Hozia 4:18 - Edo Bible (E Baibol Ẹdo) Version 1996

¹⁸ Iran ghẹ ghi da ayọn nẹ ẹsẹse, ẹmwẹ ebabotu ne iran gbe ọ re ọ ghi rre iran aro, ifaegbe ua ghi yẹ iran sẹẹ ọghọ.

Hozia 4:18 Iomraidhean Croise

Gẹnẹsis 38:24

Ọ ghi rre uki eha, emwa eso keghi do khama e Juda wẹẹ, “Tama ne amwẹ ovbuẹ miẹn okpia, ọ wa hanmwa nian.” E Juda keghi kha wẹẹ, “Wa siẹe ladian ore ne uwa ya giẹn ọnrẹn uan ne ọ wu.”

Psalm 47:9

Iran ni khaemwisẹ avbe agbọn ẹvbo si koko deba emwa Osanobua Ebraham rẹn ọ re ọ mwẹ ẹtin sẹẹ avbe ivbiyokuo hia rẹn ọkpa ọ khaemwisẹ vbe ehe ne ọ yo sẹẹ ehia.

Ẹksọdọs 23:8

Ghẹ miẹn oko iyeke, rhunmwuda te oko iyeke rhu emwa aro ne iran ghẹ dẹghe ẹmwata, ọ ghi gbe ẹki ẹmwẹ ye ne ọ ma ru khọ obọ.

Jerimaia 2:21

I kọ uwa zẹ vbe azara ne a ya họn ọghe ọmọ erhan ne ọ maa sẹẹ ehia. Sokpan, ghe emwi ne uwa ghi do khian te uwa ghi yevbe azara ne ọ kẹkẹe, ọ na vbe rhiara.

Ezikiẹl 16:15

“Sokpan, ẹmwẹ ose ruẹ keghi la ruẹ uhunmwu sẹrriọ wẹ okpia ne ọ ghi wa rre hia ọ re u kue na.

Hozia 4:10

Wa gha rri oghae ne ọ kan uwa vbe emwi ne a ya zọ ese, ohanmwẹ ghi ye gha gbe uwa. Wa gha ga avbe ẹbọ ni rhie ọmọ rre, sevba wa i ra ye miẹn ọmọ biẹ, rhunmwuda, wa fi iyeke gbe mwẹ, wa keghi ya gha gho ẹbọ ọvbehe.”

Hozia 4:2

Iran gha yan eyan, iran i yae ru emwi, iran ta ohoghe, iran de izigha, iran rhaa, iran vbe ghẹẹ. Aghẹru wa biẹ yọ, izigha ne a de emwa ẹre ghi gha degbe egbe.

Hozia 9:10

E Nọyaẹnmwa khare wẹẹ, “Ẹghẹ ne I na ka miẹn Izrẹl, ọ keghi ye vbe ne a miẹn erhan azara ne ọ zọ ye uwu ato. Ẹghẹ ne I na ka miẹn avbe erha uwa odede, ọ keghi yevbe ne a miẹn ọmọ ne ọ vbo ro ne erhan azara ka gha mọ vbe ẹghẹ ọre. Sokpan, iran ghi sẹ Oke Peọ, iran na suẹn gha gho e Baal, wanwanna, iran keghi do gha re emwi osọnnọ zẹ vbene ẹbọ ne iran ho ẹmwẹ ọnrẹn ye.

Emọs 5:12

I rẹn vbene orukhọ uwa khọrhiọn sẹ hẹ, kevbe vbene a i ghẹru ne uwa ru vbe bun hẹ. Wa ọ re ọ zẹ emwa ẹmwata owẹ, wa ọ re ọ rhie igho odieke, wa i gia bu ohiẹn ẹmwata ne ivbiogue vbe iko.

Maika 3:11

Iran ni khaemwisẹ vbe ẹvbo, igho ọ re iran re ya khaemwisẹ, avbe ohẹn gha miẹn igho ye otọ Uhi ne iran rhan ma emwa, igho ọ re avbe akhasẹ miẹn ya ghe umian, ehia ghi ye gha kha wẹ e Nọyaẹnmwa rrọ yaba iran. Iran ghi gha kha wẹẹ, “Emwi rhọkpa i ru ima, e Nọyaẹnmwa rrọọ yaba mwa.”

Maika 7:3

Te emwi dan ne a ru wa gua iran hia obọ ro. Avbe ekhaẹmwẹ kevbe iran ni bu ohiẹn wa rri igho odieke. Ọmwa ne ọ hin usi ghi tama iran emwi ne irẹn ho, rhunmwuda ọnii, iran ghi gba si uma dan kugbe.

Diuteronomi 16:19

Wẹ ne iran ghẹ bu ohiẹn ne ẹ i re ẹmwata ra ne iran ghe ikpanro, iran ghẹ vbe miẹn ọmwa oko odieke rhunmwuda te oko odieke rhu emwa aro, uhin ke ọghe umẹwaẹn kevbe emwa ẹmwata, ọ ghi ya iran gha khiẹn ohiẹn bu.

I Samuẹl 8:3

Sokpan, iran ma lele ukpowẹ erha iran. Igho ne a khuan ọkpa ọ re aro iran wa gha ye. Rhunmwuda ọnii, iran kegha rri igho odieke, iran na gha khiẹn ohiẹn bu.