Hozia 4:3 - Edo Bible (E Baibol Ẹdo) Version 1996

³ Rhunmwuda ọnii, otọe nii gha kakaa, emwi hia ni rrọọ gha vbe wulo. Avbe aranmwẹ oha hia, kevbe avbe ahianmwẹ kevbe avbe ehẹn, ehia gha wulo.”

Hozia 4:3 Iomraidhean Croise

Aizaia 33:9

Otọe khian ne a i ghi na gbe ugbo, emwa lẹ hin ehia rre. Ẹgbo e Lebanọn luẹluẹe. Iya e Sairọn ne ọ te maa emwiokọ khian ne ọ ghi yevbe ato, ebe khakha kua vbe erhan ni rre Basian kevbe Oke Kamẹl.

Jerimaia 12:4

Inu ẹghẹ ọ re otọe mwa ra ye hiahia a hia la? Ne irunmwu ni rre oha hia ra na luẹluẹ? Aranmwẹ kevbe ahianmwẹ gha wulo, rhunmwuda ekhọe dan ọghe emwa ima, iran ni kha wẹẹ, “Osanobua i dẹghe emwi ne ima ru.”

Jerimaia 23:10

Otọe na vuọn ne emwa, emwa ne ẹ i mu ohan e Nọyaẹnmwa; uyinmwẹ dan ira yin iran ghi gha lo ẹtin iran la ihan. Rhunmwuda ne Nọyaẹnmwa na fi ẹre unu, te otọ ghi khiẹ, ehe ne aranmwẹ na rria hia kaka a.

Jerimaia 4:25

I keghi miẹn wẹ emwa i rrọ hiehiere, uhin ighe te avbe ahianmwẹ wa tinnọ kua.

Jerimaia 9:10

Mẹ khare wẹẹ, “I gha khiẹ avbe oke nekhua, I gha viẹ oha ne emwirri na rria rhunmwuda, ehia kae, a i ghi miẹn emwa ni lae gberra. A i ghi họn utumwẹ avbe ẹmila vbọ, avbe ahianmwẹ kevbe aranmwẹ oha lẹ ladian vbọ.”

Jerimaia 9:9

Mẹ i ra rria iran ikhi ye emwi vbenian ra? Mẹ i ra rria ẹvbo ne ọ ye vbenian ikhi ra? Mẹ ne Nọyaẹnmwa tae nẹ.”

Ezikiẹl 38:20

Avbe ehẹn kevbe ahianmwẹ hia, avbe aranmwẹ hia, nekhua ke negiẹrẹ, emwa nagbọn ni rre ehe hia gha guọ zighazigha rhunmwuda ohan mwẹ ne ọ mu iran. Avbe oke nekhua gha dele guọghọ ua, avbe oke ni ye gelete gha rẹnkhẹn uan, avbe ekẹn ne a gbe hia gha siẹn kua.

Joẹl 1:18

Avbe ẹmila gha tulo ba ẹmwẹ akhiẹ, rhunmwuda ehe ne iran na rri irunmwu i ghi rrọọ usẹ vbe sẹ oghẹn ohuan ba ẹre.

Emọs 1:2

Emọs khare wẹẹ, “E Nọyaẹnmwa van okan ke Oke Zaiọn rre, urhu ẹre vanhiẹn ke Jerusalẹm rre. Avbe ehe ne aranmwẹ na rria hia giẹn uan.”

Emọs 5:16

Rhunmwuda ọnii, e Nọyaẹnmwa ne Udazi ne Oghodua khare wẹẹ, “Eve kevbe ugomwẹ akhiẹ gha rre ore ẹvbo nii. Uhin wẹ te a ra ya tie avbe ọgbugbo nii iran do deba iran ni miẹn igho viẹ eve orinmwi, gha khiẹ emwa ni wulo.

Emọs 8:8

Rhunmwuda ọnii, otọe gha mu rueghe, emwa ni rre otọe nii hia ghi miẹn akhiẹ. A gha mu ẹvbo nii hia rueghe. Ọ ghi gha hẹ yo hẹ rre zẹvbe Ẹzẹ e Naẹl.

Nahum 1:4

Ọ gu okun guan ọ keghi ka mu otọ! Ọ ru ẹe ne avbe ẹzẹ ka mu otọ. Oha ni rre Basan luẹluẹe. Te Oke Kamẹl ghi ba rriẹrriẹ, obobo ni rre Lebanọn fafaa.

Zẹfanaia 1:3

Emwa ne agbọn hia kevbe avbe aranmwẹ oha, avbe ahianmwẹ kevbe avbe ehẹn. I gha ru ẹe ne avbe emwa dan de guọghọ ua. I gha fuẹn emwa ne agbọn uan, ọkpa ne ọ ra kẹe i rrọ. Mẹ ne Nọyaẹnmwa ọ re ọ ta ẹe.

Zẹkaraia 5:4

E Nọyaẹnmwa ne Oghodua khare wẹ te irẹn ra tie ihen na. Ọ gha la uwu owa avbe oyi hia kevbe iran ni vẹn ihen ta ohoghe. Te ọ ra gha rre iran owa, ọ ghi ya iran khian itowa.”