Hozia 4:13 - Edo Bible (E Baibol Ẹdo) Version 1996

¹³ Iran zọ ese vbe ehe ne iran na gho iran vbe uhunmwu oke nekhua. Iran keghi vbe giẹn eturari vbe uhunmwu oke negiẹrẹ, vbe ototọ avbe erhan ni taẹn kevbe ni zẹlẹ abọ ẹsẹse, rhunmwuda, irhu iran wa fu ọmwa egbe ẹsẹse. “Rhunmwuda ọnii, avbe ivbi uwa nikhuo gha gbe ebabotu, kevbe ivbi amwẹ uwa nikhuo gha vbe ru oghẹ.

Hozia 4:13 Iomraidhean Croise

II Ọba 17:7

E Sameria keghi de guọghọ ua, rhunmwuda ivbi Izrẹl sẹ ẹmwẹ e Nọyaẹnmwa ne Osanobua iran, ọmwa ne ọ wọlọ iran hin obọ ọba Igipt rre, ọ na viọ iran ladian vbe Igipt. Iran keghi ya gha ga ẹbọ ọvbehe.

II Ọba 23:7

Ọ keghi guọghọe rua ighẹ owa ne avbe ebabotu Ọgua Osa te ye vbe Ọgua Osa. (Evba ọ re avbe ikhuo na te do ukpọn ne a ya gho Asiẹrra.)

Aizaia 1:29

U gha gbe I ma rẹn ye ẹmwẹ avbe erhan kevbe ogba iruẹbọ ne u gha ghoo.

Aizaia 57:5

Wa gho avbe ẹbọ umọbiẹ nii, vbene uwa na ru emwi ọdọ vbe amwẹ vbe ototọ avbe erhan iruẹemwi uwa nii. Wa ya ivbi uwa zọ ese vbe avbe uvun okuta ni rre vbe a gha bu otọ ẹzẹ.

Aizaia 57:7

Wa ghi gha yo avbe oke ni yo ne uwa ya gha zọ ese kevbe ne uwa ya gha ru emwi ọdọ vbe amwẹ.

Jerimaia 2:20

E Nọyaẹnmwa ne Udazi khare wẹẹ, “Izrẹl, ọ kpẹre ne uwa ghi he asẹ mwẹ yotọ wa he ne uwa họn ẹmwẹ mẹ ra ne uwa ga mwẹ wa keghi ya gha gho avbe ẹbọ emwiokọ, vbe uhunmwu oke kevbe ototọ erhan ni mwẹ ebe hia.

Jerimaia 3:13

Sokpan, u ghi miẹnkue wẹ, wa rriabe kevbe wẹ wa sẹmwẹ e Nọyaẹnmwa ne Osanobua uwa. Miẹnkue wẹ u rhie aho ruẹ ne avbe ẹbọ ẹrrẹe vbe ototọ erhan ni mwẹ ebe ni bii hia kevbe wẹ u ma ya ẹmwẹ mwẹ ru emwi. Mẹ ne Nọyaẹnmwa ọ re ọ tae.

Jerimaia 3:6

Ẹghẹ ne Josaia na gha re ọba, e Nọyaẹnmwa keghi tama mwẹ wẹẹ, “Wẹ miẹn emwi ne Izrẹl ne okhuo ne ọ ma guobọ ọdọ ru nian. Ọ fi iyeke gbe mwẹ nẹ, ọ keghi ya gha do ẹki ebabotu vbe uhunmwu oke ni yo hia kevbe ototọ avbe erhan ni mwẹ ebe ni bii.

Jerimaia 44:8

“Vbọzẹ ne uwa na ya ẹmwẹ ẹbọ ne uwa gho ya ohu mu mwẹ yi, kevbe ne uwa na zọ ese ghe avbe ẹbọ ọvbehe vbe Igipt vbe emwa na, ehe ne uwa do yin? Te uwa ru ọna ra ne uwa wa ya fuẹn egbe uwa a, ne avbe uhunmwu ẹvbo ni rre otọ agbọn gha ya uwa gbe ogie ne a vbe gha ya uwa tie ihẹn?

Ezikiẹl 16:16

U ya ukpọn eso ne u mwẹ te ehe ne u na ga, u kegha kue ne emwa hia zẹ vbene igberagie gha ru zẹẹ,

Ezikiẹl 16:25

U ya ose ruẹ kpolo ọrho, te uwa gha kue ne emwa hia ni rre, edẹgbedẹgbe ọ re u ya gha guẹ iwinna igberagia yọ.

Ezikiẹl 6:13

A gha zagha avbe ikun orinmwi gba ehe ne avbe ẹbọ ye kevbe lẹga ogiukpo, a gha zagha ẹe lele avbe oke ni yo hia, vbe uhunmwu avbe oke nekhua hia, ototọ erhan ni mwẹ ebe hia, kevbe avbe okan ni kọnkọn, vbe ehe hia ne iran ghi na giẹẹn ese ne ẹbọ iran. Ẹghẹ nii, emwa hia gha rẹn ighe mẹ ọrọre Nọyaẹnmwa.

Hozia 10:8

Aro ẹbọ ne ọ rre oke Avọn, ehe ne avbe ivbi Izrẹl na ya gha gho ẹbọ, a gha fuẹn ọnrẹn uan. Igban kevbe irunmwu gha zọ vbe Ogiukpo iran. Emwa nii gha go tama avbe oke nekhua wẹẹ, “Viọ ima lẹre!” Kevbe avbe oke negiẹrẹ wẹẹ, “Guẹ ima muotọ!”

Hozia 11:2

Sokpan vbene I ya gha tie ẹre, erriọ ọ re ọ ya gha lẹ mẹ. Emwa mwẹ zọ ese ne Baal, iran giẹn eturari ne amazẹ.

Hozia 2:13

I gha rria ẹre ikhi ye ẹghẹ ne ọ ya mianmian mwẹ, ọ na ya gha giẹn eturari ne Baal, ọ na silo ikpẹrọnmwọ ye egbe rhikhan lele avbe esiọre. E Nọyaẹnmwa taa ẹe nẹ.

Emọs 7:17

Rhunmwuda ọnii nian, Amezaia, e Nọyaẹnmwa tama ruẹn wẹẹ, ‘Amwọn gha khian ebabotu ye ughe. A gha gbele ivbuẹ ua vbe okuo. A gha gia otọe ruẹ, a ghi munọ ọẹn ne emwa ọvbehe, wẹ tobọ ruẹ ghi ya wu ye ẹvbo iran ni gho ẹbọ. Vbene a i na gbe awẹawẹ, a gha viọ ivbi Izrẹl kpao vbe otọe iran gha rrie iwe.’ ”