Hozia 5:13 - Edo Bible (E Baibol Ẹdo) Version 1996

¹³ “Izrẹl ghi miẹn vbene obọ emianmwẹ da irẹn hẹ, e Juda ghi miẹn ẹwẹn ne egbe ẹre, Izrẹl keghi gha rrie Asiria ne ọ ya nọ iyobọ vbe obọ ọgbaisi nọkhua, sokpan, ọ ma sẹtin sinmwi iran, ra ne ọ kpe ẹwẹn iran rrie.

Hozia 5:13 Iomraidhean Croise

II Ọba 15:19

E Tiglat Pailesa ne ọgbaisi Asiria, keghi mu okuo gha die Izrẹl, ẹre Menahem na viọ uwan esiliva arriaisẹn enẹ yan ọgban (34,000) ne ẹẹn, ne ọ miẹn ehe na rhie obọ ye ọ re iyeke ne obọ e Menahem miẹn ehe na gba ẹvbo ni rẹn gha khaemwisẹ yan.

II Ọba 15:29

Ẹghẹ ne Pẹka na gha re ọba, ọre Tiglat Pailesa ne ọgbaisi Asiria na khọn munọ avbe ẹvbo na, Ijọn, Ebel Bẹt, Maka, Janoa, Kedẹs kevbe Hazọ, kevbe otọ e Giliad, e Galili kevbe Naftali, ọ keghi viọ emwa ni rrọ oghunmwu gha rrie Asiria.

II Ọba 16:7

Ehaz keghi gie emwa bu e Tiglat Pailesa ne ọba Asiria wẹẹ, “Ọguọmwadia ruẹ ne ekhọe esi ọre I khin, gha dee do miẹn mwẹ fan vbe obọ ọba e Siria kevbe Izrẹl ni gun mwẹ gbinna.”

Aizaia 3:7

Sokpan, rẹn ghi wanniẹn wẹẹ, “Ẹ i re imẹ! I i sẹtin ru iyobọ ne uwa. I i mwẹ evbare a ma ghi wẹ ukpọn. Wa ghẹ ya mwẹ ru ọkaolotu uwa.”

Jerimaia 30:12

E Nọyaẹnmwa keghi tama avbe emwa rẹn wẹẹ, “Ẹwẹn uwa i mwẹ ikhunmwu, ẹtẹ uwa i gia kpe ne ọ rrie.

Ezikiẹl 23:5

A gha rhe miẹn wẹ ọghomwẹ nọ, Ohola ne ọ rrọ keghi ye gha gbe ebabotu, ẹmwẹ avbe ọse ne ọ zẹẹ ye Asiria kegha ru ẹre ne rriorriorrio.

Hozia 10:6

Iran gha mu amazẹ nii gha rrie Asiria zẹ vbe emwi ne a ya yo imuohan gie ọgbaisi nọkhua nii, a gha fa Izrẹl rua, a ghi vbe ya ekhue mu ẹẹn, rhunmwuda ude ne ọ ya gha ru emwi.

Hozia 12:1

“Emwi ne ivbi Izrẹl ru hia fẹẹrẹ, ke owiẹ ya sẹ ota ọfuan kevbe ọrhiae ọ re ehia khin. Uma dan kevbe uyinmwẹ ibalegbe wa dọlegbe gbọ yọ vbe ehe ne iran ye. Iran gu Asiria rhie obọ ye ebe, iran vbe gu Igipt do ẹki.

Hozia 14:3

Asiria i sẹtin miẹn ima fan hiehiere, avbe ẹsin okuo i vbe sẹtin degue ima. Ma i ghi dọlegbe tama avbe ẹbọ ima ẹdẹ wẹ iran ọrọre Osanobua mwa. Nọyaẹnmwa, wẹ wa tohan emwa hia ni i mwẹ ọmwa ọvbehe ne ọ ra lẹ bu.”

Hozia 2:7

Ọ gha rhie ulẹ lele avbe esiọre, sokpan ẹ i ra vba iran. Ọ gha gualọ iran, sokpan ẹ i ra miẹn iran. Ẹghẹ nii, ọ ghi kha wẹẹ, “I ra do bu ọdọ mwẹ ne I ka rọnmwẹ. Ẹghẹ nii ọre agbọn na ma mwẹ sẹ ne I ghi ye na.”

Hozia 7:11

Izrẹl gha bobo yo bobo rre zẹ vbe elikhukhu ne ọ kọẹn; vbe okaro, emwa ni lẹ bu Igipt gha khian ne ọ de yi iran obọ, iyekọni, iran vbe lẹ bu Asiria.

Hozia 8:9

Te ọ ghi wa zevbudu zẹ vbe ẹsin oha, ọghe ne egbe iran ọ re ivbi Izrẹl ghi wa ru. Iran kpao gha rrie Asiria ne iran ya nọ iyobọ, iran ha osa ne ẹvbo ọvbehe wẹ ne iran tan obọ gue iran.

Maika 1:9

A i sẹtin kpe ẹwẹn e Sameria rrie, emwi vberriọ gha mian e Juda ban, ọfuan sẹ onurho e Jerusalẹm tobọ ẹre nẹ, ehe ne emwa mwẹ ye.”