Hozia 2:2 - Edo Bible (E Baibol Ẹdo) Version 1996

² Wa ne ivbi mwẹ, wa gu iye uwa guan, a gha rhe miẹn wẹ, ẹ i ghi re ọvbokhan mwẹ, kevbe wẹ, mẹ i ghi vbe re ọdọ ẹre. Wa tama rẹn ne ọ dobọ ọghe kevbe ebabotu ne ọ gbe yi.

Hozia 2:2 Iomraidhean Croise

Aizaia 11:12

E Nọyaẹnmwa gha tọn afiala ama mu ne ọ ya rhie ma avbe uhunmwu ẹvbo wẹẹ te irẹn ra dọlegbe si iran koko ighe avbe ivbi Izrẹl kevbe Juda, kevbe wẹ te irẹn viọ iran ke igienenẹ otọ agbọn dee.

Aizaia 50:1

E Nọyaẹnmwa khare wẹẹ, “Te uwa ro ra ighẹ te imẹ khulo emwa mwẹ kua zẹ vbene okpia khu amwẹ ọnrẹn fua ra? Ebe aheyotọ ne a ghi gbẹn ne ẹẹn vbo khekherriọ? Te uwa ro ighẹ te I khiẹnnẹ wa gha rrie iwe ra zẹ vbe ọmwa ne ọ khiẹnnẹ ivbi ẹre eviẹn? Ẹn o, iran viọ uwa oghunmwu gha rrie rhunmwuda orukhọ uwa. Te a khulo uwa ladian rhunmwuda emwi dan ne uwa ru.

Aizaia 58:1

E Nọyaẹnmwa khare wẹẹ, “Kakabọ go vbene ẹtin ruẹn sẹe! Tama Izrẹl ne emwa mwẹ, vbene orukhọ iran ye hẹ.

Jerimaia 19:3

E Nọyaẹnmwa keghi tama mwẹ wẹ ne I kha wẹẹ, “Avbe ọba e Juda, kevbe ivbi e Jerusalẹm, wa danmwehọ ẹmwẹ ne Nọyaẹnmwa ne Oghodua ne Osanobua Izrẹl ra ta. I ra gie egbe ọkhọ okpa do sunu vbe emwa na, wẹ izegbe gha zẹ dọmwadẹ ọmwa ne ọ rhirhi a họn ẹẹn.

Jerimaia 2:2

ne I ya ta ẹmwẹ na ma emwa hia ni rre Jerusalẹm. “I yerre wẹ ọmwa ne ọ mudia ẹse ọ re u wa gha khin vbe ẹghẹ ne u na ye kherhe. Vbene u gha ho ẹmwẹ mwẹ hẹ vbe ẹghẹ ne a na da rhie ruẹ rre. U lele mwẹ la ato, la otọ ne a ma he mu ẹre ugbo ẹdẹ.

Jerimaia 3:1

E Nọyaẹnmwa khare wẹẹ, “Ọmwa gha khu amwẹ ọnrẹn nẹ, ọ na kpao sẹ ọe rae, ọ na ya rọnmwẹ okpia ọvbehe, okpia nii i ghi dọlegbe rhie ẹre ọvbehe. Emwi vberriọ gha si awua ye otọe sokpan, ẹ i re avbiẹ ọse wa he zẹlẹ, wa keghi vbe ho na ne uwa dọlegbe bu mwẹ gha dee.

Jerimaia 3:13

Sokpan, u ghi miẹnkue wẹ, wa rriabe kevbe wẹ wa sẹmwẹ e Nọyaẹnmwa ne Osanobua uwa. Miẹnkue wẹ u rhie aho ruẹ ne avbe ẹbọ ẹrrẹe vbe ototọ erhan ni mwẹ ebe ni bii hia kevbe wẹ u ma ya ẹmwẹ mwẹ ru emwi. Mẹ ne Nọyaẹnmwa ọ re ọ tae.

Jerimaia 3:18

Izrẹl gha deba e Juda, iran ghi gba ke iwe gha dee, ke ẹvbo ne ọ rre odẹ okuọ nii gha dee, iran ghi gha die ẹvbo ne I mu ne avbe erha uwa odede ne ọ gha re ọghe iran ẹdẹdẹmwẹdẹ.”

Ezikiẹl 16:20

“Iyeke ọnii, u keghi viọ emọ ikpia kevbe emọ ikhuo ne u biẹlẹ mẹ, u na ya iran zọ ese ne ẹbọ. Adeghẹ te u ma ga mwẹ,

Ezikiẹl 16:25

U ya ose ruẹ kpolo ọrho, te uwa gha kue ne emwa hia ni rre, edẹgbedẹgbe ọ re u ya gha guẹ iwinna igberagia yọ.

Ezikiẹl 20:4

“Ovbi ọmwa, wẹ mu egbe ne u gha ya bu ohiẹn iran ra? U ghi ru vberriọ khekherriọ. Ye iran avbe emwi osọnnọ ne avbe erha iran ru rre.

Ezikiẹl 23:43

Mẹ keghi vbe tama egbe mwẹ wẹ, okhuo ne ọghe mu rhia nẹ ọ re iran ya ru ebabotu na.

Ezikiẹl 23:45

Emwa ẹmwata gha bu abe ghe iran wẹ iran ghẹre, iran vbe de izigha, rhunmwuda, iran wa gha ghẹ, esagiẹn vbe la iran obọ.”

Hozia 1:2

Ẹghẹ ne Nọyaẹnmwa na gie Hozia uhunmwu gie ivbi Izrẹl vbe okaro, ọ tama Hozia wẹẹ, “Ya rhie okhuo; amwọn gha wa gha ghẹẹ, te emọ ne u ra biẹlẹ ra wa vbe yevbe irẹn. Erriọ wa vbe nọ, emwa mwẹ sẹ mwẹ rae, iran ma ghi guobọ mwẹ.”

Hozia 2:1

Rhunmwuda ọnii, tie ivbi Izrẹl ne ihua “Ivbi Osanobua” kevbe “Ne Nọyaẹnmwa ho ẹmwẹ ọnrẹn.”

Hozia 4:5

Asọn kevbe avan ọ re uwa ya yin uyinmwẹ akpa, avbe akhasẹ ma vbe maa sẹ uwa. I ra do fuẹn ọnrẹn uan ighe Izrẹl ne iye uwa.

Maika 2:13

Osanobua gha kie urho ne iran, ọ ghi viọ iran ke iwe ladian. Iran sanmwẹ la onurho ẹvbo nii, iran ghi khian Nọyan egbe iran. Ọba iran, e Nọyaẹnmwa tobọ ẹre, gha su iran ladian.

II Kọrinti 5:16

Rhunmwuda ọnii, ẹ i re obọ ne agbọn mu la, ma ghi ya bu ohiẹn ọmwa rhọkpa. A deghẹ te a kue miẹn wẹ, ẹghẹ ọkpa rrọọ ne ima na gha ye aro vbe ne agbọn roro ghe Jesu, ma i ghi ru vberriọ nian.