Hozia 4:15 - Edo Bible (E Baibol Ẹdo) Version 1996

¹⁵ “A gha rhe miẹn wẹ wa ne ivbi Izrẹl ma guobọ mwẹ, a i gha miẹn egbọre vbe obọ e Juda. Wa ghẹ ghi ga vbe Bẹtẹl ra Gilgal ra ne uwa ye gha ya eni e Nọyaẹnmwa ne ọ rrọ yan eyan vbe evba.

Hozia 4:15 Iomraidhean Croise

II Krọnikol 17:4

Ọ ke gha ga Osanobua erha ẹe ọ kegha hẹnmwẹ ne Osanobua ọ ma vbe gha ru vbene avbe ọba ọghe Izrẹl gha ru.

II Krọnikol 21:11

Uhin ighẹ te ọ bọlọ aro ẹbọ lele oke ni rre Juda, ọ na ya ivbi e Juda kevbe Jerusalẹm sẹmwẹ e Nọyaẹnmwa.

Aizaia 48:1

Ivbi Izrẹl wa danmwehọ ẹmwẹ na, wa ne ivbi uniẹn e Juda. Wa ọ re ọ ya eni Nọyaẹnmwa vẹn ihẹn wa na vbe gha kha ighẹ Osanobua Izrẹl ọ re uwa ga. Sokpan, ẹmwẹ ne uwa ta, te uwa ba tae kẹkan.

Jerimaia 44:26

Sokpan, wa danmwehọ nian, eyan ne imẹ ne Nọyaẹnmwa, ya eni mwẹ nọkhua yan ma uwa ne ivbi Izrẹl ni rre Igipt wẹẹ, ‘Mẹ i ghi ra dọlegbe gie ọmwaikọmwa vbe uwu uwa ya eni mwẹ yan emwi wẹ I ya eni e Nọyaẹnmwa ne Udazi ne ọ rrọọ vinhẹn.’

Jerimaia 5:2

A gha rhe miẹn wẹ wa kha wẹ wa ga e Nọyaẹnmwa, ọdẹn ọ re uwa ya ẹe gbe kẹkan.

Ezikiẹl 20:39

E Nọyaẹnmwa ne Udazi khare wẹẹ, “Banbanna nian, wa ne ivbi Izrẹl, wa gie ẹe gua uwa egbe ro! Wa gha khian ne uwa ya ga ẹbọ uwa. Sokpan, I tama uwa yotọ nian wẹ vbe iyeke ọnọna, te uwa gha họn ẹmwẹ mẹ, wa ghi dobọ eni mwẹ nọhuanrẹn ne uwa yagha yi, ne uwa na ya gha ye imuohan gie avbe ẹbọ.

Hozia 10:5

Ohan gha mu emwa ni rre ore Sameria, iran ghi vbe gha khiẹ ye ẹmwẹ ẹkhuia ẹmila ne iran ya igoru ma mu ye Bẹtẹl, iran kevbe avbe ohẹn ni gho nene amazẹ gha viẹ ẹsẹse. Iran gha go ugomwẹ eve vbe ẹghẹ ne a gha na bannọ ẹre ose igoru ẹre hẹ kua.

Hozia 10:8

Aro ẹbọ ne ọ rre oke Avọn, ehe ne avbe ivbi Izrẹl na ya gha gho ẹbọ, a gha fuẹn ọnrẹn uan. Igban kevbe irunmwu gha zọ vbe Ogiukpo iran. Emwa nii gha go tama avbe oke nekhua wẹẹ, “Viọ ima lẹre!” Kevbe avbe oke negiẹrẹ wẹẹ, “Guẹ ima muotọ!”

Hozia 11:12

E Nọyaẹnmwa khare wẹẹ, “Ivbi Izrẹl ya ohoghe kevbe erẹrẹ gha ogba ga mwẹ, te ivbi e Juda ye sọtẹ mwẹ; mẹ ne Osanobua ẹmwata nọhuanrẹn.

Hozia 12:1

“Emwi ne ivbi Izrẹl ru hia fẹẹrẹ, ke owiẹ ya sẹ ota ọfuan kevbe ọrhiae ọ re ehia khin. Uma dan kevbe uyinmwẹ ibalegbe wa dọlegbe gbọ yọ vbe ehe ne iran ye. Iran gu Asiria rhie obọ ye ebe, iran vbe gu Igipt do ẹki.

Hozia 12:11

Sevba te emwa ye ya uhunmwu rhanmwẹ otọ ne avbe ẹbọ vbe Giliad, iran ni ya uhunmwu rhanmwẹ otọ ne iran gha wulo. A ya ẹkhuia ẹmila zọ ese vbe Gilgal, avbe Ogiukpo ni re evba gha khian utete okuta vbe oha.”

Hozia 12:12

E Jekọb ne erha mwa odede, e Mẹsopotamia ọ re ọ lẹẹ gha rrie, vbe odọ niii, te ọ gha ga ọmwa ọvbehe ọ na gha su ohuan ẹnrẹn ne ẹẹn, ne ọ miẹn ehe na sẹtin rhie okhuo.

Hozia 4:12

Iran ghi ya gha nọ ike erhan wẹ ne ọ ta enegbe iran ma iran. Ọkperhan ọ re ọ ghi tama iran emwi ne iran ho ne iran rẹn. Iran sẹ mwẹ rae nẹ, zẹ vbe okhuo ne ọ khian igberagia. Iran rhie egbe iran ne avbe ẹbọ ọvbehe.

Hozia 5:8

Wa kpe okpe okuo vbe Gibea, wa so okokoko vbe Rama. Wa tu utumwẹ okuo vbe Bẹtẹl! Ivbi e Bẹnjamin, wa la okuo.

Hozia 9:15

E Nọyaẹnmwa khare wẹẹ, “E Gilgal ọre emwi dan hia ne iran ru na suẹn. Evba nii ọ re ohu iran keghi suẹn gha mu mwẹ. Rhunmwuda emwi dan ne iran ru, I gha khulo iran hin otọe mwẹ rre. Mẹ i ghi ra dọlegbe ho ẹmwẹ iran ọvbehe, avbe ọkaolotu iran hia wa sọtẹ mwẹ nẹ.

Emọs 4:4

E Nọyaẹnmwa ne Udazi khare wẹẹ, “Wa ne ivbi Izrẹl, wa gha rrie ehe nọhuanrẹn ne ọ rre Bẹtẹl ne uwa ya ru orukhọ khekherriọ! Wa gha rrie Gilgal ne uwa ya ye ẹtin uwa hia ru orukhọ! Wa tua obọ yọ, ne uwa gha munọ aranmwẹ rre ne a ya gha zọ ese owiẹ owiẹ, ne uwa vbe gha viọ aghae ye ihigbe ọwua rre ẹdẹ eheha.

Emọs 5:5

Wa ghẹ yo ya ga vbe Biẹsiẹba. Wa ghẹ yo ya gualọ mwẹ vbe Bẹtẹl, e Bẹtẹl gha la ọrhiae rrie. Wa ghẹ ye Gilgal, a mu emwa ni rrọ uhunmwu da iwe nẹ.”

Emọs 6:10

Ọtẹn ọmwa ne ọ wu, ne ọ vbe yan irorinmwi, ọ re ọ ra dada ikun orinmwi ni hin uwowa rre. Ọtiọnrẹn ni ghi vbe nọ ọmwa ne ọ rhirhi ghi kẹe vbe owa ni wẹẹ, “Wẹ vbe ọmwarhọkpa gba rre evba ra?” Ọmwa ni ghi wanniẹn wẹẹ, “Ẹn o!” Ọtiọnrẹn ni ghi kha wẹẹ, “Gia họn ẹmwẹ! Te ima gha mwẹ ẹwaẹn ne a ghẹ vbe ya gbe unu ye eni e Nọyaẹnmwa.”

Emọs 8:14

Iran ni vẹn ẹbọ e Sameria, iran ni kha wẹẹ, ‘I vba ẹbọ ne Dan’ ra ‘I vba ẹbọ ne Biẹsiẹba’ iran ni gha dele guọghọ ua, iran i ghi vbe kpao ọvbehe.”

Ẹfisọs 5:11

Wa ghẹ gu iran ni ru emwi oya ne a ru vbe uwu ebiebi mu obọ. Sokpan wa gha viọ iran ladian la idagbo. (

Jọsua 5:9

Ẹre Nọyaẹnmwa na tama Jọsua wẹẹ, “Vbe ẹdẹnẹrẹ na. ukpọn efaa ọghe ne uwa na gha re eviẹn vbe Igipt, I ban ẹn uwa ẹre mu fua nẹ.” Ọnii ọ si ẹe ne a na gha tie evba nii Gilgal zẹ vbene a ye tie ẹre ẹdẹnẹrẹ na.

Jọsua 7:2

E Jọsua keghi ke Jẹriko gie emwa eso gha rrie Ai, ne ẹvbo ne ọ rre olarre owẹn Bẹtẹl vbe ọkpẹn Betava. Ọ keghi tama iran ne iran ya ba ẹvbo nii ghe. Ẹre emwa nii na gele gha khian ya ba Eai ghe.