Hozia 2:23 - Edo Bible (E Baibol Ẹdo) Version 1996

²³ I gha gbe emwa ẹkun sotọ vbe otọe nii, I ghi vbe gie agbọn maa iran, I gha ho ẹmwẹ emwa ne a te tie ẹre “Na ma ho ẹmwẹ ọnrẹn,” iran ne a te tae da wẹẹ, “Iran-ire-emwa-mwẹ.” I ghi kha wẹẹ, “Emwa-mwẹ-wa-khin.” Iran ghi vbe wanniẹn wẹẹ, “Wẹ ọrọre Osanobua mwa.”

Hozia 2:23 Iomraidhean Croise

Psalm 118:28

Wẹ ọrọre Osanobua mwẹ mẹ vbe rhie ekpọnmwẹ ne uẹn, I gha na iyẹn ukpọlọmwẹ ruẹn.

Psalm 22:27

Agbọn ẹvbo hia gha ye Nọyaẹnmwa rre, iran gha ke igienenẹ agbọn, bu ẹre rre. Ivbi ẹvbo ughughan gha rho ẹre.

Psalm 68:31

Iran ne ukọ ẹvbo gha ke Igipt rre avbe ivbi e Sudan, gha tọn obọ mu na erhunmwu ghe Osanobua.

Psalm 72:16

Te evbare gha kpọ vbe otọe nii; te emwiokọ gha gha uhunmwu oke hia ne iran gha mọ zẹ vbe ọghe Lebanọn. Te emwa gha gba ore ẹvbo hia, zẹ vbe oha ne ọ vuọn ne irunmwu.

Ihuan Ne Ọ Sọọ Ihuan Hia 2:16

Mẹ ọ re ọ yan enida mwẹ rẹn ọ re ọ yan mwẹ ọ koko avbe ohuan rẹn vbe uwu iyokho ẹzẹ.

Aizaia 44:5

“Ọkpọkpa ọ re emwa ra ya gha kha wẹẹ, ‘ọghe Nọyaẹnmwa ọ re imẹ khin.’ Iran gha do ya egbe ba ivbi Izrẹl. Dọmwadẹ ọghọe gha yi ama e Nọyaẹnmwa ye obọ ẹre, ọ ghi vbe tie egbe ẹre okpa vbe uwu emwa Osanobua.”

Jerimaia 16:19

E Nọyaẹnmwa, wẹ ọrọre ọmwa ne ọ degue mwẹ kevbe ne ọ rhie ẹtin mẹ wẹ ọ re ọ yọmwẹ obọ vbe ọghe ibaro. Avbe uhunmwu ẹvbo gha ke ufomwẹ agbọn bu ruẹ rre do kha wẹẹ, “Avbe erha ima odede i mwẹ emwi rhọkpa gberra ẹbọ ohoghe, emwirhọkpa i rrọọ gberra amazẹ ne ẹ i mwẹ asa.

Jerimaia 31:27

“Nọyaẹnmwa ọ re ọ tae wẹ ẹdẹ dee ne I gha ye emwa nagbọn kevbe aranmwẹ vuọn otọ Izrẹl kevbe Juda.

Jerimaia 32:38

Ẹghẹ nii, iran ghi gha re emwa mwẹ, mẹ ghi vbe gha re Osanobua iran.

Jerimaia 33:26

Zẹ vbene I wa vbe ru ena gbangbaangban, erriọ I ra ye obọ mu ile ne I gu ivbi uniẹn e Devid taa. I gha zẹ ovbi uniẹn e Devid ọkpa, ne ọ gha khaemwisẹ yan ivbi uniẹn Ebraham, Aizik kevbe Jekọb. I gha tohan emwa mwẹ, I ghi vbe ru ẹe ne agbọn dọlegbe maa iran.”

Ezikiẹl 36:29

I gha miẹn uwa fan hin obọ emwi hia ne ọ mu awua ye uwa egbe rre. I gha tama avbe ọka ne ọ gha bun yọ ne ukhunmwu ghẹ ghi fi vbe ehe ne uwa ye ọvbehe.

Hozia 1:6

E Goma keghi vbe biẹ ovbi ẹre ne ukpogieva, okhuo ọre ọna gha khin. E Nọyaẹnmwa keghi tama e Hozia wẹẹ, “He ẹre ‘Loruhama,’ ọnii nọ wẹ Ne ama ho ẹmwẹ ọnrẹn, rhunmwuda, mẹ i ghi ra dọlegbe ho ẹmwẹ ivbi Izrẹl ra ne I ya orukhọ bọ iran.

Hozia 8:2

A gha rhe miẹn wẹ iran tie mwẹ Osanobua iran, iran khare ighe emwa mwẹ ọre iran khin, kevbe wẹ iran rẹn mwẹ,

Zẹkaraia 10:9

A gha rhe miẹn wẹ te I zagha iran gba uhunmwu ẹvbo hia, sevba iran gha ye mwẹ rre vbe otọe urria nii, ke iran kevbe ivbi iran gha miẹn uhunmwu iran ghi gba gha die owa.

Zẹkaraia 13:9

Mẹ gha danmwẹ obọkpa vbe uwu eha ni miẹn uhunmwu vbọ ghe. I ghi vbe kpe iran huan, vbene a kpe esiliva huan vbe erhẹn. I gha danmwẹ iran ghe vbene a danmwẹ igoru ghe. Ẹghẹ nii, iran gha na erhunmwu iran. I gha tama wẹ emwa mwẹ ọ re iran khin, iran ghi vbe miẹn kue wẹ mẹ ọrọre Osanobua iran.”

Zẹkaraia 14:16

Ẹghẹ nii, avbe emwa ni ghi miẹn uhunmwu vbe ẹvbo nii hia ni gu e Jerusalẹm khọn, ghi gha yo evba ukpukpo ne iran ya gha ga e Nọyaẹnmwa ne Oghodua zẹ vbe ọba kevbe ne iran ya ru emwiukpo Igbagọ.

Zẹkaraia 14:9

Ẹghẹ nii e Nọyaẹnmwa ghi gha re ọba yan otọ agbọn hia, emwa hia gha ga ẹe zẹ vbe Osanobua, iran ghi vbe gha ya eni ọkpa tie ẹre.

Zẹkaraia 2:11

Ọ gha sẹ ẹghẹ nii, uhunmwu ẹvbo nibun gha bu e Nọyaẹnmwa rre iran ghi khian emwa rẹn. Rẹn gha yin ehe ne uwa ye, wa gha vbe rẹn wẹ rẹn ọ re ọ gie mwẹ bu uwa gha dee.

Malakai 1:11

Ke ehe ne agbọn sẹe vbe obọ na ya sẹ ehe ne ọ sẹe vbe obọ nọkpa, te emwa hia ya ọghọ mẹ. Ehe hia iran na giẹn eturari mẹ, iran ghi vbe gha zọ ese ne ọ gia rhan obọ miẹn. Te iran hia wa rhie ọghọ mẹ.

Ebe ne Pọl gbẹẹn gie emwa Rom 3:29

Ra ne ne Osanobua, Osanobua ọ ghe avbe Ju ọkpa nọ ra? Ẹ i re rẹn ọre ọ vbe re Osanobua avbe iran ne ẹ i re Ju ra? Ẹsẹse, rẹn vbe nọ.

Jems 1:1

E Jems ne ọguọmwadia Osanobua, kevbe ọghe Nọyaẹnmwa Jesu Kristi; ọre ọ gbẹn ebe na rre. I tuẹ emwa Osanobua hia ni tagha gba uhunmwu otọ agbọn hia.