Hozia 5:6 - Edo Bible (E Baibol Ẹdo) Version 1996

⁶ Iran munọ ohuan kevbe ẹmila iran ne iran ya zọ ese ghe Nọyaẹnmwa, sokpan, ẹ i ruẹ ne iran. Iran i sẹtin miẹn ọẹn rhunmwuda, rẹn kpao sẹ iran rae nẹ.

Hozia 5:6 Iomraidhean Croise

Ẹksọdọs 10:9

E Mosis wanniẹn wẹẹ, “Te ima hia khian kevbe ivbi ima negiẹrẹ kevbe avbe ọmaẹn, te ima viọ ivbi ima nikpia kevbe ivbi ima nikhuo khian, ohuan kevbe ẹwe kevbe ẹmila rhunmwuda te ima ra tie eghọ ugamwẹ ne Nọyaẹnmwa Osanobua ima.”

Itan 1:28

Ẹghẹ nii, wa ghi gha kpetie ẹwaẹn, sokpan, mẹ ira khuẹnniẹn. Wa sẹtin gualọ mwẹ lele ehe hia, sokpan, wa i ra miẹn mwẹ.

Itan 15:8

Emwa esi gha na erhunmwu, ẹko ghi gha rhiẹnrhiẹn e Nọyaẹnmwa, sokpan te emwi izọ ese ne emwa dan viọ gie ẹe sọnnọ ẹn.

Itan 21:27

Te ọ sọnnọ e Nọyaẹnmwa vbe emwa dan a zọ ese ghe ẹre, katekate vbe a gha miẹn wẹ emwi dan ọ re ọ rre iran ekhọe ne ọ ye iran ru ẹe.

Ihuan Ne Ọ Sọọ Ihuan Hia 5:6

I keghi kie urho ne enida mwẹ sokpan ọ kpao nẹ usin. U miẹn vbene I te ho ne I họn urhu ẹre hẹ. I gualọ ẹe sokpan, I ma miẹn ọẹn, I datie ẹre sokpan I ma miẹn ewanniẹn rhọkpa.

Aizaia 66:3

Vbene ọ yẹ avbe emwa ni ọ re iran ru. A deghẹ ẹkhuia ẹmila ọ re iran ya zọ ese ra ọmwa nagbọn nọ, ọkpa ehia khin vbe aro iran. Adeghẹ oteghe ohuan ọ re iran ya zọ ese ra ekita ọ re iran bun ẹnrẹn ẹyaẹn; adeghẹ ọka ọ re iran do ya yo imuohan, adeghẹ eturari ọ re iran ya yo imuohan ra te iran gha na erhunmwu ghe amazẹ; ọkpa ehia khin vbe aro iran. Te ugamwẹ ne ọ sọnnọ ne iran ru wa yẹ iran.

Jerimaia 11:11

Rhunmwuda ọnii nian, mẹ ne Nọyaẹnmwa, ọ re ọ tama iran yotọ na wẹ I ra do si ọfuan ye iran egbe, kevbe wẹ iran i sẹtin lẹ ọre fe. Iran gha tu bu mwẹ gha dee do nọ iyobọ, I i zẹdẹ zẹ ye iran ẹre.

Jerimaia 11:14

E Jerusalẹm i ghi na erhunmwu ghe mwẹ ra ne iran vbe rinmwian mwẹ ne emwa nii ọvbehe. Iran gha rre uwu ibaro, iran na tu bu mwẹ rre do nọ iyobọ, I i zẹ ye iran ẹre.”

Jerimaia 14:12

Ọ gha khọn iran wẹ ne iran yo aguẹ, I i zẹ ye eve ne iran ya nọ iyobọ, ọ gha khọn iran, iran zọ ese na giẹn uan mẹ, ra imuohan ọghe ọka, ẹko mwẹ i ra rhiẹnrhiẹn ghe iran sokpan, I gha ye okuo gbele iran an, kevbe ohanmwẹ, deba emianmwẹ.”

Jerimaia 7:4

Wa dobọ ẹmwẹ ne uwa ya rẹrẹ egbe nii yi, ne uwa na kha wẹẹ, ‘Emwi rhọkpa i ra ru mwa! Ọgua Osa e Nọyaẹnmwa ọ re ọna khin, Ọgua Osa ọghe Nọyaẹnmwa ọ re ọna khin, Ọgua Osa ọghe Nọyaẹnmwa ọ re ọna khian!’

Eve Orriara 3:44

Vbekpa izohu ruẹ nọkhua ne ọ mwẹ imi sẹrriọ wẹ erhunmwu ima i sẹtin hae gberra.

Ezikiẹl 8:18

Obọ ohu mwẹ gha vba iran. I i ra sẹ iran rae, a ma wẹ ne I tohan iran. Iran gha go gboo gha na erhunmwu ghe mwẹ, sokpan I i zẹ ye iran ẹre.”

Ezikiẹl 8:6

Osanobua keghi tama mwẹ wẹẹ, “Ovbi ọmwa, a deghẹ u miẹn emwi ne ọ sunu? Ghe emwi ni hu ọmwa ẹko ne ivbi Izrẹl ru vbe emwa na, iran wa dọlegbe khu mwẹ khian rrei vbe ehe nọhuanrẹn mwẹ. U gha ye miẹn emwi ni ru ọghe emwiekhue sẹ ọna.”

Hozia 8:13

Iran zọ ese ghe mwẹ, iran ghi vbe rri emiowo nene emwi izọ ese nii. Sokpan, ẹko iran i rhiẹnrhiẹn imẹ ne Nọyaẹnmwa, wanwanna nian, I gha ya orukhọ iran rre ne I vbe rri iran oya yọ. I gha viọ iran werriegbe gha rrie Igipt.

Emọs 8:12

Emwa gha zozo ke Okun Nọwu gha rrie Okun e Meditẹrrenian, kevbe lẹga ke okuọ ya sẹ ekẹn. Iran ghi gualọ uhunmwu ne Nọyaẹnmwa gie rre vbe ehe hia, sokpan iran i ra miẹn.

Maika 3:4

Ẹghẹ dee ne uwa gha na datu tie Nọyaẹnmwa sokpan rẹn i ra zẹ ye uwa ẹre. Rẹn i ra vbe họn erhunmwu ne uwa na rhunmwuda wa ru emwi dan nẹ.

Malakai 1:10

E Nọyaẹnmwa ne Oghodua khare wẹẹ, “Akpawẹ a miẹn ọkpa vbe uwu uwa ne ọ gha khui urho Ọgua Osa nian ne uwa ghẹ ghi miẹn ehe na ya gha hie erhẹn nọ ma maa ye Ogiukpo mwẹ. Ẹko uwa i ma mwẹ hiehiere. I i ra rhan obọ miẹn emwi ihaoko ne uwa viọ gunmwẹ.

Iyẹn ne ọ Maan Ọghe Luk 5:16

Sokpan, rẹn ghẹ ghi gualọ ehe ne ọ divbiẹ, ọ ghi hẹko gha khian ya na erhunmwu vbe evba.

Iyẹn ne ọ Maan Ọghe Jọn 7:34

Wa gha gualọ mwẹ sokpan wa i ra miẹn mwẹ, rhunmwuda wa i ra sẹtin rrie ehe ne I ye.”