Hozia 3:4 - Edo Bible (E Baibol Ẹdo) Version 1996

⁴ Erriọ wa nọ zẹe, ivbi Izrẹl gha vbe gha rrọọ vbe ẹghẹ ne ọ taẹn vbene iran i ra na gha mwẹ ọba ra ọkaolotu vbene ese ne a zọ i ra na vbe gha rrọọ, ra orre okuta itaemwi, vbene amazẹ ra ukhurhẹ ne a ya fi iha i na rrọọ.

Hozia 3:4 Iomraidhean Croise

Gẹnẹsis 31:19

E Leban kpao gha rrie ehe ne ọ na gbẹn avbe ohuan rẹn eto, vbe iyeke ẹre, e Rekiẹl keghi do avbe ukhurhẹ ọghe erha ẹe hẹ.

Gẹnẹsis 31:34

E Rekiẹl viọ avbe nene ukhurhẹ, ọ keghi viọ iran lẹre ye ẹkpo ne ọ rre emwi ne a ya hin ekẹtẹkẹtẹ, ọ na tota yan iran. E Leban keghi gualọ owa nii hia sokpan ọ ma miẹn iran.

Gẹnẹsis 49:10

E Juda gha mu ọkpọ ọba mwẹ uniẹn ọnrẹn ọ ra gha rriọba khian. Avbe okpẹvbo gha ya imuohan giẹẹ iran ghi ye a họn ẹmwẹ gbe uhunmwu kotọ nẹẹn.

II Samuẹl 6:14

Ukpọn eto ovbiohuẹ ọkpa ọ re Devid rra mu ẹkun, ọ kegha ya ẹtin ẹnrẹn hia kuu ne ọ ya ya ọghọ ne Nọyaẹnmwa.

II Ọba 23:24

Ne a miẹn ehe na mu uhi e Nọyaẹnmwa ni rre ebe ne Hilkaia ne Ogie Ohẹn miẹn vbe Ọgua Osa sẹ, e Josaia keghi viọ iran hin e Jerusalẹm kevbe otọe e Juda rre ighẹ avbe iran ni miẹn ẹrinmwi, iran ni bọ, kevbe ẹbọ edọmwadẹ owa, amazẹ kevbe emwi ne iran ni ga ẹbọ ghi gho hia.

II Krọnikol 15:2

Ọ na bu Asa ne ọba gha khian. Ọ keghi datie ẹre wẹẹ, “Asa ne ọba, kevbe avbe uwa hia ni rre Juda kevbe Bẹnjamin, wa danmwehọ mwẹ. Ẹghẹ hia ne uwa mudia ke Nọyaẹnmwa la, e Nọyaẹnmwa gha vbe mudia ke uwa, a dẹghe wa gualọ ẹe, ọ gha ya egbe ne uwa miẹn, sokpan, dẹghe wa werriegbe, rẹn gha vbe he uwa ye otọ.

Ẹksọdọs 28:4

Ẹwu ne iran gha sele ọre ena khin. Ne a mu rhu ẹwẹe, adaghọ, agbada, ẹwu ne a do, ukugba uhunmwu kevbe ọza, iran ghi se ẹwu ne ọ huanrẹn ne Errọn ne ọtuẹn ke avbe ivbi ẹre nikpia ne iran sẹtin gha ga mwẹ zẹ vbe ohẹn.

Ẹksọdọs 28:6

“A ghi ya oru ne raghoragho, ne ọ vboro rhan-an, ne ọ baa, igoru kevbe eto ovbiohuẹ ne vbukhẹẹ, se adaghọ, a ghi do ona lele ẹe.

Eve Orriara 2:9

Iku siẹẹn rhu onurho ẹre ginna otọ a dunmwu ogba ni rro rẹnkhẹnrẹnkhẹn. Ke avbe ọha kevbe egbesẹmwegie hia iwe ọ re iran hia ghi ye. A i ghi ma emwa nene Uhi ọvbehe avbe akhasẹ ighi miẹn umian ke ehe ne Nọyaẹnmwa ye rre.

Ezikiẹl 19:14

Erhẹn la ẹzi erhan azara nii, ọ keghi gien avbe abọ kevbe ọmọ rẹn. Avbe abọ ẹre i ghi dọlegbe wegbe ọvbehe, iran i ra dọlegbe gha re ọkpọ ọba. Ihuan akhiẹ ọ re ọ na khin ọ kpẹre ne a keghi so ẹe yanegbe yanegbe.

Ezikiẹl 20:32

Wa tae mu olọ yan rẹn nẹ wẹ te uwa ra gha yevbe avbe ẹvbo nekpa, zẹvbe emwa ni rre ẹvbo ọvbehe, iran ni gho erhan kevbe okuta. Sokpan, ọnii i gba hiehiere.

Ezikiẹl 21:21

Ọba e Babilọn mudia vbe ehe ne ọ gie odẹ ma ọmwa vbe ehe ne odẹ nọ va ada nii ye. Ne ọ miẹn ehe na rẹn odẹ ne ọ gha la ghe vbọ, ọ fieghe ifẹnmwẹ, ọ nọ avbe amazẹ ọre, ọ gbe aro kotọ ghe vbene ihẹnmwẹ aranmwẹ ne ọ ya zọ ese ye hẹ.

Ezikiẹl 21:31

Wa gha họn obọ ohu mwẹ vbe egbe vbe ẹghẹ ne I gha na rhurhẹ ọe yan uwa zẹ vbe erhẹn ne ọ baa gidigidi. I ghi viọ uwa yan emwa dan obọ, emwa ni fuẹro emwi ne a mu rhia.

Daniẹl 11:31

Eso vbe ivbiyokuo ẹre gha ru awua vbe uwu Ọgua Osa, iran gha dobọ izọese ẹdẹgbegbe yi, iran ghi mu ‘Emwikhọ Ugborrirri’ gbọọ.

Daniẹl 12:11

“Ke ẹghẹ ne a ya dobọ ese ẹdẹgbegbe yi, ọnii nọ wẹ ke ẹghẹ Ọkhọ Nọgborrirri gha dee, ikpẹdẹ ekigbesiyisẹn yan arria ehan (1,290) gha gberra.

Daniẹl 9:27

Ọmwa ne ọ rre asẹ nii gha gu emwa nibun ke ọta ne ọ deziẹn la ukpo ihinrọn, a ghẹ ghi wa ẹghẹ ne a kha na ye ihe eva nẹ, ọ gha wẹ ne a dobọ ese ne a zọ kevbe izọhẹ yi. A gha ya mu Emwikhọ Ugborrirri. Ye ehe ne ọ mwẹ uyi sẹẹ vbe Ọgua Osa, ọ ghi vbe gha rre evba ọ te do sẹ ẹghẹ ne ọ gha ya rri ọghọe fo zẹ vbene Osanobua mwamwa khẹ ọre.”

Hozia 13:10

Wa nọ ọba kevbe avbe olotu ne egbe uwa, sokpan, vbe iran ra ya sẹtin miẹn ẹvbo nii fan hẹ.

Hozia 13:11

Ohu ọ re I ya rhie ọba ne uwa, ohu nọkhua ọ re I ya miẹn uwa ẹre.

Hozia 2:11

I gha dobọ ugie ne ọ do hia yi. Ugie ukpukpo kevbe ugie ukiuki ne ọ do deba, emwi ne ọ ru vbe Ẹdẹ Ikẹtin hia fẹẹrẹ, kevbe iko ugamwẹ ne ọ ko hia.

Levitikọs 8:7

Ọ keghi mu ẹwu iruemwi nii yọ ẹe, ọ keghi ye ugbẹkun ne mose ne a do nii gba ẹe ginna ẹẹn vbe ẹkun.

Zẹkaraia 10:2

Emwa ghi ya gha nọ avbe amazẹ kevbe iran ni bọ, sokpan ewanniẹn ne iran miẹn ohoghe ne ọ mwamwa ọ re ehia khin. Eso ghi gha rhan otọ imina, sokpan, te iran bibi uwa odẹ kẹkan. Ọfumwegbe ne iran rhierre i mwẹ esa. Rhunmwuda ọnii, avbe emwa ni ghi gha hẹ yo hẹ rre zẹvbe ohuan ne ọ wiri. Iran rre uwu orueghe rhunmwuda, ọkaolotu i rrọọ.

Zẹkaraia 13:2

Vbe ẹghẹ ne a kha na, I gha viọ eni avbe ẹbọ hin otọe na rre, a i ghi miẹn ọmwa ne ọ gha ye iran rre ọvbehe. I gha rhie ẹre fua ighe ọmwaikọmwa ne ọ rhirhi kha ighe akhasẹ rẹn khin, I gha vbe gbe ukhu ẹre ua ighe ne a na ho ne a gha gho ẹbọ.

Iyẹn ne ọ Maan Ọghe Luk 21:24

A gha ya umozo gbele iran eso ua, a ghi viọ iran eso oghunmwu gha rrie agbọn ẹvbo hia, iran ni ma yayi ghi gha gbe ọgọlọbọ vbe adesẹ ore Jerusalẹm rhinrin ẹghẹ iran te vbe do gba.

Iyẹn ne ọ Maan Ọghe Jọn 19:15

Ehia keghi wa gha go, iran wẹ, “Gbe ẹe rua! Gbe ẹe rua! Kan rẹn mu ugbugbe!” Pailet nọ iran wẹẹ, “Te uwa wẹ ne I kan ọba uwa mu ugbugbe ra?” Avbe igie ohẹn wanniẹn wẹẹ, “Ọgbaisi ọkpa ma rẹn ye ọba mwa!”

Hibru 10:26

Rhunmwuda, ese ọvbehe ne ọ gha kpe orukhọ kua i ghi rrọọ, a deghẹ ma ye ma gha ru orukhọ khian, iyeke vbe a rhie nene ẹmwata ma ima nẹ.

Giọgis 17:5

Okpia na ighẹ e Maika mwẹ ehe ne a na ga ọghe obọ ẹre ọ keghi mannọ avbe amazẹ, ọ kevbe mwẹ adaghọ, ọ na rhi ovbi ẹre ọkpa yọ ne ọ gha re ohẹn ọnrẹn.

Giọgis 18:14

Ẹre iran isẹn ni ya ba ẹvbo ni rre odẹ Lais ghi na tama ihua iran wẹẹ, “Wa rẹnrẹn nian ighẹ amazẹ erhan ne a ya esiliva rhu rre uwu owa na? Amazẹ ọvbehe ye vbe rrọọ deba adaghọ. Vbe uwa ro ighẹ a gha ru ẹe hẹẹ?”

Giọgis 8:27

E Gidiọn keghi ya nene igoru ma amazẹ, ọ na mu ẹẹn ye ẹvbo irẹn ne Ọfra. Ivbi Izrẹl hia keghi sẹ Osanobua rae, iran na ya gha ya uhunmwu rhanmwotọ ne amazẹ nii. Ọ ke ghi yevbe ifi ne Gidiọn kevbe ẹgbẹe ọre.

I Samuẹl 14:3

(Ohẹn ne ọ mu adaghọ rhuan kegha re Ahija ne ovbi ọtẹn Ikabọd ne a tie ẹre Ahitub ne ovbi e Finihaz, eyẹ Elai ne ohẹn e Nọyaẹnmwa vbe Siailo.) Emwa nii ma rẹn wẹ e Jonatan ladian.

I Samuẹl 15:23

Ne a sọtẹ ọre vbe rhia vba azẹn, kevbe ne gha tọn egbe mu, te ọ vbe ye vbe orukhọ ẹbọ ne a gho. Rhunmwuda ighẹ wẹ ma rhie ẹmwẹ e nọyaẹnmwa, rẹn vbe rhie ruẹ hin ọba rre.”

I Samuẹl 2:18

E Samuẹl ne ọmọ okpia nii, kegha ga e Nọyaẹnmwa vbe Siailo, ọ ghi mu adaghọ eto ovbiohuẹ rhuan.

I Samuẹl 21:9

Ahimẹlẹk keghi wanniẹn wẹẹ, “Umozo e Golaiat ne ovbi e Filistin, ne u gbe vbe Iya Ela guemwẹ vbe emwa. Ọ rre iyeke adaghọ, a ya ukpọn gbalọ ẹe. A deghẹ u ho, u sẹtin mu, ọnii ọkpa ọ re emwi igbinna ne ọ rre emwana.” E Devid keghi kha wẹẹ, “Mu mẹ, umozo ne ọ ghi maa sẹ ọnii, ẹ i rrọọ.”

I Samuẹl 22:18

Ẹre Sọl na khama Doeg wẹẹ, “Gbele iran an!” E Doeg keghi gbele iran hia a. Vbe ẹdẹ nẹdẹrriọ, inu ohẹn e Nọyaẹnmwa ne ọ gbele kegha re isẹn yan iyenẹ.

I Samuẹl 23:6

Ugbẹn vbe Abiata ne ovbi Ahimẹlẹk ghi lẹfua, ọ keghi mu adaghọ ni ọ na ya vba e Devid vbe Keila.

I Samuẹl 23:9

E Devid ghi họn wẹ e Sọl ra do gu irẹn gbinna, ọ keghi tama Abiata ne ohẹn wẹẹ, “Mu adaghọ nii gha di emwa.”

I Samuẹl 30:7

E Devid keghi khama ohẹn Abiata ne ovbi Ahimẹlẹk wẹẹ, “Mu adaghọ ni rre.” Abiata keghi mu gie ẹe.