Hozia 4:12 - Edo Bible (E Baibol Ẹdo) Version 1996

¹² Iran ghi ya gha nọ ike erhan wẹ ne ọ ta enegbe iran ma iran. Ọkperhan ọ re ọ ghi tama iran emwi ne iran ho ne iran rẹn. Iran sẹ mwẹ rae nẹ, zẹ vbe okhuo ne ọ khian igberagia. Iran rhie egbe iran ne avbe ẹbọ ọvbehe.

Hozia 4:12 Iomraidhean Croise

II Ọba 17:7

E Sameria keghi de guọghọ ua, rhunmwuda ivbi Izrẹl sẹ ẹmwẹ e Nọyaẹnmwa ne Osanobua iran, ọmwa ne ọ wọlọ iran hin obọ ọba Igipt rre, ọ na viọ iran ladian vbe Igipt. Iran keghi ya gha ga ẹbọ ọvbehe.

II Krọnikol 21:13

Sokpan, u keghi lele igiemwi avbe ọba Izrẹl, u na ye ivbi e Juda kevbe ivbi e Jerusalẹm khian ni ma ghi guobọ e Nọyaẹnmwa zẹ vbene Ehab kevbe iran ni rriọba lele ẹe silo ivbi Izrẹl hin iyayi rre. Sẹe hia, u keghi gbele iran ighẹ avbe etuẹn ni re emwa ni maa sẹ ruẹ.

Psalm 106:39

Iran keghi lekpa uyinmwẹ iran ya egbe iran khian ne ọ ma huan, iran ma gie Osanobua mu ẹtin yan.

Psalm 73:27

Ẹ i mwẹ iran ni he uwẹ ye otọ ma fuẹn uan, wẹ gha fuẹn iran an ighe emwa ni ma guobọ ruẹ.

Jerimaia 10:8

Akpa vbe abobo ọ re iran hia khin. De ẹwaẹn ne iran ra miẹn ruẹ vbe ukhurhẹ?

Jerimaia 2:27

Erriọ ọ re a ra ya oya ne uwa ni kha wẹ erhan ọrọre erha uwa, okuta ọrọre iye uwa. Erriọ ọre ọna ra sunu rhunmwuda, wa fi iyeke gbe mwẹ vbe ọ te kei ne uwa bu mwẹ gha dee. Sokpan, wa gha rre uwu ibaro, wa ghi wẹ ne I do miẹn uwa fan.

Jerimaia 23:13

I miẹn orukhọ ne avbe akhasẹ e Sameria ru nẹ eni e Baal ọ re iran ya guan yotọ, iran keghi bibi avbe emwa mwẹ odẹ.

Ezikiẹl 20:32

Wa tae mu olọ yan rẹn nẹ wẹ te uwa ra gha yevbe avbe ẹvbo nekpa, zẹvbe emwa ni rre ẹvbo ọvbehe, iran ni gho erhan kevbe okuta. Sokpan, ọnii i gba hiehiere.

Ezikiẹl 21:21

Ọba e Babilọn mudia vbe ehe ne ọ gie odẹ ma ọmwa vbe ehe ne odẹ nọ va ada nii ye. Ne ọ miẹn ehe na rẹn odẹ ne ọ gha la ghe vbọ, ọ fieghe ifẹnmwẹ, ọ nọ avbe amazẹ ọre, ọ gbe aro kotọ ghe vbene ihẹnmwẹ aranmwẹ ne ọ ya zọ ese ye hẹ.

Hozia 14:3

Asiria i sẹtin miẹn ima fan hiehiere, avbe ẹsin okuo i vbe sẹtin degue ima. Ma i ghi dọlegbe tama avbe ẹbọ ima ẹdẹ wẹ iran ọrọre Osanobua mwa. Nọyaẹnmwa, wẹ wa tohan emwa hia ni i mwẹ ọmwa ọvbehe ne ọ ra lẹ bu.”

Hozia 5:4

Emwi dan ne emwa ni ru ma ghi gie iran dọlegbe bu Osanobua iran gha dee. Ẹbọ ne a gho la iran uhunmwu nẹ, iran ma ghi vbe kha ighe iran rẹn e Nọyaẹnmwa.

Hozia 6:10

Aro mwẹ miẹn emwi ne ọ ye izegbe zẹ ọmwa vbe Izrẹl. Emwa mwẹ mu awua ye egbe iran vbe ne iran na gha ru ẹbọ.

Hozia 9:1

Wa ne ivbi Izrẹl, wa dobọ ne uwa na ru emwi ukpo uwa zẹ vbe emwa ni ga ẹbọ yi, wa fi iyeke gbe Osanobua uwa nẹ, ekhọe uwa ma vbe lelẹe. Ehe ne otọe nii sẹe ehe ne ọ rhanmwẹ, ọ re uwa na khiẹnnẹ egbe uwa ne Baal zẹ vbe ebabotu, avbe ọka ne uwa ro ighe rẹn ọ re ọ ya ẹe ha uwa osa keghi yẹ uwa.

Levitikọs 17:7

Ivbi Izrẹl i ghi khian dọlegbe gha re ne ẹ i gie a mu ẹtin yan vbe obọ Nọyaẹnmwa, vbe ekpa ne iran na gbele aranmwẹ iran vbe uwu oha ya zọ ese ghe avbe orhiọn dan ọghe ẹwe. Ivbi Izrẹl ghi gha rhie emwamwa na mwẹ ẹdẹdẹmwẹdẹ.

Levitikọs 20:5

mẹ gha tobọmwẹ mu aro da ọmwa nii ke ẹe kevbe ẹgbẹe ọre hia kevbe iran ni yegbe ba ẹre vbe uyinmwẹ a i gie a mu ẹtin yan ne ọ yin ghe mwẹ ne ọ na ya gha gho Milkọm. Mẹ i ghi ra vbe ka iran ba emwa mwẹ.

Maika 2:11

“Egbe akhasẹ ne iran na ho ọrọre ne ọ talọ ohoghe kevbe ne ọ rẹrẹ emwa, ne ọ vbe kha wẹẹ, ‘I ta ẹe zẹ vbe akhasẹ wẹ ayọn kevbe emwi ne a da gha kpọkua ne uwa!’

Habakọk 2:19

Ọwuẹ fo! U gha khama ike erhan wẹẹ, “Rhiọrre!” kevbe ovbi okuta wẹẹ, “Kpaegbe!” Amazẹ gha sẹtin rhie emwi ne a ma rẹn rhọkpa ma ruẹn ra? A sẹtin ya esiliva kevbe igoru rhu ẹe, sokpan, orhiọn i rre uwu ẹre.

Nọmbas 15:39

Adaghọ na ghi gha re ọghe ayere, ẹghẹikẹghẹ ne uwa a rhirhi ya dẹghe iran, wa ghi ye uhi mwẹ hia rre nu uwa vbe gha ru iran; ẹghẹ nii, wa i ghi ra fi iyeke gbe mwẹ ne uwa ya gha ru ọghe enegbe uwa ne uwa ho.

Diuteronomi 31:16

E Nọyaẹnmwa keghi tama e Mosis wẹẹ, “U gha rherhe wu ban, u gha ghi wu nẹ, emwa na gha do khian ne a i ghi mu ẹtin yan ghe mwẹ, iran ghi gha rra ile nii ne I gue iran ta. Iran ghi he mwẹ ye otọ ya gha gho avbe ẹbọ otọe nii ne iran khian lao na.

Giọgis 18:5

Iran keghi tama rẹn wẹẹ, “Lahọ, nọ Osanobua a deghẹ okhian ne ima rrie na gha de ẹse.”