Hozia 2:7 - Edo Bible (E Baibol Ẹdo) Version 1996

⁷ Ọ gha rhie ulẹ lele avbe esiọre, sokpan ẹ i ra vba iran. Ọ gha gualọ iran, sokpan ẹ i ra miẹn iran. Ẹghẹ nii, ọ ghi kha wẹẹ, “I ra do bu ọdọ mwẹ ne I ka rọnmwẹ. Ẹghẹ nii ọre agbọn na ma mwẹ sẹ ne I ghi ye na.”

Hozia 2:7 Iomraidhean Croise

II Krọnikol 28:23

Ọ keghi zọ ese ghe avbe ẹbọ e Siria ni khọn miẹn irẹn otọ, ọ na kha wẹẹ, “Avbe ẹbọ ivbi e Siria ọ re ọ ye Siria obọ, rhunmwuda ọnii, a dẹghe mẹ zọ ese ghe iran, ughaghe iran gha vbe yọ mwẹ obọ.” Ọna keghi si ọfuan ye irẹn kevbe ẹvbo ẹre egbe.

Psalm 116:7

Ghẹ ghi fian afianma, wẹ ekhọe mwẹ, rhunmwuda, e Nọyaẹnmwa ru mwẹ ẹse nẹ.

Aizaia 30:16

Wa keghi kun ẹẹn ne uwa hin ẹsin ni rhulẹ ẹsẹse lẹ fua vbe obọ eghian uwa. Ẹmwata wa nọ, ulẹ ọ re uwa gha lẹẹ, wa ro wẹ avbe ẹsin uwa wa rhulẹ ẹsẹse, sokpan iran ni khu uwa khian gha rhulẹ sẹẹ.

Jerimaia 14:22

Ọkpa ne ọ sẹtin si amẹ i rre avbe amazẹ avbe uhunmwu ẹvbo, iso i sẹtin ye ẹtin obọ ẹre wẹ ne amẹ rhọ. Wẹ ọre ima mu ẹtin idaehọ mwa yan, e Nọyaẹnmwa Osanobua mwa rhunmwuda, wẹ ọrọre ọmwa ne ọ ru avbe emwi na hia.

Jerimaia 2:2

ne I ya ta ẹmwẹ na ma emwa hia ni rre Jerusalẹm. “I yerre wẹ ọmwa ne ọ mudia ẹse ọ re u wa gha khin vbe ẹghẹ ne u na ye kherhe. Vbene u gha ho ẹmwẹ mwẹ hẹ vbe ẹghẹ ne a na da rhie ruẹ rre. U lele mwẹ la ato, la otọ ne a ma he mu ẹre ugbo ẹdẹ.

Jerimaia 2:28

“Avbe ẹbọ ne uwa mu gbọ ne egbe uwa ghi vbo yi? Wa gha rre uwu ibaro, wa we ne iran do miẹn uwa fan adeghẹ iran gha sẹtin. E Juda, vbene avbe okpẹvbo uwa bun sẹ, erriọ ọ re avbe ẹbọ uwa vbe sẹ.

Jerimaia 2:36

Wa ye egbe uwa khian ekẹkẹ ẹbo vbekpa ne uwa na gha rrie ọghe ẹbọ ẹrrẹe. Igipt gha hiẹ uwa zẹ vbene Asiria vbe hiẹẹ uwa.

Jerimaia 3:1

E Nọyaẹnmwa khare wẹẹ, “Ọmwa gha khu amwẹ ọnrẹn nẹ, ọ na kpao sẹ ọe rae, ọ na ya rọnmwẹ okpia ọvbehe, okpia nii i ghi dọlegbe rhie ẹre ọvbehe. Emwi vberriọ gha si awua ye otọe sokpan, ẹ i re avbiẹ ọse wa he zẹlẹ, wa keghi vbe ho na ne uwa dọlegbe bu mwẹ gha dee.

Jerimaia 31:18

“I họn vbe ivbi Izrẹl ye akhiẹ tae wẹẹ, ‘E Nọyaẹnmwa, te ima te yevbe aranmwẹ ne a ma rri sokpan, wẹ keghi ma iran re ne a gha họn ẹmwẹ. Viọ ima werriegbe rre, ma mu egbe ne a ya bu ruẹ gha dee, e Nọyaẹnmwa ne Osanobua mwa.

Jerimaia 31:32

Ẹ i ra gha ye vbe ile nẹdẹ ne I gu avbe erha iran odede ta, ẹghẹ ne I na rhie iran obọ, I na viọ iran ke otọ Igipt ladian. A gha rhe miẹn wẹ te I yevbe ọdọ ne iran, iran ma ru vbene ile ni khare.

Jerimaia 44:17

Emwi ne ima khare ighe ma ra ru hia ọ re ima ra ru. Ma gha zọ ese ghe avbe ẹbọ nokhuo ọghe ima ighe Ọba okhuo ne Ẹrinmwi, ma gha vbe gha sa ayọn ye otọ ne ẹẹn, zẹ vbene ima kevbe avbe erha mwa odede, avbe ọba ima kevbe avbe ọkaolotu ima ka ru ẹe dee yi vbe avbe ẹvbo e Juda, kevbe vbe adesẹ idunmwu ni rre Jerusalẹm. Vbe ẹghẹ nii, evbare keghi maa ne ima ọghe ọkpọkua, te agbọn wa gha maa ima ẹghẹ nii, ma ma vbe gha mwẹ ọlọghọmwa.

Ezikiẹl 16:18

U viọ ukpọn ne a munọ ona lele ne I viọ ne uẹn, u keghi yọ avbe amazẹ ni re. Ofigbọn oliv kevbe eturari ne I viọ ne uẹn, u kegha ya iran mu ohan gie iran.

Ezikiẹl 16:8

“I ghi vbe dọlegbe gberra, I keghi miẹn wẹ ẹghẹ sẹ nẹ ne ẹmwẹ okpia gha ya gha rre uẹ aro. I keghi ya ẹwu mwẹ gue egbe ruẹ ne u bannọ yotọ, I keghi yan ma ruẹn ighe I gha ho ẹmwẹ ruẹn. Vbe ẹmwata, I keghi guẹ rhie obọ ye ebe wẹ I gha rhie ruẹ rọnmwẹ, wẹ na ghi do gha re ọghomwẹ.” Erriọ ọre Osanobua ne Udazi khare.

Ezikiẹl 20:32

Wa tae mu olọ yan rẹn nẹ wẹ te uwa ra gha yevbe avbe ẹvbo nekpa, zẹvbe emwa ni rre ẹvbo ọvbehe, iran ni gho erhan kevbe okuta. Sokpan, ọnii i gba hiehiere.

Ezikiẹl 23:12

Rẹn kevbe gha rriarria lele iran ne avbe abiẹyuwa ni rre Asiria kevbe avbe ivbiyokuo ni yọ ẹwu ne mose mose kevbe ivbiyokuo ni hin ẹsin, iran hia ni wa re igbama ne lọgiọlọgiọ.

Ezikiẹl 23:22

“Rhunmwudọnii nian, Oholiba, vbenian ọ re imẹ ne Nọyaẹnmwa ne Udazi tama ruẹn. Ẹgbẹ avbe ọse ruẹ nii wọọ ruẹ nẹ, sokpan, I gha ru ẹe wẹ ne ohu ruẹ gha mu iran, ne iran vbe rre do dolẹga ruẹ.

Ezikiẹl 23:4

A tie nọdiọn ne ọ rrọ Ohola (Ọna ọ re ọ mudia ye ihe Sameria) a kegha tie ne kherhe ne ọ rrọọ, Oholiba, (Ọna ọre ọ mudia ye ihe Jerusalẹm.) I viọ iran eveva rọnmwẹ, iran keghi vbe biẹlẹ mẹ.

Daniẹl 4:17

Vbene ọ khare ọnii khin ighe odibosa ne aro ẹre gba emwi hia nii. Rhunmwuda ọnii, wa gie emwa hia rẹn vbe ehe hia wẹ Osanobua ne ọ Sẹehia mwẹ ẹtin vbe uhunmwu avbe arriọba emwa nagbọn, kevbe wẹ ọ sẹtin munọ iran ne ọmwa ne ọ rhirhi khọn rẹn, uhin ya sẹ egbe ọmwa ne ẹ i mwẹ asa ne ọ gu agbọn ye.’ ”

Daniẹl 4:25

A gha khu uwẹ fua hin uwu ẹbu emwa nagbọn rre, u gha ya deba avbe aranmwẹ oha gha rrọọ. U gha rri irunmwu zẹ vbe ẹmila la ukpo ihinrọn, u ghi gha vbiẹ adesẹ ore ehe ne evbu gha na gha tuo yan ruẹn. Ẹghẹ nii, u ghi do miẹnkue wẹ Osanobua ne ọ Sẹehia ọ re ọ khaemwisẹ yan arriọba agbọn na hia kevbe wẹ ọ sẹtin munọ iran ne ọmwa ne ọ rhirhi khọn rẹn.

Daniẹl 4:32

A gha khu uẹ hin ẹbu emwa nagbọn rre, ya gha deba avbe aranmwẹ oha khian, gha rri irunmwu zẹ vbe ẹmila vbe ukpo ihinrọn. Ẹghẹ nii u gha miẹn kue ighe Osanobua ne ọ Sẹehia mwẹ ẹtin vbe uhunmwu avbe arriọba otọ agbọn, kevbe wẹ ọ sẹtin munọ iran ne ọmwaikọmwa ne ọ khọn rẹn.”

Daniẹl 5:21

A khu ẹe ẹe fua hin uwu ẹbu emwa nagbọn rre, ekhọe ẹre keghi do gha yevbe ọghe aranmwẹ oha. Rẹn vbe avbe emẹ ọ re ọ ghi gba gha rre oha, ọ kegha rrii irunmwu zẹ vbe ẹmila, ọ keghi gha vbiẹ uwu oha vbene emwi rhọkpa i na vbe degue ẹre egbe ne evbu ghẹ rhọ yan rẹn. Vbe okiekie ọ keghi miẹn kue wẹ Osanobua ne ọ Sẹehia khaemwisẹ yan arriọba hia, ọ ghi vbe gha munọ iran ne emwa ne ọ khọn rẹn.

Hozia 1:2

Ẹghẹ ne Nọyaẹnmwa na gie Hozia uhunmwu gie ivbi Izrẹl vbe okaro, ọ tama Hozia wẹẹ, “Ya rhie okhuo; amwọn gha wa gha ghẹẹ, te emọ ne u ra biẹlẹ ra wa vbe yevbe irẹn. Erriọ wa vbe nọ, emwa mwẹ sẹ mwẹ rae, iran ma ghi guobọ mwẹ.”

Hozia 13:6

Sokpan, wa ghi la otọe esi nii nẹ, ẹko keghi vuọn uwu, ọ keghi vbe sẹ uwa ọkẹn, wa keghi do gha hio, wa na mianmian mwẹ.

Hozia 14:1

Wa werriegbe bu e Nọyaẹnmwa ne Osanobua uwa gha dee, wa ne ivbi Izrẹl. Orukhọ uwa gie uwa rrua owẹ nẹ, wa keghi vbe dele.

Hozia 2:16

Ẹghẹ nii ọ ghi dọlegbe gha tie mwẹ ọdọ ẹre, ẹ i ghi ra tie mwẹ e Baal ọghọe ọvbehe.

Hozia 5:13

“Izrẹl ghi miẹn vbene obọ emianmwẹ da irẹn hẹ, e Juda ghi miẹn ẹwẹn ne egbe ẹre, Izrẹl keghi gha rrie Asiria ne ọ ya nọ iyobọ vbe obọ ọgbaisi nọkhua, sokpan, ọ ma sẹtin sinmwi iran, ra ne ọ kpe ẹwẹn iran rrie.

Hozia 5:15

“I gha he emwa mwẹ yotọ a te do miẹn wẹ iran rri oya ye orukhọ iran sẹ nẹ, kevbe wẹ te iran ghi vbe gualọ mwẹ. Ogha kẹe, usẹ gha sẹ iran nẹ, iran gha gualọ mwẹ rre.”