Hozia 4:1 - Edo Bible (E Baibol Ẹdo) Version 1996

¹ E Nọyaẹnmwa mwẹ ẹzọ ne ọ gu emwa ni rre otọe na gui. Izrẹl, danmwehọ vbe ne ọ kha hẹ, “Uyinmwẹ esi ra aho ẹmwẹ ọmwa i zẹdẹ rre otọe nii, avbe emwa nii, ma vbe tie mwẹ Osanobua.

Hozia 4:1 Iomraidhean Croise

I Ọba 22:19

E Makaia keghi rhie te ẹe wẹẹ “Danmwehọ vbene Nọyaẹnmwa kha hẹ! I keghi bẹghe vbe Nọyaẹnmwa tota ye ẹkete ẹre vbe ẹrinmwi, avbe odibo ẹre keghi mudia lẹga ẹre.

Psalm 81:9

Wa ghẹ danmwẹ ẹbọ ọvbehe ga ẹdẹ.

Aizaia 1:10

E Jerusalẹm te avbe iran ni khaemwisẹ yan ruẹn kevbe avbe emwa ruẹn yevbe ọghe Sọdom kevbe Gomorra. Danmwehọ ẹmwẹ ne Nọyaẹnmwa wa tama ruẹn nian. Rhie ehọ ye emwi ne Osanobua mwa ma ruẹn re na.

Aizaia 1:18

E Nọyaẹnmwa khare wẹẹ, “Larre nian ne a zẹ iro kugbe, orukhọ ruẹ gha ya a gbiruẹn sẹrriọ wẹ te u ghi baa, sokpan, I gha khuọ ruẹ ne u gha fua vbe isonorhọ. Orukhọ ruẹ gha rhe gha ye vbe ododo u gha fua zẹ vbe ititi oru.

Aizaia 28:14

Wa danmwehọ vbene Nọyaẹnmwa kha hẹ, wa ne emwa ni tọn egbe mu ni khaemwisẹ yan avbe emwa na vbe Jerusalẹm.

Aizaia 34:1

Wa larre, wa ne emwa ni rre uhunmwu ẹvbo hia. Wa do si koko, ne uwa danmwehọ. Gie uhunmwu otọ agbọn hia kevbe emwa ni rrọọ si koko ne iran danmwehọ.

Aizaia 34:8

Ẹghẹ ne Nọyaẹnmwa gha na miẹn e Zaiọn fan ọ re ọna khin, ọ ghi munọ avbe eghian rẹn gbotọ.

Aizaia 5:3

Rhunmwuda ọnii, ọse mwẹ keghi kha nian wẹẹ, “Wa ne emwa ni rre Jerusalẹm kevbe Juda, wa do bu ohiẹn imẹ kevbe ogba azara mwẹ.

Aizaia 59:4

Wa gha yo iko, a i bu ohiẹn ne uwa. Ohoghe ọ re uwa mu ẹtin yan ighẹ uwa gha ya rri ase vbe ẹzọ uwa. Wa gha sii uma emwi dan ne uwa ra ru ẹrrẹe re nẹ, wa ghi gele ru ẹe.

Aizaia 59:8

agbọn hia ghi rhie uhunmwu da ẹbe vbe ehe ne uwa ye. A i miẹn ọkpa ne ọ diae vbe avbe emwi hia ne uwa ru. Odẹ ne ọ gọe ọ re uwa la, ọmwa ne ọ la odẹ ni rhie uhunmwu da ẹbe.

Aizaia 66:5

Danmwehọ vbene Nọyaẹnmwa kha hẹ, wa ni mu ohan rẹn, ni vbe họn ẹmwẹ ne ẹẹn: “Rhunmwuda ighẹ wa rhie egbe mu mwẹ, eso vbe uwu avbe emwa khọ ẹko uwa, iran i vbe gu uwa mu obọ hiehiere. Iran ya uwa gbe ogiẹ, iran ghi vbe kha wẹẹ, ‘Wa gie Nọyaẹnmwa rhie ukpọlọmwẹ ọnrẹn ma nian, ne ọ miẹn uwa fan, ne ima miẹn ọẹn vbe uwa a gha ghọghọ.’ Sokpan, te a ra fa iran tobọ iran an.

Jerimaia 11:7

Ẹghẹ ne I na viọ iran ke otọe Igipt ladian, te I mobọ wa kan rẹn ye iran ehọ wẹ ne iran gha họn ẹmwẹ mẹ, te I yevbe gha ta ẹe ma iran khian rhinrin do sẹ ẹdẹnẹrẹ na.

Jerimaia 19:3

E Nọyaẹnmwa keghi tama mwẹ wẹ ne I kha wẹẹ, “Avbe ọba e Juda, kevbe ivbi e Jerusalẹm, wa danmwehọ ẹmwẹ ne Nọyaẹnmwa ne Oghodua ne Osanobua Izrẹl ra ta. I ra gie egbe ọkhọ okpa do sunu vbe emwa na, wẹ izegbe gha zẹ dọmwadẹ ọmwa ne ọ rhirhi a họn ẹẹn.

Jerimaia 2:4

Wa danmwehọ uhunmwu ne Nọyaẹnmwa gie rre, wa ne ivbi uniẹn Jekọb wa ne ẹwae Izrẹl.

Jerimaia 2:9

Rhunmwuda, mẹ ne Nọyaẹnmwa gha dọlegbe talọ ẹzọ ni gu emwa mwẹ gui, I gha ba ivbi uniẹn iran ifi ẹzọ.

Jerimaia 25:31

Ulamwẹ ọnrẹn ghi mi igboo ya sẹ ehe ne agbọn sẹe. E Nọyaẹnmwa mwẹ ẹzọ ne ọ gu avbe uhunmwu ẹvbo gui ọ gha viọ emwa hia la erhan ẹzọ, ọ ghi gbele avbe emwa dan an. E Nọyaẹnmwa tae nẹ.’ ”

Jerimaia 34:4

E Zedekaia, danmwehọ ẹmwẹ ne I ta vbe ekpa ruẹ na. A i ra gbua vbe okuo.

Jerimaia 4:22

E Nọyaẹnmwa khare wẹẹ, “Akpa ọ re avbe emwa mwẹ khin, iran ma rẹn mwẹ. Iran ye vbe emọ ni kọẹn iran imwẹ irẹnmwi hiehiere. Iguẹsẹ iran khin vbe emwi dan ne a ru emwi esi ne a ru i dunna ne iran.”

Jerimaia 4:28

Otọ agbọn gha khiẹ, iso gha so ebiebi, erriọ Nọyaẹnmwa khare, ẹ i ra fi ẹe werriẹ. Ọ ta emwi ne irẹn ra ru ne, ẹ i ghi vbe kie werriegbe vbọ.

Jerimaia 5:4

Ẹghẹ nii ọ re I na kha wẹẹ, “Avbe ivbiogue ni ma rẹn enaye ọ re ena khin. Emwi ukọnmwẹ ọ re iran wa ru, iran ma rẹn emwi ne ọ yẹ Osanobua iran, emwi ne Nọyaẹnmwa ho ne iran ru.

Jerimaia 51:5

Mẹ ne Nọyaẹnmwa ne Osanobua Izrẹl, ma fi iyeke gbe Izrẹl kevbe Juda, a gha rhe miẹn wẹ iran ru orukhọ ghe imẹ ne Nọhuanrẹn Izrẹl.

Jerimaia 6:13

Emwa hia fẹẹrẹ, ọkpọlọ kevbe ọ kanmwa, wa la odẹ ne ọ ma khuia gualọ igho. Uhin ighẹ te avbe akhasẹ kevbe avbe ohẹn ghi mu emwa ni ru.

Jerimaia 7:28

U ghi tama iran wẹ, uhunmwu ẹvbo iran i họn ẹmwẹ mẹ, mẹ ne Nọyaẹnmwa ne Osanobua iran, ra ne oya ne a rri iran re vbe gha rhie ẹwaẹn ne iran. A ye ekhọe ga wu nẹ. A i ghi dọlegbe guan kan rẹn ọvbehe.

Jerimaia 9:20

Mẹ keghi kha wẹẹ, “Wa ne ikhuo, wa danmwehọ e Nọyaẹnmwa, ne uwa vbe rhie ehọ ye ẹmwẹ ọnrẹn, wa ma ivbi uwa nikhuo vbene a khiẹ hẹ, kevbe avbe ọse uwa vbene a so ihuan irorinmwi hẹ.

Jerimaia 9:3

Iran wa mu egbe ye ohoghe ne a ta vbe ẹghẹ hia a i ta ẹmwata rhie ihe ẹmwata gha khaemwisẹ vbe otọe nii. E Nọyaẹnmwa khare wẹẹ, “Emwa mwẹ wa ru ọkhọ yan ọkhọ iran ma rhan obọ miẹn mwẹ zẹ vbe Osanobua iran.”

Jerimaia 9:7

Rhunmwuda ọnii, e Nọyaẹnmwa ne Oghodua khare wẹẹ, “I gha fan emwa mwẹ zẹ vbe ematọn I ghi vbe danmwẹ iran ghe. Emwa mwẹ ru emwi dan nẹ, vbe I a ghi ra ye ya iran ru ọvbehe?

Ezikiẹl 16:35

Rhunmwuda ọnii nian, e Jerusalẹm ne ẹwia! Danmwehọ vbene Nọyaẹnmwa ne Udazi kha hẹ.

Hozia 12:2

E Nọyaẹnmwa mwẹ ẹzọ ne ọ gha ba ivbi Juda re, ọ gha vbe rri ivbi Izrẹl oya, rhunmwuda uyinmwẹ emwa rẹn. Ọ gha ha iran osa emwi ne iran ru.”

Hozia 12:3

E Jekọb ne erha iran odede kevbe Isọ ne irẹn vbe ọre gba re ivin eva gba ru egbe vbe iran eva he rre uwu ẹko iye iran; e Jekọb ghi waan nẹ ọ gu Osanobua suan.

Hozia 5:1

“Wa danmwehọ wa ne avbe ohẹn, wa gbe ehọ kotọ wa ne ivbi Izrẹl, wa danmwehọ wa ni re ẹgbẹe ọba! Te a te wẹ ne uwa gha bu ohiẹn ẹmwata rhunmwuda ọnii, obọ ibuohiẹn gha vba uwa! Wa khian ifi ye Mizpa, kevbe ọga ne a rhuẹre ye Oke Tabọ,

Hozia 5:4

Emwi dan ne emwa ni ru ma ghi gie iran dọlegbe bu Osanobua iran gha dee. Ẹbọ ne a gho la iran uhunmwu nẹ, iran ma ghi vbe kha ighe iran rẹn e Nọyaẹnmwa.

Joẹl 1:2

Wa danmwehọ, wa ne eniwanrẹn emwa hia ni rre Juda, wa gbe ehọ ke otọ. Emwi vbenian he ka sunu ẹdẹ ra vbe ẹghẹ uwa ra ẹghẹ avbe erha uwa?

Emọs 3:1

Wa ne ivbi Izrẹl, wa danmwehọ uhunmwu na ne Nọyaẹnmwa gie vbe ekpa uwa, emwa uhunmwu ẹvbo ni hia fẹẹrẹ ne Nọyaẹnmwa viọ ke Igipt gha dee:

Emọs 7:16

“Rhunmwuda ọnii nian, danmwehọ vbene Nọyaẹnmwa kha hẹ. U wẹ ne I dobọ ẹmwẹ akhasẹ ne I ta yi, ne I ghẹghi talọ ku ivbi Izrẹl.

Maika 6:2

Wa ne avbe oke nekhua, wa ne avbe ẹyotọ etẹbitẹ agbọn na, wa danmwehọ ẹzọ ne Nọyaẹnmwa gui! E Nọyaẹnmwa mwẹ ẹzọ ne ọ gu emwa rẹn gui. Ọ ra ba Izrẹl ifi ẹzọ.

Iyẹn ne ọ Maan Ọghe Jọn 8:55

Wa ma he rẹn ọnrẹn ẹdẹ, sokpan mẹ rẹn ọnrẹn. I gha kha ighe I ma rẹn ọnrẹn, mẹ gha vbe khian ọhọn ohoghe vbe ne uwa ye. Sokpan mẹ rẹn ọnrẹn, mẹ họn ẹmwẹ nẹẹn.

Ebe ne Pọl gbẹẹn gie emwa Rom 1:28

Rhunmwuda ighẹ emwa ne agbọn ma giẹ irẹnmwẹ Osanobua ẹmwata di iran uhunmwu ya, Osanobua keghi he iran ye ẹmwẹ ekhọe iran ne ọ kulo, sẹrriọ wẹ, a ghẹ ru ọre iran ghi ru.

I Kọrinti 15:34

Wa dọlegbe rhie ẹwaẹn ye uhunmwu, ne uwa zobọ vbe orukhọ ne uwa ru. Te I ta ẹmwẹ na ne emwi ekhue uwa, eso vbe uwu uwa ma rẹn Osanobua.

Arhie Maan 2:11

“Adeghẹ u mwẹ ehọ khekherriọ, u ghi danmwehọ ẹmwẹ ne Orhiọn tama avbe esọsi. Iran ni khọnmiotọ, uwu ne ogieva i ghi ra kuan iran ọvbehe.

Arhie Maan 2:29

“Adeghẹ u mwẹ ehọ, danmwehọ ẹmwẹ ne Orhiọn tama avbe esọsi.