Hozia 4:7 - Edo Bible (E Baibol Ẹdo) Version 1996

⁷ “Vbene uwa ne avbe ohẹn ya bun yọ, erriọ ọ re uwa vbe ya ru orukhọ ghe mwẹ sayọ rhunmwuda ọnii, I gha ye ọghọ ne ọ te rre uwa egbe khian efaa.

Hozia 4:7 Iomraidhean Croise

Ẹzra 9:7

Ke ẹghẹ avbe erha mwa odede gha dee do sẹ banbanna, ma ne emwa ruẹn kakabọ ru orukhọ ẹsẹse, rhunmwuda orukhọ ne ima ru, ma kevbe avbe ọba mwa kevbe avbe ohẹn mwa, keghi dele ye obọ avbe ọba ẹvbo ọvbehe, a keghi rẹnkhẹn ima, a rha ima, a keghi vbe do ima emwi viọ, a keghi vbe munọ ima oghunmwu. A keghi wa fa ima an fẹfẹẹfẹ, zẹ vbe ne ima ye ye ẹdẹnẹrẹ na.

Hozia 10:1

Te ivbi Izrẹl te yevbe erhan azara ne ọmọ gba ẹre uhunmwu. Vbene emwi ya gha maa ne iran, erriọ ọ re iran ya gha bọlọ Ogiukpo yọ. Vbene emwiokọ iran ya gha maa yọ, erriọ iran ya gha te ẹre egbe yọ ighẹ avbe okuta ẹbọ ne iran gho.

Hozia 10:6

Iran gha mu amazẹ nii gha rrie Asiria zẹ vbe emwi ne a ya yo imuohan gie ọgbaisi nọkhua nii, a gha fa Izrẹl rua, a ghi vbe ya ekhue mu ẹẹn, rhunmwuda ude ne ọ ya gha ru emwi.

Hozia 13:14

Mẹ i ra miẹn emwa na fan hin ẹvbo emwa ni wulo nẹ rre, ra ne I wọlọ iran ke urodẹ uwu ladian! Wa viọ egboghogbogho uwa rre, uwu, wa viọ ọfuan uwa rre, ẹvbo emwa ni wulo nẹ. I i ghi tohan emwa na ọvbehe.

Hozia 13:6

Sokpan, wa ghi la otọe esi nii nẹ, ẹko keghi vuọn uwu, ọ keghi vbe sẹ uwa ọkẹn, wa keghi do gha hio, wa na mianmian mwẹ.

Hozia 4:10

Wa gha rri oghae ne ọ kan uwa vbe emwi ne a ya zọ ese, ohanmwẹ ghi ye gha gbe uwa. Wa gha ga avbe ẹbọ ni rhie ọmọ rre, sevba wa i ra ye miẹn ọmọ biẹ, rhunmwuda, wa fi iyeke gbe mwẹ, wa keghi ya gha gho ẹbọ ọvbehe.”

Hozia 5:1

“Wa danmwehọ wa ne avbe ohẹn, wa gbe ehọ kotọ wa ne ivbi Izrẹl, wa danmwehọ wa ni re ẹgbẹe ọba! Te a te wẹ ne uwa gha bu ohiẹn ẹmwata rhunmwuda ọnii, obọ ibuohiẹn gha vba uwa! Wa khian ifi ye Mizpa, kevbe ọga ne a rhuẹre ye Oke Tabọ,

Hozia 6:9

Avbe ohẹn ni rrọ yevbe otu ikpata ni ya gha gba khẹ ọmwa vbe odẹ. Uhin ighẹ te iran ye do izigha vbe odẹ ne a la yo e Siẹkẹm ne ehe nọhuanrẹn. Avbe emwi dan ne iran ru na hia, te iran wa yan ru ẹe.

Hozia 9:11

Ukpọlọmwẹ Izrẹl gha tin fua zẹ vbe ahianmwẹ, iran i ghi ra vbe miẹn emọ biẹlẹ, a i ra ghi vbe miẹn ikhuo ohanmwẹ vbọ, a i ghi ra vbe hanmwa emọ vbọ.

Habakọk 2:16

Erriọ ọ re a gha vbe ya ekhue yọ uwẹ ẹwu ye ihe uyi ne a gha te rhie ne uẹn, wẹ tobọ ruẹ gha da ayọn, u ghi gha ya owẹ fi otọe dọn khian. E Nọyaẹnmwa gha mu ukpu irri oya ọwuẹ ne uẹn wọn, a gha fi uyi ruẹ werriẹ ghe efaa.

Malakai 2:9

Rhunmwuda ọnii, te imẹ ghẹghi vbe ru ẹe wẹ ne ivbi Izrẹl gha zan uwa rhunmwuda wa ma ru vbene imẹ ho; wa gha ma emwa emwi, wa i ya obọkpa mu emwa hia.”

Diuteronomi 32:15

“Emwa e Nọyaẹnmwa keghi fe, sokpan iran keghi sọtẹ, iran kegha kpolo, evbare na gbe iran ẹko ua. Iran he Osanobua ne ọ yi iran ye otọ, iran keghi he ọmiọnmwafan iran nọkhua ye otọ.

Filipai 3:19

Ẹrinmwi erhẹn ọre iran ra na mu omẹ, orriarria egbe iran ọrọre ẹbọ ne iran gho, emwi ne ọ kere ne ekhue ẹre gha mu iran ọre iran ya ghagha, ẹmwẹ emwi agbọn na ọkpa ọre iran mu roro.

I Samuẹl 2:30

Mẹ ne Nọyaẹnmwa ne Osanobua ọghe Izrẹl ọ re ọ yan rẹn vbe ẹghẹ ne ọ gberra wẹ ẹwae ruẹ kevbe ẹgbẹe ruẹ, gha ga mwẹ zẹ vbe ohẹn ẹdẹdẹmwẹdẹ sokpan, banbanna nian, I khare wẹ I i ghi mwẹ obọ vbọ sokpan, I gha daa ne iran ni daa mẹ, sokpan, iran ni zan mwẹ, I gha fa iran an.