Hozia 4:9 - Edo Bible (E Baibol Ẹdo) Version 1996

⁹ “Oya ne a gha rri emwa ni re ọ re a gha vbe rri uwa ẹre! I gha rri uwa oya, I ghi vbe ru ẹe ne uwa ha osa emwi dan ne uwa ru.

Hozia 4:9 Iomraidhean Croise

Itan 11:31

Te a wa san iran ni maa ẹse vbe agbọn na, wẹ ghi la evba rẹn wẹ te a gha rria emwa dan kevbe emwa orukhọ ikhi.

Itan 12:14

Ẹmwẹ ne u guan, kevbe emwi ne u ru, ọ re a vbe lele ya san ruẹn ẹse, emwi ne ọ khẹke uẹ ọ re ọ gha vbe sẹ uẹ obọ.

Itan 5:22

Orukhọ ne ọmwa dan ru ifi ọ re nọ. Ọgua ọghe orukhọ ẹre ghi vbe muẹn.

Aizaia 24:2

Emwi ọkpa ọ ra rruan emwa hia, ke avbe ohẹn kevbe avbe emwa kẹkan. Eviẹn kevbe avbe arowa, iran ni dẹ kevbe iran ni khiẹn, iran ni rhie ne emwa mọmọ kevbe iran ni mọmọ vbe obọ emwa, iran ni fe kevbe avbe ivbiogue.

Aizaia 3:10

Emwa ẹmwata gha ghọghọ, emwi ghi wa vbe gha dunna ne iran. Iran gha rriere ẹsọn ne iran miẹn.

Jerimaia 5:31

Avbe akhasẹ i ta ẹmwẹ ọvbehe gberra ohoghe, vbene avbe akhasẹ khare ọ re avbe ohẹn ya khaemwisẹ yan emwa, emwa mwẹ i vbe wẹ hẹn. Sokpan, ena hia ghẹ ghi fo nia, vbe iran gha ru hẹ?”

Ezikiẹl 44:10

E Nọyaẹnmwa keghi tama mwẹ wẹẹ, “I ra rri iran oya ighe ivbi e Livai, ni vbe deba avbe ivbi Izrẹl nekpa he mwẹ yotọ, iran na ya gha gho ẹbọ.

Ezikiẹl 44:12

“Sokpan, rhunmwuda ne a na miẹn wẹ iran ọre ọ gha ru ẹbọ ne ivbi Izrẹl, iran na la odẹ vberriọ silo iran obọ fi orukhọ, mẹ ne Nọyaẹnmwa ne Udazi tae mu olọ yan rẹn nẹ wẹ, te I ra rri iran oya.

Hozia 1:4

“He ẹre ‘Jizrẹl’ rhunmwuda, vbe ọ ma he kpee wan, I gha rri ọba Izrẹl oya ye izigha ne erha ẹe odede ighe Jehu dee vbe Jizrẹl. I ra fiaẹn fua ighe uniẹn Jehu.

Hozia 10:10

I gha dekun emwa orukhọ na, I gha rri iran oya. Avbe uhunmwu ẹvbo gha ku obọ gbe mu aro da iran, a gha vbe rri iran oya ye orukhọ iran nibun ẹsẹse.

Hozia 12:2

E Nọyaẹnmwa mwẹ ẹzọ ne ọ gha ba ivbi Juda re, ọ gha vbe rri ivbi Izrẹl oya, rhunmwuda uyinmwẹ emwa rẹn. Ọ gha ha iran osa emwi ne iran ru.”

Hozia 12:3

E Jekọb ne erha iran odede kevbe Isọ ne irẹn vbe ọre gba re ivin eva gba ru egbe vbe iran eva he rre uwu ẹko iye iran; e Jekọb ghi waan nẹ ọ gu Osanobua suan.

Hozia 7:2

Ọ ma vbe la iran uhunmwu wẹ, I gha ye avbe emwi na rre, sokpan orukhọ iran gba ogba ga iran, ẹ i mwẹ mẹ ma bẹghe ẹre.”

Hozia 8:13

Iran zọ ese ghe mwẹ, iran ghi vbe rri emiowo nene emwi izọ ese nii. Sokpan, ẹko iran i rhiẹnrhiẹn imẹ ne Nọyaẹnmwa, wanwanna nian, I gha ya orukhọ iran rre ne I vbe rri iran oya yọ. I gha viọ iran werriegbe gha rrie Igipt.

Hozia 9:15

E Nọyaẹnmwa khare wẹẹ, “E Gilgal ọre emwi dan hia ne iran ru na suẹn. Evba nii ọ re ohu iran keghi suẹn gha mu mwẹ. Rhunmwuda emwi dan ne iran ru, I gha khulo iran hin otọe mwẹ rre. Mẹ i ghi ra dọlegbe ho ẹmwẹ iran ọvbehe, avbe ọkaolotu iran hia wa sọtẹ mwẹ nẹ.

Hozia 9:9

Emwi ne iran ru i zẹdẹ maa hiehiere, zẹ vbene iran gha ye vbe Gibea. Osanobua gha ye orukhọ iran rre, ọ ghi rri iran oya yọ.

Zẹkaraia 1:6

Avbe eguọmwadia mwẹ i ghẹ avbe akhasẹ ọ re I giee ne a tama avbe erha uwa odede, emwi ne I ho ne iran ru kevbe emwi ne ọ gha he sunu, sokpan, iran ma zẹye rhọkpa, ọre obọ na vba iran. Ẹghẹ nii, iran keghi fi uyinmwẹ werriẹ, iran keghi do miẹnkue wẹ, mẹ ne Nọyaẹnmwa ne Osanobua ọ re ọ rri iran oya vbene ọ ma iran zẹ vbene I ta ẹe wẹ I gha ru ẹe.”

Matiu 15:14

Ghẹ zẹ ye iran re. Arọndẹ ni rhu aro iran khin. Arhuaro gha rhie arhuaro la odẹ uye iran eva ra kharha yi.”