Hozia 2:4 - Edo Bible (E Baibol Ẹdo) Version 1996

^4-5 Mẹ i ra tohan ivbi ẹre. Ivbi ebabotu ne awa lalọ ẹre aro ọ re iran khin. Rẹn tobọ ẹre khare wẹẹ, “I ra bu avbe ọse ne I zẹlẹe, iran ọ re ọ ya mẹ re, iran ọ re ọ ya mẹ da, iran ọre ọ viọ eto ohuan kevbe ukpọn eto ovbiohuẹ mẹ, ofigbọn oliv kevbe ayọn.”

Hozia 2:4 Iomraidhean Croise

II Ọba 9:22

E Joram keghi nọ rẹn wẹẹ, “Deghẹ okhian maa?” E Jehu keghi wanniẹn wẹẹ, “Vbe ọ ghi ragha maa hẹ vbe avbe azẹn kevbe ẹbọ ne a ga ne iye uẹ ya rre hia ye rre evba.”

Aizaia 27:11

Abọ avbe erhan luẹluẹe, ehia vbe bunnọ kua. Te ikhuo ghi ho iran ya koko. Rhunmwuda wẹ, avbe emwa ni ma rẹn otọ emwirhọkpa, Osanobua ne Ayi ne ọ yi iran i ra tohan iran, ra ne ọ vbe mwẹ ekhọe agiẹngiẹn ghe iran.

Aizaia 50:1

E Nọyaẹnmwa khare wẹẹ, “Te uwa ro ra ighẹ te imẹ khulo emwa mwẹ kua zẹ vbene okpia khu amwẹ ọnrẹn fua ra? Ebe aheyotọ ne a ghi gbẹn ne ẹẹn vbo khekherriọ? Te uwa ro ighẹ te I khiẹnnẹ wa gha rrie iwe ra zẹ vbe ọmwa ne ọ khiẹnnẹ ivbi ẹre eviẹn? Ẹn o, iran viọ uwa oghunmwu gha rrie rhunmwuda orukhọ uwa. Te a khulo uwa ladian rhunmwuda emwi dan ne uwa ru.

Aizaia 57:3

Wa larre ne a do bu ohiẹn uwa, wa ne emwa orukhọ. Wa ma maa sẹẹ avbe oso, iran ni ghẹẹ kevbe avbe ebabotu.

Jerimaia 13:14

Iyekọnii, I ghi khuarha iran kugbe zẹ vbe uru, ke ibiẹka kevbe eniwanrẹn, itohan, ẹnina ra agiẹngiẹn ọmwa irrọ ne ọ gha da mwẹ obọ yi wẹ ne I ghẹ gbele iran an.”

Jerimaia 16:5

“Ghẹ la owa ne a na khiẹ. Ghẹ vbe khiẹ ọmwarhọkpa. I i ghi gie egbe rọkhọ emwa mwẹ ọvbehe ra ne I ye ho ẹmwẹ iran ra ne I fiangbe iran.

Ezikiẹl 23:25

Rhunmwuda ighe ohu ruẹ mu mwẹ nẹ, I gha gie iran ya ohu ru uẹ emwi. Iran gha giagia ihue ruẹ kevbe ehọ ruẹ kua, iran ghi vbe gbele avbe ivbi uẹ ua. Ẹn, iran gha miẹn ruẹn emọ ikpia kevbe emọ ikhuo, iran ghi sirra a gien iran an, ke iran kevbe ẹmwẹ ne unu.

Ezikiẹl 8:18

Obọ ohu mwẹ gha vba iran. I i ra sẹ iran rae, a ma wẹ ne I tohan iran. Iran gha go gboo gha na erhunmwu ghe mwẹ, sokpan I i zẹ ye iran ẹre.”

Ezikiẹl 9:10

Sokpan mẹ i ra tohan iran hiehiere. I gha ru iran vbene iran ru emwa ọvbehe.”

Hozia 1:2

Ẹghẹ ne Nọyaẹnmwa na gie Hozia uhunmwu gie ivbi Izrẹl vbe okaro, ọ tama Hozia wẹẹ, “Ya rhie okhuo; amwọn gha wa gha ghẹẹ, te emọ ne u ra biẹlẹ ra wa vbe yevbe irẹn. Erriọ wa vbe nọ, emwa mwẹ sẹ mwẹ rae, iran ma ghi guobọ mwẹ.”

Hozia 1:6

E Goma keghi vbe biẹ ovbi ẹre ne ukpogieva, okhuo ọre ọna gha khin. E Nọyaẹnmwa keghi tama e Hozia wẹẹ, “He ẹre ‘Loruhama,’ ọnii nọ wẹ Ne ama ho ẹmwẹ ọnrẹn, rhunmwuda, mẹ i ghi ra dọlegbe ho ẹmwẹ ivbi Izrẹl ra ne I ya orukhọ bọ iran.

Hozia 5:7

Iran ma guobọ e Nọyaẹnmwa. Ivbi iran i re ọghe ọe. Rhunmwuda ọnii nian, a gha fuẹn iran kevbe otọe iran an ban.

Zẹkaraia 1:12

Ẹre odibosa nii na kha wẹẹ, “E Nọyaẹnmwa ne Oghodua, wẹ mu ohu e Jerusalẹm nẹ kevbe avbe okpẹvbo e Juda la ukpo ekigbesiyenẹ nian. Vbe ọ gha ghi kpẹe sẹ hẹ u te do mwẹ itohan?”

Iyẹn ne ọ Maan Ọghe Jọn 8:41

Emwi ne erha uwa ru ọre uwa vbe ru.” Iran wanniẹn wẹ, “Osanobua tobọ ẹre ọrọre erha mwa. Ivbi ẹre ma wa khin taa ra.”

Ebe ne Pọl gbẹẹn gie emwa Rom 11:22

Emwa na ọre ima na rẹn vbene Osanobua fu hẹẹ kevbe vbene ọ vbe khọ hẹẹ, ọ keghi khọ mu iran ni dele, ọ keghi fu ne uwa a deghẹ uwa gba ọghọ ufumwẹ ọnrẹn ginna egbe, sokpan deghẹ wa ma ru vberriọ, a gha vbe giagia uwa kua.

Ebe ne Pọl gbẹẹn gie emwa Rom 9:18

Ọnii rhie maa khekherriọ wẹẹ, ọmwa ne ọ khọn Osanobua ọre ọ tohan rẹn, ọ ghi vbe ya ne ọ khọn rẹn ze vbe ẹkoko udu.

Jems 2:13

Rhunmwuda, ọmwa ne ọ ma mwẹ itohan, Osanobua i ra tohan rẹn vbe ọ a gha bu ohiẹn, sokpan itohan ọre ọ khọnmiotọ ibuohiẹn.