Hozia 2:18 - Edo Bible (E Baibol Ẹdo) Version 1996

¹⁸ Ogha sẹ ẹghẹ nii, mẹ gha gu avbe aranmwoha hia kevbe avbe ahianmwẹ ta ẹe kugbe, ne iran ghẹ kuan emwa mwẹ ọvbehe. I gha vbe viọ emwi igbinna okuo hia hin otọe nii rre, umozo kevbe uhanbọ hia I ghi gie emwa mwẹ gha rrọọ vbe ọfumwegbe kevbe ne a i na mwẹ ẹbe.

Hozia 2:18 Iomraidhean Croise

Job 5:22

U gha ye ohanmwẹ kevbe piankhanrhan gbe ogie afianma aranmwẹ akọn i ra vbe fian an.

Job 5:23

A i ra miẹn okuta vbe oha ne u na mu ugbo, aranmwẹ akọn i ra vbe guẹ gbinna.

Psalm 148:10

Aranmwẹ hia, ne a rri kevbe ọghe oha, aranmwẹ ni i zọ eto kevbe ahianmwẹ.

Psalm 23:2

Ọ mu mwẹ lovbiẹ vbe oha ne ọ furre, ọ rhie mwẹ gha rriẹ ẹzẹ ne ọ furre khuẹrhẹ.

Psalm 46:9

Ọ dobọ okuo yi vbe uhunmwu otọ agbọn hia ọ bunnọ avbe uhanbọ ọ vbiolo avbe asoro ọ keghi vbe giẹn avbe asa a vbe erhẹn.

Aizaia 2:11

Ẹdẹ dee ne a gha dobọ itengbemu ọmwa nagbọn yi, a ghi vbe fuẹn uhiomwẹ ọmwa nagbọn uan. Ẹghẹ nii, a ghi do tọn e Nọyaẹnmwa mu.

Aizaia 2:17

A gha dobọ uhiomwẹ emwa nagbọn yi, a gha fuẹn itengbemu emwa nagbọn ruan. A gha ho avbe amazẹ bẹkun fẹẹrẹ. E Nọyaẹnmwa ọkpa ọ re a ra gha go wan ẹdẹ ne ẹdọ.

Aizaia 2:4

Ọ gha dọlọ avbe uhunmwu ẹvbo nekhua kugbe. Iran gha ya umozo iran dunmwu emwi ne ọ yevbe ẹguẹ kevbe asoro iran, iran gha ya dunmwu ikhu. Avbe uhunmwu ẹvbo ighi khọn okuo ọvbehe iran ighi mu egbe okuo ọvbehe.

Aizaia 26:1

Ẹdẹ dee ne emwa gha so ihuan na vbe otọ e Juda: Ẹvbo mwa wegbe. Osanobua tobọ ẹre ọre ọ wan ga ekẹn ọnrẹn.

Aizaia 32:18

Emwa Osanobua gha fe vbe obọ ukpokpo, owa iran ghi gha re ne ọfumwegbe ye kevbe ne ẹ i mwẹ ẹbe.

Aizaia 54:5

Te Ayi ne ọ yii uẹ ra yevbe ọdafọn ọn, e Nọyaẹnmwa ne Oghodua ọre a tie ẹre. Osanobua nọhuanrẹn ọghe Izrẹl gha miẹn ruẹn fan, rẹn ọ re ọ khaemwisẹ yan otọ agbọn hia.

Aizaia 65:25

Avbe akpakomiza kevbe ivbi ohuan gha gba gha rri evbare kugbe, avbe oduma ghi gha rri irunmwu zẹvbe ẹmila, avbe ẹyẹn i ra gha re emwi ikuaengbe ọvbehe. Emwi ọkpa ne ọre ọghe ọkhọ ra emwi dan, a i ghi ra miẹn ọẹn Vbe Zaiọn ne oke nọhuanrẹn mwẹ.”

Jerimaia 23:6

Ẹghẹ ne ọ gha ya vbe ọba, ivbi e Juda gha rrọọ vbe a i mwẹ ẹbe, ivbi Izrẹl ghi vbe gha rrọọ vbe ọfumwegbe, a gha vbe gha tie ẹre, ‘E Nọyaẹnmwa ne Imiẹnfan Mwa.’

Jerimaia 30:10

“Wa ghẹ gie ohan mu uwa, wa ne emwa mwẹ wa ne ivbi Izrẹl, wa ghẹ fian afianma I gha dẹ uwa werriegbe ke odẹ ne ọ rrei ni rre, ke otọ ne uwa na re oghunmwu rre wa gha rri owa, wa ghi gha rre ọfumwegbe ẹkun gha sẹ uwa otọ, ọmwa rhọkpa ne ọ gha runran uwa i rrọọ.

Jerimaia 33:16

A gha fan ivbi e Juda kevbe Jerusalẹm vbe irri, iran ghi gha rrọọ vbe a i mwẹ ẹbe. A gha gha tie ẹvbo ni ‘E Nọyaẹnmwa ne Ọmiọnmwafan mwa.’

Ezikiẹl 34:25

“I gha gu iran ta ile ne ọ gha rhie maa wẹ ẹkun gha sẹ iran otọ. I gha wabọ avbe aranmwẹ akọn dan hin otọe nii rre, ne avbe ohuan mwẹ sẹtin gha rrọọ vbe ne a i na mwẹ ẹbe vbe oha kevbe uwu ẹgbo.

Ezikiẹl 39:1

E Nọyaẹnmwa ne Udazi khare wẹẹ, “Ovbi ọmwa, ta ku a Gọg ne uhunmwu uta ne ọ khaemwisẹ yan ẹvbo avbe Mẹsiẹk kevbe Tubal, ne u tama rẹn wẹ oghian rẹn ọre I khin.

Zẹkaraia 14:4

Ọ gha sẹ ẹghẹ nii, ọ gha mudia ye Oke Ọliv ne ọ rre odẹ ahọ ọghe Jerusalẹm, ẹghẹ nii iya nọkhua ghi gia Oke Ọliv ye ihe eva ke odẹ ahọ ya sẹ orrie. Ukhiọnmwẹ ọkpa vbọ ghi laghe odẹ okuọ, ukhiọnmwẹ nọkpa ghi laghe odẹ ekẹn.

Zẹkaraia 14:9

Ẹghẹ nii e Nọyaẹnmwa ghi gha re ọba yan otọ agbọn hia, emwa hia gha ga ẹe zẹ vbe Osanobua, iran ghi vbe gha ya eni ọkpa tie ẹre.

Zẹkaraia 2:11

Ọ gha sẹ ẹghẹ nii, uhunmwu ẹvbo nibun gha bu e Nọyaẹnmwa rre iran ghi khian emwa rẹn. Rẹn gha yin ehe ne uwa ye, wa gha vbe rẹn wẹ rẹn ọ re ọ gie mwẹ bu uwa gha dee.

Zẹkaraia 3:10

Ọ gha sẹ ẹdẹ ne a kha na, dọmwadẹ ọghọe vbe uwu uwa gha gie na tie emwa ẹdogbo ẹre ne ọ do gu ẹe ghae vbe oghọghọ ọfumwegbe kevbe ẹkun ne ọ sẹ otọ, vbe ehe ne ọ na ye ogba azara kevbe erhan ohọ gba ogba ga egbe.”

Zẹkaraia 9:10

E Nọyaẹnmwa khare wẹẹ, “I gha viọ avbe ikẹkẹ okuo hin otọe Izrẹl rre. I ghi viọ avbe ẹsin hin e Jerusalẹm rre; avbe uhanbọ ne a lo vbe okuo, a gha bunnọ ehia a. Ọba ruẹ gha ru adọlọ ọfumwegbe ye ẹbu avbe uhunmwu ẹvbo; ọ gha khaemwisẹ ke okun ya sẹ okun ke Ẹzẹ Yufretes kpao yasẹ ehe ne agbọn sẹe.”