Hozia 2:8 - Edo Bible (E Baibol Ẹdo) Version 1996

⁸ Rẹn I ra miẹnkue ighe mẹ ọ re ọ rhie ọka kevbe ayọn kevbe ofigbọn oliv ne ẹẹn, deba esiliva kevbe igoru hia ne ọ ya gho e Baal.

Hozia 2:8 Iomraidhean Croise

I Krọnikol 29:16

E Nọyaẹnmwa Osanobua mwa ma viọ emwi na hia rre ne a do ya bọ Ọgua Osa ya rhie ọghọ ne eni ruẹn ne ọ huanrẹn, sokpan, obọ ruẹ ọre ehia ke rre, ọwuẹ ọ re iran vbe khin.

Job 19:8

Osanobua mu emwi gbe odẹ nẹ, I i miẹn ehe la gberra vbọ, ọ ye ebiebi rhie odẹ mwẹ lẹre nẹ.

Aizaia 1:3

Avbe ẹmila rẹn emwa ni yan iran, avbe ekẹtẹkẹtẹ vbe rẹn ehe ne nọyan iran na rhie evbare ne iran. Sokpan, Izrẹl ne emwa mwẹ ma rẹn sẹ vberriọ. Iran ma zẹdẹ rẹn otọe ẹre hiehiere.”

Aizaia 46:6

Emwa ghi rhan ẹsiso iran iran ghi viọ igoru ladian, iran ghi ya mwa esiliva vbe esike iran ghi tie ogun ẹrọnmwọ ne ọ do dunmwu ẹbọ ne iran, iran ghi ya uhunmwu rhanmwẹ otọ iran ghi gha ya uhunmwu rhanmwẹ otọ iran ghi gha gho ẹre.

Jerimaia 7:18

Avbe ibiẹka ghi ya ho erhan rre, avbe ikpia ni wan nẹ ghi hie erhẹn, avbe ikhuo ni rrọ ghi gbe irhuarhua ne iran ya fian eka ne ẹbọ ne iran tie ẹre Oloi Ẹrinmwi, iran ghi vbe sa ayọn ne avbe ẹbọ ọvbehe, ne iran miẹn ehe na ya mwẹ mu ohu.

Ezikiẹl 23:41

Iran ghi tota ye aga nekhuẹrhẹ ne ọ mose, iran ghi mu eteburu ne a viọ emwi ni maa hia yi ye odaro iran vbe uwu ne eturari kevbe ẹvbi oliv ne I viọ ne iran ye.

Daniẹl 3:1

E Nebukiadneza ne ọba keghi ya igoru ma amazẹ ne uyomwẹ ọnrẹn keve uvbẹmwẹ ọnrẹn re ibata ekigbesiyisẹn, ọ keghi mu ẹẹn ye otọe ne ọ rriẹe ọghe Dura vbe iyaẹvbo e Babilọn.

Daniẹl 5:23

U keghi ru emwi ne ẹ i yẹ e Nọyaẹnmwa ẹrinmwi, u keghi ya viọ avbe ukpu kevbe avbe ọkpan ne a viọ ye Ọgua Osa. Wẹ kevbe avbe ekhaẹmwẹ ruẹn, avbe amwẹ ọn kevbe avbe egbakhian ruẹn kegha ya iran da ayọn, wa na gha go wan avbe ẹbọ ne a ya igoru esiliva, oze, ematọn, erhan kevbe okuta ru — avbe ẹbọ ni i bẹghe kevbe ni i họn ẹmwẹ kevbe ni i sẹtin ru emwi rhọkpa. Sokpan, wẹ ma da ne Osanobua ne ọ tae a deghẹ u gha rre agbọn ra u gha wu, kevbe ne ẹmwẹ emwi ne u ru hia rre ọre obọ.

Hozia 10:1

Te ivbi Izrẹl te yevbe erhan azara ne ọmọ gba ẹre uhunmwu. Vbene emwi ya gha maa ne iran, erriọ ọ re iran ya gha bọlọ Ogiukpo yọ. Vbene emwiokọ iran ya gha maa yọ, erriọ iran ya gha te ẹre egbe yọ ighẹ avbe okuta ẹbọ ne iran gho.

Hozia 13:1

Vbe ẹghẹ nẹdẹ, ẹwae Ifreim gha guaan, ohan ghi mu ẹwae Izrẹl nekpa hia. Ifreim ọ re iran ghe ẹre aro. Sokpan, emwa ni ru orukhọ vbekpa ne iran na ya gha gho e Bal, te iran ra wulo ye aighẹru ne iran ru na.

Hozia 13:2

Te iran ra wa ye gha ru orukhọ khian, vbekpa ne iran gha na gha ye ematọn dunmwu emwi ne iran ra gha gho avbe amazẹ esiliva, ne emwa nagbọn ye ekhọe mwamwa, ne emwa nagbọn ye obọ ru, iran keghi vbe kha wẹẹ, “Wa ya gha zọ ese gie ẹe.” Vbe emwa gu ye unu soso avbe amazẹ vberriọ unu yi, avbe amazẹ ni ye vbe ẹkhuia ẹmila.

Hozia 4:11

E Nọyaẹnmwa khare wẹẹ, “Ayọn ne ọ wegbe kevbe ne ọ khuẹrhẹ ya emwa khian akpa nẹ.

Hozia 8:4

“Avbe emwa mwẹ zẹ ọba, sokpan, ọghe negbe iran ọ re iran ru, iran vbe zẹlẹ avbe ọkaolotu sokpan, ẹ i re ne imẹ kue yi. Iran viọ esiliva kevbe igoru iran, iran keghi mannọ ẹbọ ne iran ra ya fuan ne egbe iran.

Habakọk 1:16

Uhin ighe te iran wa gho ọga iran, iran ghi vbe gha zọ ese ne iran, rhunmwuda, ọga iran ọ re ọ rhie emwi ne ọ ghi maa sẹ ne iran vbe emwi hia.

Iyẹn ne ọ Maan Ọghe Luk 15:13

Vbe iyeke ikpẹdẹ eso, nekherhe ne ọ rrọọ keghi khiẹn emwi ne ọ se ọre obọ, ọ na mu igho ẹre, ọ na kpao vbe owa. Ọ na gha rrie ẹvbo ne ọ rrei ẹsẹse, ọ na ya ye uyinmwẹ ọpakharha lo ehia rhia.

Ebe ne Pọl gbẹẹn gie emwa Rom 1:28

Rhunmwuda ighẹ emwa ne agbọn ma giẹ irẹnmwẹ Osanobua ẹmwata di iran uhunmwu ya, Osanobua keghi he iran ye ẹmwẹ ekhọe iran ne ọ kulo, sẹrriọ wẹ, a ghẹ ru ọre iran ghi ru.

Diuteronomi 8:18

Wa yerre wẹ e Nọyaẹnmwa Osanobua rua, ọ re ọ rhie ẹtin ne uwa do ya fe. Ọ ru ọna rhunmwuda, ọ ho ne ọ mu ile ne ọ gu avbe erha uwa odede ta sẹ. Te irẹn wa rhie ile ni mwẹ do sẹ ẹdẹnẹrẹ na.

Giọgis 9:27

Iran kegha rrie ugbo iran, iran na ya kọlọ ọmọ erhan ne a ya ru ayọn ne ọ baa, iran keghi ru ayọn, iran na ya ẹe le evbare emwiukpo. Iran na gha rrie aro ẹbọ iran, iran na ya gha re, iran na ya gha da, iran na gha ye Abimẹlẹk gbe ogiẹ.