbe lẹ e Jehu fe, Elaisia ghi gbe ẹe rua.

II Ọba 1:16

Ọ na khama rẹn wẹẹ, “Vbenian ọ re Nọyaẹnmwa kha re: ‘Rhunmwuda ne u na gie emwa ya nọ e Baal ne ẹbọ Ẹkrọn vbene a miẹn wẹ ẹbọ i rre otọ Izrẹl ne a gha nọ, u i ra fe, te u gha wu!’ ”

II Krọnikol 21:12

Elaija ne akhasẹ keghi gbẹnnẹ ẹmwẹ na rhie gie Jehoram vbenian wẹẹ, “E Nọyaẹnmwa ne Osanobua e Devid ne erha a odede, bu abe gbuẹ nẹ rhunmwuda, u ma lele igiemwi Ọba e Jehosiafat ne erha a ra ọghe Ọba Asa ne erhaa nọkhua.

Job 15:30

Rẹn i ra vbe miẹn uhunmwu vbe obọ ebiebi, te irẹn ra yevbe erhan, ne erhẹn giẹn ọre abọ hia a, ẹhoho na khuọnnọ ehọn rẹn kua.

Job 34:10

“Wa danmwehọ mwẹ, wa ni rẹn otọ emwi, Osanobua ne Udazi gha ru emwi ne ọ ma gba ra?

Psalm 119:120

Ohan mu mwẹ rhunmwuda ruẹ, ohan gba mwẹ ẹko rhunmwuda ibuohiẹn ruẹn.

Psalm 37:6

Ọ gha vbe ya ẹmwata ruẹ wan uwanmwẹ zẹvbe owẹn oghọghọ.

Aizaia 11:4

ọ gha bu ohiẹn ẹmwata ne ivbiogue ọ ghi mu ẹzọ iran ne ẹ i mwẹ gui ọ ghi yi iyi wẹ ne a rri avbe emwa nii oya, avbe emwa dan gha vbe wulo.

Aizaia 58:1

E Nọyaẹnmwa khare wẹẹ, “Kakabọ go vbene ẹtin ruẹn sẹe! Tama Izrẹl ne emwa mwẹ, vbene orukhọ iran ye hẹ.

Jerimaia 1:10

Vbe ẹdẹnẹrẹ na, I rhie asẹ ne uẹn yan uhunmwu avbe uhunmwu ẹvbo kevbe avbe otọe arriọba, ne u ya gha silo emwi vbọ kevbe ne u ya gha siẹn emwi sotọ, ne u ya gha rẹnkhẹn emwi uan kevbe ne u ya gha dunmwu emwi uan, ne u ya gha bọ kevbe ne u ya gha kọ.”

Jerimaia 1:18

Danmwehọ, Jerimaia, emwa hia ni rre otọe na gha mu aro dan da ruẹ, avbe ọba, e Juda, avbe ekhaẹmwẹ avbe ohẹn, kevbe avbe emwa nii. Sokpan, vbe ẹdẹnẹrẹ na, mẹ rhie ẹtin nuẹn nian ne u ya khẹ iran, te u ra ye vbe ẹvbo ne a gbe odin gaa, orre ematọn, ekẹn oze. Obọ iran i sẹtin ke ukhunmwu ne uẹn, rhunmwuda, I gha rrọọ yaba ruẹ, ne I degue ruẹ, mẹ ne Nọyaẹnmwa ọ re ọ taa ẹe.”

Jerimaia 13:13

U ghi khama iran ẹghẹ nii wẹ, mẹ ne Nọyaẹnmwa ra ye ayọn vuọn emwa otọe na hia a te do miẹn wẹ, te ayọn ghi gbe iran hia, avbe ọba ni re ivbi uniẹn e Devid, avbe ohẹn avbe akhasẹ kevbe ivbi e Jerusalẹm hia.

Jerimaia 23:29

Te ẹmwẹ mwẹ ye vbe erhẹn kevbe umọmọ ne ọ guọghọ okuta nekhua rẹnkhẹnrẹnkhẹn.

Ezikiẹl 11:4

Rhunmwuda ọnii, kha ighe te iran diyi, ovbi ọmwa.”

Ezikiẹl 3:9

I gha ru ẹe ne uwẹ ye gbain zẹvbe utete okuta kevbe ne ọ kaka zẹvbe edaiamọn, ghẹ gie ohan avbe etẹ nii mu ẹẹn.”

Ezikiẹl 32:18

“Ovbi ọmwa, gha khiẹ avbe emwa ọkhọngborrie ni rre Igipt. Viọ iran ba avbe uhunmwu ẹvbo ni wegbe ọvbehe hia ni rre agbọn na gha rrie ẹvbo avbe emwa ni wulo nẹ.

Ezikiẹl 43:3

Umian na keghi yevbe ne i miẹn vbe ẹghẹ ne Nọyaẹnmwa na do fuẹn e Jerusalẹm, kevbe egbe ne I miẹn vbe ọkpẹn Ẹzẹ e Kiẹba. I keghi de mu aro rhuotọ.

Zẹfanaia 3:5

Sokpan, e Nọyaẹnmwa ye rre ore ẹvbo, emwi ne ọ gbae ọ re ọ ru, ẹ i vbe zẹdẹ ru emwi ne ọ ma gba. Rẹn i ba ẹe ku vbe owiowiẹ ne ọ ya ru enọkhẹke ne emwa rẹn. Sevba, emwa ne ẹ i re emwata ni rre evba ghi ye gha ru emwi ne ọ ma gba khian vbene ekhue i na mu iran.

Iwinna 7:31

Emwi ne Mosis miẹn keghi yan ẹre unu uan, ọ keghi sikẹ oha ni ne ọ miẹn ehe na ghe ẹre ẹse. Sokpan rẹn keghi họn vbe Nọyaẹnmwa khare wẹẹ,

Ebe ne Pọl gbẹẹn gie emwa Rom 2:5

Sokpan ẹkoko udu ne ọ ze kevbe ne ọ wo vbe egbe ọre u mwẹ. Rhunmwuda ọnii te u yae kpọlọ yọ ighẹ oya ne a gha rriọ re vbe ẹdẹnẹdẹrriọ ne izohu Osanobua kevbe ihuohiẹn emwata ẹre gha rhie egbe maa.

Ẹfisọs 6:17

U ghi rhan obọ miẹn imiẹnfan ya ru ẹrhu ematọn, kevbe ẹmwẹ Osanobua zẹ vbe umozo ne nene Orhiọn rhie nuẹn.

Hibru 4:12

Rhunmwuda, ekpakpasusu ọre ẹmwẹ Osanobua khin. Ọ mu sẹ agbadakagba ne ọ mwẹ unu eva, te ọ fiaẹn la ehia fo, ya sẹ ehe ne orhiọn kevbe ekhọe na sikan mu egbe, kevbe ehe ne akhuẹn kevbe efun ne ọ rre uwu ugboloko na vba egbe. Rẹn ọre ọ ta vbene iziro kevbe aho ekhọe emwa ne agbọn ye hẹ.

Arhie Maan 1:16

Ọ keghi viọ orhọnmwẹ ihinrọn mwẹ obọ erha ọmwa ẹnrẹn, umozo ne ọ mwẹ unu eva ne ọ wa mu, kegha ke uwu unu ẹnrẹn ladian. Ugbaro ẹre ye ghanghanghan zẹ vbe ne owẹn ye vbe ogiavan.

Arhie Maan 2:16

Rhunmwuda ọnii, wa zẹ obọ vbe orukhọ ne uwa ru. a deghẹ ẹ i re vberriọ, I gha rherhe bu wa gha dee, ne I do ya umozo ne ọ ke uwu unu mwẹ ladian gu avbe emwa ni gbinna.

Arhie Maan 9:15

Iran keghi rhan nene avbe odibosa enẹ nii, ẹgogo na zẹẹ vbe ikpẹdẹ na zẹe, ọghe uki na zẹẹ, ọghe ukpo na zẹẹ, ọre a viọ iran ye otọ khẹ ne iran fuẹn obọ ọkpa vbe a gha wa emwa ne agbọn ye ihe eha.

Arhie Maan 9:21

Ra ne emwa ni vbe fiwerriẹ vbe uwu ne iran na de izigha, ẹbo edunna, alama oghẹ, ra oyi ne iran rhaa.

I Samuẹl 13:13

E Samuẹl keghi wanniẹn wẹẹ, “Emwi ukọnmwẹ ọ re uwa ru nii. U ma ru vbene Nọyaẹnmwa Osanobua ruẹ tama ruẹn. Akpawẹ te u họn ẹmwẹ ọnrẹn, ọ gha gie uwa vbe uniẹn ruẹn gha khaemwisẹ yan Izrẹl ẹdẹdẹmwẹdẹ.

I Samuẹl 15:22

E Samuẹl keghi kha wẹẹ, “De ne ọ yẹ e Nọyaẹnmwa sẹẹ vbọ yi? Ahọn ẹmwẹ ra ese ne a zọọ? A họn ẹmwẹ ne ẹẹn, ọre ọ maa sẹẹ ne a gha gbe ohuan ne ọ maa sẹẹ ne ẹẹn.

I Samuẹl 15:32

E Samuẹl keghi kha wẹẹ, “Wa mu Agag ne ọba bu mwẹ gha die emwa na.” Agag kegha dee vbene ọ na guọ vbe ọ dee. Ọ keghi kha wẹẹ, “Uwu mianmwẹ gbe!”

I Samuẹl 15:33

E Samuẹl keghi kha wẹẹ, “Vbene umozo ya iye nibun khian ne ẹ i ghi mwẹ emọ, erriọ ọ re iye uẹ ra vbe khian ne ẹ i ghi mwẹ ọmọ ẹrẹna.” Ọ keghi hele Agag ike yo odaro aka ne ọ rre Gilgal.