Hozia 5:9 - Edo Bible (E Baibol Ẹdo) Version 1996

⁹ Ẹdẹ irria ikhi dee. Izrẹl gha la ọrhiae rrie. Ivbi Izrẹl, ẹ i mwẹ ọna ma sunu.

Hozia 5:9 Iomraidhean Croise

Job 12:14

Osanobua gha dunmwu emwi sotọ, de ọmwa ne ọ gha dọlegbe bọ ẹe? Osanobua gha mu ọmwa ye ẹwẹdọ, de ọmwa ne ọ gha sẹtin fan ẹẹn fua?

Aizaia 37:3

Vbene ọ wẹ ne iran tama Aizaia ọ re ọna khin: “Ẹdẹ irrioya ọ re ẹdẹnẹrẹ na wa khin, a wa rri ima oya, a fa ima an. Ma ye vbe okhuo ne ọ te ra biẹ, sokpan orhiọn i rrọ ẹre re ne ọ gha ya biẹ ọe.

Aizaia 46:10

Vbe omuhẹn, ọ re I na taa emwi ne ọ gha kiekie ẹre, vbe ẹghẹ ne ọ kpẹe fua, I taa emwi ne ọ gha sunu yotọ nẹ. I khare wẹ, emwi ne I mwamwaẹn ne I ru, te ọ gba te I ru emwi hia ni rrọ mwẹ ekhọe ne I ru.

Aizaia 48:3

E Nọyaẹnmwa tama Izrẹl wẹẹ, “Ọ kpẹre ne I ghi ta emwi ne ọ gha sunu yotọ. I keghi vbe ru ẹe vbe udomwurri ne ọ sunu.

Aizaia 48:5

Ọ re I na tae yotọ ke ẹkpo nii gha dee vbene ẹdẹ agbọn uwa ra gha ye hẹ, a ghi taa emwi yotọ ọ ke do sunu, ne uwa ghẹ miẹn ehe na kha ighe amazẹ kevbe ẹbọ uwa ọ re ọ ru ẹe ne iran na sunu.

Aizaia 7:16

Uhin vbe ọ te sẹ ẹghẹ ne a kha na, emwa gha lẹ kua vbe otọe avbe ọba eveva ni runran uwẹ na.

Hozia 5:12

I gha gie ọkhọ rruan Izrẹl kevbe ọfuan vbe egbe ivbi e Juda.

Hozia 5:14

I gha gu ivbi Izrẹl kevbe Juda gbinna zẹvbe oduma. Mẹ tobọ mwẹ ọ re ọ ra yanghan iran hẹkua. Ẹghẹ ne I gha na silo iran kpao, ọmwa ne ọ gha sẹtin miẹn iran fan i rrọọ.

Hozia 7:12

“Sokpan, mẹ gha rhuẹ ọga ye odẹ, I gha munọ iran zẹ vbe ahianmwẹ vbe iran a gha khian. I gha rri iran oya ye emwi dan ne iran ru.

Hozia 8:8

Te Izrẹl ghi wa yevbe ẹvbo ọvbehe nekpa hia. Te ọ ghi wa khian ne ẹ i mwẹ emwi ne ọ gia ya ru, zẹ vbene akhe nọwu ye.

Hozia 9:7

Ẹghẹ ne a ya rri emwa oya rre nẹ, ẹghẹ ne a gha na ru emwa emwi ne ọ ma iran. Ọnii gha ghi sunu, Izrẹl gha vbe rẹn. Wa khare wẹẹ, “Akhasẹ na, akpa nọ, ọmwa ne a rhie ẹmwẹ ya giee ẹre uhunmwu na, te ọ mwẹmwẹ.” Wa na wa mu ohu mwẹ vberriọ, rhunmwuda, orukhọ uwa kpọlọ.

Emọs 3:7

E Nọyaẹnmwa ne Udazi i da ru emwi vbe ne ọ ma na ka ta ẹe ma avbe akhasẹ ne eguọmwadia ẹre nẹ.

Emọs 7:17

Rhunmwuda ọnii nian, Amezaia, e Nọyaẹnmwa tama ruẹn wẹẹ, ‘Amwọn gha khian ebabotu ye ughe. A gha gbele ivbuẹ ua vbe okuo. A gha gia otọe ruẹ, a ghi munọ ọẹn ne emwa ọvbehe, wẹ tobọ ruẹ ghi ya wu ye ẹvbo iran ni gho ẹbọ. Vbene a i na gbe awẹawẹ, a gha viọ ivbi Izrẹl kpao vbe otọe iran gha rrie iwe.’ ”

Emọs 7:9

A gha fuẹn ọnrẹn uan ighẹ ehe ne ivbi uniẹn Aizik na ru ugamwẹ. A gha ye ehe nọhuanrẹn ọghe Izrẹl khian itowa. I gha ru ẹe ne uniẹn e Jeroboam ne Ọba gbẹro.”

Maika 6:13

Rhunmwuda ọnii, I suẹn a rẹnkhẹn uan kevbe ọfuan uwa nẹ, rhunmwuda orukhọ uwa.

Zẹkaraia 1:6

Avbe eguọmwadia mwẹ i ghẹ avbe akhasẹ ọ re I giee ne a tama avbe erha uwa odede, emwi ne I ho ne iran ru kevbe emwi ne ọ gha he sunu, sokpan, iran ma zẹye rhọkpa, ọre obọ na vba iran. Ẹghẹ nii, iran keghi fi uyinmwẹ werriẹ, iran keghi do miẹnkue wẹ, mẹ ne Nọyaẹnmwa ne Osanobua ọ re ọ rri iran oya vbene ọ ma iran zẹ vbene I ta ẹe wẹ I gha ru ẹe.”

Iyẹn ne ọ Maan Ọghe Jọn 16:4

Te I ta ẹmwẹ na, a i rẹn vbe iran a gha ru avbe emwi na ẹghẹ ni, wa ghi ye rre wẹ I ka ta ẹe ma uwa nẹ. “Mẹ ma ta emwi na ma uwa vbe omuhẹn, rhunmwuda ighe I gu uwa rrọọ.