Hozia 6:10 - Edo Bible (E Baibol Ẹdo) Version 1996

¹⁰ Aro mwẹ miẹn emwi ne ọ ye izegbe zẹ ọmwa vbe Izrẹl. Emwa mwẹ mu awua ye egbe iran vbe ne iran na gha ru ẹbọ.

Hozia 6:10 Iomraidhean Croise

I Ọba 12:8

Sokpan, e Rehoboam ma rhie iro ne iran zẹe, sokpan, ọ keghi bu iran ni gu ẹe zẹ iro, iran ne irẹn vbe iran koko wanrre.

I Ọba 15:30

Ọna sunu rhunmwuda, e Jeroboam keghi ya ohu mu e Nọyaẹnmwa ne Osanobua Izrẹl vbekpa orukhọ ne irẹn ru, ọ na vbe silo ivbi Izrẹl obọ fi orukhọ ne iran vbe ru.

II Ọba 17:7

E Sameria keghi de guọghọ ua, rhunmwuda ivbi Izrẹl sẹ ẹmwẹ e Nọyaẹnmwa ne Osanobua iran, ọmwa ne ọ wọlọ iran hin obọ ọba Igipt rre, ọ na viọ iran ladian vbe Igipt. Iran keghi ya gha ga ẹbọ ọvbehe.

Jerimaia 18:13

E Nọyaẹnmwa keghi kha wẹẹ, “Wa nọ dọmwadẹ uhunmwu ẹvbo ghe adeghẹ egbe emwi vberriọ he ka sunu ẹdẹ. Ivbi Izrẹl ru a ghẹ ru nẹ!

Jerimaia 23:14

Sokpan, I vbe miẹn wẹ avbe akhasẹ ni rre Jerusalẹm wa vbe rhia sẹẹ iran rhie amwẹ ẹrrẹe, iran vbe ta ohoghe, iran kpe ọbọbọ ne emwa ya gha ziba. Sẹrriọ wẹ a i ghi miẹn ne ọ dobọ emwi dan ne a ru yi. Zẹ vbe ne I miẹn iran, iran hia wa vbe rhia vbe ivbi e Sọdom kevbe Gomorra.

Jerimaia 3:6

Ẹghẹ ne Josaia na gha re ọba, e Nọyaẹnmwa keghi tama mwẹ wẹẹ, “Wẹ miẹn emwi ne Izrẹl ne okhuo ne ọ ma guobọ ọdọ ru nian. Ọ fi iyeke gbe mwẹ nẹ, ọ keghi ya gha do ẹki ebabotu vbe uhunmwu oke ni yo hia kevbe ototọ avbe erhan ni mwẹ ebe ni bii.

Ezikiẹl 23:5

A gha rhe miẹn wẹ ọghomwẹ nọ, Ohola ne ọ rrọ keghi ye gha gbe ebabotu, ẹmwẹ avbe ọse ne ọ zẹẹ ye Asiria kegha ru ẹre ne rriorriorrio.

Ezikiẹl 23:7

Rẹn kegha re emwi ẹwia ọghe ivbiyokuo Asiria hia fẹẹrẹ, orriarria ẹre keghi ya ẹe mu awua ye egbe ẹre egbe vbekpa ne ọ na ya gho ẹbọ Asiria.

Hozia 4:11

E Nọyaẹnmwa khare wẹẹ, “Ayọn ne ọ wegbe kevbe ne ọ khuẹrhẹ ya emwa khian akpa nẹ.

Hozia 4:12

Iran ghi ya gha nọ ike erhan wẹ ne ọ ta enegbe iran ma iran. Ọkperhan ọ re ọ ghi tama iran emwi ne iran ho ne iran rẹn. Iran sẹ mwẹ rae nẹ, zẹ vbe okhuo ne ọ khian igberagia. Iran rhie egbe iran ne avbe ẹbọ ọvbehe.

Hozia 4:17

Ekanse ọghe ẹbọ ọ re ọ mu ivbi Izrẹl na. Wa gie iran gha ru ọghe iran khian.

Hozia 5:3

I rẹn vbene Izrẹl ye hẹ, ẹ i sẹtin lẹre mẹ. Rẹn ma ka guobọ mwẹ ẹdẹ, emwa rẹn ma vbe sẹ ne ọ gha ga mwẹ.”