Hozia 2:16 - Edo Bible (E Baibol Ẹdo) Version 1996

¹⁶ Ẹghẹ nii ọ ghi dọlegbe gha tie mwẹ ọdọ ẹre, ẹ i ghi ra tie mwẹ e Baal ọghọe ọvbehe.

Hozia 2:16 Iomraidhean Croise

Gẹnẹsis 34:3

Sokpan ẹmwẹ ọmọ okhuo na keghi yẹ ọre, rhunmwuda ose ẹre, ọ keghi suẹn gha ho ne ọ wa rhie ẹre rọnmwẹ.

Aizaia 40:2

Wa rhie igiọdu ne ivbi e Jerusalẹm wa khama iran ighẹ iran rrii oya kpee sẹ nẹ, ighẹ a ya orukhọ iran bọọ iran nẹ nian. I rrii iran oya sọkẹn ye orukhọ iran hia nẹ.”

Aizaia 54:5

Te Ayi ne ọ yii uẹ ra yevbe ọdafọn ọn, e Nọyaẹnmwa ne Oghodua ọre a tie ẹre. Osanobua nọhuanrẹn ọghe Izrẹl gha miẹn ruẹn fan, rẹn ọ re ọ khaemwisẹ yan otọ agbọn hia.

Jerimaia 3:14

“Wa ne emwa ne ai gha ekhọe ẹre, wa werriegbe rre, ọghomwẹ ọ re uwa khin, I gha rhie ọkpọkpa vbe uwu uwa ke dọmwadẹ okpẹvbo ladian, kevbe eveva ke dọmwadẹ ẹwae rre, I ghi viọ uwa werriegbe gha die Oke Zaiọn.

Ezikiẹl 20:35

I gha viọ uwa gha dee ‘Ato agbọn ẹvbo Nibun,’ evba nii ọ re I gha na ta ku uwa.

Hozia 2:7

Ọ gha rhie ulẹ lele avbe esiọre, sokpan ẹ i ra vba iran. Ọ gha gualọ iran, sokpan ẹ i ra miẹn iran. Ẹghẹ nii, ọ ghi kha wẹẹ, “I ra do bu ọdọ mwẹ ne I ka rọnmwẹ. Ẹghẹ nii ọre agbọn na ma mwẹ sẹ ne I ghi ye na.”

Iyẹn ne ọ Maan Ọghe Jọn 3:29

Ọdafẹn ọha ọre ọ yan ovbiọha. Ọse ọdafẹn ọha ghi mudia gha danmwehọ, ẹko ghi gha rhiẹnrhiẹn ọẹn vbe ọ gha họn urhu ọdafẹn ọha. Erriọ zẹẹ ọre a ya ye ọyẹnmwẹ ne ọ sẹmwẹ khian ne ọ gbae.

II Kọrinti 11:2

Ẹmwẹ uwa ọre ọ da mwẹ zẹ vbene ẹmwẹ uwa vbe da Osanobua, rhunmwuda te uwa ye vbe uvbi ne ọ ma he sakan ne imẹ ya ne okpia ọkpa kẹkan, ọnii nọ wẹ Kristi tobọ ẹre.

Arhie Maan 19:7

Wa gie ima gha ku, ne a gha ghọghọ, wa gie ima rho ukpọlọmwẹ ọnrẹn! Rhunmwuda ẹghẹ sẹ nẹ ne a ra na do ugie orọnmwẹ ọghe Oteghe Ohuan nii, ovbiọha vbe mu egbe ẹre ye otọ nẹ.

Giọgis 19:3

Ẹre okpia nii na wẹ rẹn gha ya gualọ ẹe ne irẹn rherhe ọe ne ọ gha die owa. Ọ keghi rhie ọguọmwadia ẹre kevbe ekẹtẹkẹtẹ eva ba egbe. Okhuo nii keghi miẹn rẹn yi vbe owa erha ẹe. Ugbẹn vbe erha okhuo nii ghi miẹn ọẹn, ọ keghi ya oghọghọ gbe ọbokhian ne ẹẹn.

Ebe Rut 2:13

E Rut keghi wanniẹn wẹẹ, “Enọwanrẹn, u kakabọ tohan mwẹ. Vbene u vbe gun mwẹ guan khuẹrhẹ, wa vbe rhie igiẹdu mẹ, mẹ ne ọguọmwadia ruẹ, a gha rhe miẹn wẹ I ma vba ọkpa vbe uwu avbe eguọmwadia ruẹ.”