Hozia 6:11 - Edo Bible (E Baibol Ẹdo) Version 1996

¹¹ “Zẹ vbe ọghe uwa ne ivbi Izrẹl, I rhie ẹghẹ yotọ nẹ ne I gha ya rri uwa oya ye emwi ne uwa ru na.

Hozia 6:11 Iomraidhean Croise

Job 42:10

Ugbẹn vbe Job ghi na erhunmwu ne esiọ re eheha nẹ, e Nọyaẹnmwa keghi dọlegbe giẹ agbọn ma rẹn, ọ keghi viọ emwi ukhukhu eva ọghe ne ọ te ka mwẹ ne ẹẹn.

Psalm 126:1

Ẹghẹ ne Nọyaẹnmwa na viọ ima dọlegbe gha die Jerusalẹm, te ọ wa yevbe imina!

Psalm 85:1

E Nọyaẹnmwa, u mobọ tohan emwa ruẹn, u gie agbọn dọlegbe ma Izrẹl.

Jerimaia 30:10

“Wa ghẹ gie ohan mu uwa, wa ne emwa mwẹ wa ne ivbi Izrẹl, wa ghẹ fian afianma I gha dẹ uwa werriegbe ke odẹ ne ọ rrei ni rre, ke otọ ne uwa na re oghunmwu rre wa gha rri owa, wa ghi gha rre ọfumwegbe ẹkun gha sẹ uwa otọ, ọmwa rhọkpa ne ọ gha runran uwa i rrọọ.

Jerimaia 51:33

Vbe ọ ma he kpee wan, avbe eghian gha hele iran yotọ, iran ghi gha ya owẹ rrilo iran muotọ vbe ọka vbe ehe ne a na khuọn rẹn. Mẹ ne Nọyaẹnmwa ne Oghodua, ne Osanobua Izrẹl ọ re ọ taa ẹe.”

Joẹl 3:13

Ekhọe iran i zẹdẹ maa, wa giagia iran gbe otọ, vbe ne a giagia ọka ne a fian ẹn, vbe ẹghẹ emwiorhọ. Wa piẹnpiẹn iran, vbene a piẹnpiẹn alimo ayọn vbe okọ, vbe ayọn rẹn te do ladian.”

Maika 4:12

Sokpan, avbe uhunmwu ẹvbo na ma rẹn emwi ne ọ rre Osanobua ekhọe. Iran ma rẹn wẹ te a si iran gboo ye ihọkpa ne a rri iran oya, zẹ vbene a si ọka gboo ne a miẹn ehe na dunmwu ẹn.

Zẹfanaia 2:7

Iran ni ghi miẹn uhunmwu vbe ivbi e Juda ọ re ọ ra mu otọe uwa gha ye, evba iran ra na gha koko emwirri iran, iran ghi vbe gha vbiẹ owa ni rre Askẹlọn. E Nọyaẹnmwa ne Osanobua iran gha yaba iran, agbọn gha vbe dọlegbe maa iran.

Arhie Maan 14:15

Odibosa ọvbehe keghi ke uwu Ọgua Osa ladian, ọ keghi ya urhu ne ọ la datu tama odibosa ne ọ tota yan okuku ni wẹẹ, “Ye abẹkpẹn ruẹn gha rhọ emwiorhọ, rhunmwuda ẹghẹ ne ọ kei yi, ne a ya rhọ emwiorhọ sẹ nẹ.”