Hozia 3:2 - Edo Bible (E Baibol Ẹdo) Version 1996

² Rhunmwuda ọnii, I keghi ya hae agiẹghẹ esiliva ekesugie kevbe adanna okhuae ọka igabari ihinrọn ne I ya dẹ ọe.

Hozia 3:2 Iomraidhean Croise

Gẹnẹsis 31:41

Erriọ ọre a wa duọ ee la ukpo ugie ne I gbe vbe obọ ruẹ. I ye ukpo iwenẹ ga ye ivbuẹ nikhuo eveva, ke ukpo ehan ye oghẹn ohuan ruẹn, levba sevba, te u ye fi igho ne a hae mẹ werriẹ igba igbe.

Gẹnẹsis 34:12

Wa tama mwẹ emwi ne I gha rhie ne uwa, wa vbe fian inu igho ne ọ khọn uwa mẹ ne I gha mu ye egbe ẹre, I gha rhie emwi ne uwa a rhirhi gha ho ne uwa sokpan ne uwa gunmwẹ rhie ẹre rọnmwẹ.”

Ẹksọdọs 22:17

Sokpan erhae gha wẹ ne ọ ghẹ rọnmwẹ ọẹn, ọ ghi hae igho ne a ya rhie ọvbokhan uvbi nẹẹn.

Aizaia 5:10

Azara ne a kọ ye awowo otọe isẹn, egalọn ofigbọn isẹn kẹkan ọre a ra gha miẹn vbọ. Ẹgbẹdin emwiokọ enẹ ne a ya kọ, ẹgbẹdin emwiokọ ọkpa kẹkan ọre a gha vbe gha rhọ vbọ.”

Ezikiẹl 45:11

“Adanna ne a ya mwa emwi ne ọ kae, a ghi gie ẹe gha re umwọmwẹ ba ekuogho ne a ya mwa emwi ni yevbe amẹ. Emwi ne a ya ehia taa ọrọre izagodo. Vbene ehia gha na defi ọreghe: “Ọduẹki ọkpa ghigha re ukpuago igbe ne ọ vbe re ekuiyẹ nọkhua igbe.

Hozia 3:3

I keghi tama rẹn wẹ, ẹghẹ ne ọ taẹn o re ọ gha ya diakhẹ mwẹ vbene ẹi na gbe ebabotu ra ne ọ vbe gha ghẹ. Vbe uwu ẹghẹ ne a kha na, mẹ gha vbe diakhẹ ọre.

Levitikọs 27:16

A deghẹ ọmwa ya obọ eso vbe otọ ne ọ mwẹ fi ohan ne Nọyaẹnmwa a ghi ghe inu emwi okọ ne a ya kọ emwi yọ fian ive yọ, vbene a gha na tie esiliva igbe ye izagodo ọkpa ọghe ọka.

Ebe Rut 4:10

Ye vbe sẹ ọnii, e Rut ne ovbi e Moab ne okhuo ne Malọn wu sẹ rae, vbe khian ọvbokhan mwẹ, ne ọ miẹn ehe na gha gbearoghe emwi ọmwa ne ọ wu nii vbe uwu ẹgbẹe ọre, ne eni ẹnrẹn miẹn ehe na ye gha khian vbe uwu ẹbu ẹgbẹe ọre kevbe ẹvbo ẹre. Wa ọrọre osẹe ẹrẹna.”

I Samuẹl 18:25

E Sọl keghi tama iran wẹ ne iran ya tama Devid wẹẹ, “Emwi ne ọba ho vbe obọ ruẹ ma gberra ukpikolo ọghe ivbi e Filistin iyisẹn ni wulo nẹ, ne ọ ya ọnii rria avbe eghian rẹn ikhi.” (Erriọ ọre Sọl te mwamwaẹn we obọ ivbi e Filistin gha ya vba e Devid).