Hozia 4:14 - Edo Bible (E Baibol Ẹdo) Version 1996

¹⁴ Sevba, mẹ i ra rri iran oya ye emwi na, rhunmwuda, wa tobọ uwa vbe munọ avbe ebabotu aroẹbọ, wa vbe iran ọ re ọ gba zọ ese iran ni ga ẹbọ. Zẹ vbene a yae kpa itan wẹẹ, ‘Emwa nii i mwẹ ẹwaẹn, te iran ra fuan.’

Hozia 4:14 Iomraidhean Croise

I Ọba 15:12

Ọ keghi khulo avbe ebabotu ne ikpia kevbe ne ikhuo ni gha rre aro ẹbọ iran ni ga ẹbọ, ọ keghi vbe viọ avbe amazẹ ne ọmwa ne irẹn rriọba lele mannọ ọẹn kua.

II Ọba 23:7

Ọ keghi guọghọe rua ighẹ owa ne avbe ebabotu Ọgua Osa te ye vbe Ọgua Osa. (Evba ọ re avbe ikhuo na te do ukpọn ne a ya gho Asiẹrra.)

Itan 28:5

Emwa dan ma rẹn emwi ne a ya ohiẹn ẹmwata kha, sokpan, iran ni ga e Nọyaẹnmwa, rẹn ọnrẹn ẹsẹse.

Aizaia 1:5

Vbọzẹ ne uwa na sọtẹ khian vberriọ yi? Te uwa ho ne a ye rri uwa oya sẹẹ ọna ra? Izrẹl, ghe vbe ẹtẹ gba uwa uhunmwu hia. Orhiọn kevbe ekhọe uwa khuọnmwi.

Aizaia 27:11

Abọ avbe erhan luẹluẹe, ehia vbe bunnọ kua. Te ikhuo ghi ho iran ya koko. Rhunmwuda wẹ, avbe emwa ni ma rẹn otọ emwirhọkpa, Osanobua ne Ayi ne ọ yi iran i ra tohan iran, ra ne ọ vbe mwẹ ekhọe agiẹngiẹn ghe iran.

Aizaia 56:11

Iran yevbe ekita ne aro vbẹ ne ẹko i vuọn. Avbe ọkaolotu na ma rẹn emwirhọkpa. Dọmwadẹ ọghọe vbe uwu iran ghi wa gha ru vbene ọ khọnrẹn, iran ghi gha gualọ ọghe obọ iran. Iran ghi kha wẹẹ.

Daniẹl 12:10

A gha ye emwa nibun khian nihuanrẹn. Iran ne emwa dan i ra rẹn otọ ẹre iran ghi ye gha ru emwi dan khian. Iran ni wan ọkpa ọ re ọ gha rẹn otọ ẹre.

Hozia 14:9

Te emwa ne ẹwaẹn gba na gha rẹn otọ ẹmwẹ ne a gbẹnnẹ ye emwana, ọ ghi vbe la iran ekhọe. Odẹ ne ọ kere ọ re odẹ e Nọyaẹnmwa khin, evba nii ọ re emwa ẹmwata vbe la khian vbe ẹdagbọn iran. Sokpan, emwa orukhọ rrua owẹ, iran keghi dele rhunmwuda, iran ma ka ẹe yọ.

Hozia 4:1

E Nọyaẹnmwa mwẹ ẹzọ ne ọ gu emwa ni rre otọe na gui. Izrẹl, danmwehọ vbe ne ọ kha hẹ, “Uyinmwẹ esi ra aho ẹmwẹ ọmwa i zẹdẹ rre otọe nii, avbe emwa nii, ma vbe tie mwẹ Osanobua.

Hozia 4:17

Ekanse ọghe ẹbọ ọ re ọ mu ivbi Izrẹl na. Wa gie iran gha ru ọghe iran khian.

Hozia 5:4

Emwi dan ne emwa ni ru ma ghi gie iran dọlegbe bu Osanobua iran gha dee. Ẹbọ ne a gho la iran uhunmwu nẹ, iran ma ghi vbe kha ighe iran rẹn e Nọyaẹnmwa.

Emọs 2:7

Iran ye owẹ rrilo ovbiogue kevbe ne ẹ i mwẹ ginna otọ, iran keghi vbe sua ovbiogue hin urodẹ rre. Ọmọ kevbe erha ẹe ghi gha gu ọmọ okhuo ọviẹn ọkpa ru emwi, iran na la ekpa ọnii ya iruẹn ye eni mwẹ nọhuanrẹn.

Emọs 7:17

Rhunmwuda ọnii nian, Amezaia, e Nọyaẹnmwa tama ruẹn wẹẹ, ‘Amwọn gha khian ebabotu ye ughe. A gha gbele ivbuẹ ua vbe okuo. A gha gia otọe ruẹ, a ghi munọ ọẹn ne emwa ọvbehe, wẹ tobọ ruẹ ghi ya wu ye ẹvbo iran ni gho ẹbọ. Vbene a i na gbe awẹawẹ, a gha viọ ivbi Izrẹl kpao vbe otọe iran gha rrie iwe.’ ”

Nọmbas 25:3

ighẹ Bal ọghe Peọ. Ohu iran keghi mu e Nọyaẹnmwa.

Iyẹn ne ọ Maan Ọghe Jọn 8:43

Vbọzẹ ne uwa ma na rẹn otọ ẹmwẹ ne I ta? Emwi ne ọ si ẹe ọrọre wẹ egbe uwa i rrọ ẹre.

Ebe ne Pọl gbẹẹn gie emwa Rom 3:11

orhiọnkpa ne ọ la ẹre ekhọe ẹ i rrọọ ra ne ọ gualọ Osanobua.

I Kọrinti 6:16

Ra wa ma rẹn ighẹ ọmwa ne ọ ku egbe ẹre kugbe ba igberagia ighẹ ọ ye egbe ẹre khian ọkpa ba ẹre nẹ? Ebe wa tae sẹsẹsẹ wẹ, “Iran eva ghi do gha re egbe ọkpa.”

Ẹfisọs 4:18

Ekhọe iran keghi vbe rre uwu ebiebi. Iran i mwẹ oghae vbe ẹdẹ agbọn ne Osanobua ya ru ọmwa ẹse, rhunmwuda iran ma zẹdẹ rẹn ne a ye, iran keghi vbe ze vbe udu.

Diuteronomi 23:17

“A ghẹ gie a miẹn wẹ ovbi Izrẹl, ọ re okpia nọ ra okhuo, te ọ ghi re ebabotu owa ugamwẹ.

Hibru 12:8

Deghẹ rẹn ma gbe uwa hin ọkhọ rre zẹ vbene ọ ru ivbi ẹre nekpa, wa i ghi re emọ kherriọ, umwọbọ nọ.