Hozia 2:15 - Edo Bible (E Baibol Ẹdo) Version 1996

¹⁵ I gha mu ogba azara ne ọ kagha mwẹ dọlegbe nẹẹn, I ghi ya Iya orueghe khian Onurho idaehọ ne ẹẹn. Ọ gha zẹ yọmwẹ re vbe odọ niii zẹ vbene ọ ka gha ru ẹghẹ ne ọ na ye kherhe, ẹghẹ ne ọ na ke Igipt rre.

Hozia 2:15 Iomraidhean Croise

I Ọba 16:31

Egbe orukhọ ne Jeroboam ru ma ghi sẹ ne irẹn, ọ keghi vbe ru yan vbe ne ọ na ya rhie Jezibẹl ovbi Ethal ne ọba Saidọn, ọ na vbe gha gho e Bal.

Psalm 106:12

Ẹghẹ nii, emwa rẹn keghi ye eyan ne ọ yan rẹn yi, iran na so ihuan ya rho ẹre.

Psalm 129:1

Izrẹl, tama mwa vbene avbe eghian zẹ uẹ kpokpo hẹ, ke ẹghẹ ọvbokhan ruẹn gha dee.

Aizaia 65:10

Iran gha ga mwẹ, iran ghi vbe gha viọ ohuan kevbe ẹmila iran ya gha rria vbe Otọe Nọrriẹe ọghe Siarọn vbe odẹ orrie kevbe vbe Iya Orueghe vbe odẹ ahọ.

Aizaia 65:21

Emwa gha bọlọ owa, iran ghi vbe yin iran, ẹrrẹe i ra viọ iran gha lo. Iran gha mu ugbo azara, iran ghi vbe ya ayọn ẹnrẹn ru. Ẹrrẹe i ra vbe rhie ẹre da. Emwa mwẹ gha wa tọ zẹ vbe erhan. Iran gha miẹn emwi ne iran miẹn ẹsọn yi ya ru ẹsẹsẹmwẹse.

Jerimaia 2:1

E Nọyaẹnmwa keghi tama mwẹ,

Jerimaia 2:2

ne I ya ta ẹmwẹ na ma emwa hia ni rre Jerusalẹm. “I yerre wẹ ọmwa ne ọ mudia ẹse ọ re u wa gha khin vbe ẹghẹ ne u na ye kherhe. Vbene u gha ho ẹmwẹ mwẹ hẹ vbe ẹghẹ ne a na da rhie ruẹ rre. U lele mwẹ la ato, la otọ ne a ma he mu ẹre ugbo ẹdẹ.

Jerimaia 29:11

Mẹ okpa kẹkan ọ re ọ rẹn emwamwa ne I mwamwa ẹn vbekpa uwa, emwamwa ọghe wẹ ne agbọn ma uwa ighe ẹ i re wẹ ne ọkhọ rruan uwa, emwamwa ọghe wẹ ne ọ sẹ uwa obọ ighe agbọn ne ọ maa ne uwa rhie aro yi ẹdẹ nakhuẹ.

Jerimaia 3:4

“Eban nian, wa do gha tama mwẹ wẹẹ, ‘Wẹ ọre erha mwẹ te uwa gha hoẹmwẹ mwẹ ke ẹghẹ ọvbokhan mwẹ gha dee.

Jerimaia 32:15

E Nọyaẹnmwa ne Oghodua, ne Osanobua Izrẹl tae ighe a gha bọlọ owa, a gha dọlegbe mu ugbo kevbe ogba azara vbe otọe na.”

Eve Orriara 3:21

Sokpan, idaehọ mwẹ ghi werriegbe rre vbe I a ye emwi okpa na rre wẹẹ:

Ezikiẹl 16:22

Ẹghẹ ne u na gha lo ẹdẹ ruẹ ye uyinmwẹ ẹwia ọghe igberagia, u ma ghi dọlegbe ye ẹghẹ ne u na gha rre ọvbokhan rre ọvbehe, ẹghẹ ne u na gha rre irhunmwuirhun, ne u na gha wunnu vbe uwu esagiẹn ruẹn.”

Ezikiẹl 16:60

Sokpan, mẹ gha da ile ne I gu uẹ ta ẹghẹ ne u na ye kherhe yi. I ghi vbe do gu uẹ ta ile ne ọ gha rrọ rhinrin ẹdẹdẹmwẹdẹ.

Ezikiẹl 16:8

“I ghi vbe dọlegbe gberra, I keghi miẹn wẹ ẹghẹ sẹ nẹ ne ẹmwẹ okpia gha ya gha rre uẹ aro. I keghi ya ẹwu mwẹ gue egbe ruẹ ne u bannọ yotọ, I keghi yan ma ruẹn ighe I gha ho ẹmwẹ ruẹn. Vbe ẹmwata, I keghi guẹ rhie obọ ye ebe wẹ I gha rhie ruẹ rọnmwẹ, wẹ na ghi do gha re ọghomwẹ.” Erriọ ọre Osanobua ne Udazi khare.

Ezikiẹl 28:25

E Nọyaẹnmwa ne Oghodua keghi kha wẹẹ, “I gha viọ ivbi Izrẹl werriegbe ke ehe ne I te zagha iran kui gha dee, avbe uhunmwu ẹvbo hia ghi vbe rẹn wẹ, ọmwa nọhuanrẹn ọre imẹ khin. Ivbi Izrẹl gha di ẹvbo iran ya, otọe ne I mu ne Jekọb ne ọguọmwadia mwẹ.

Ezikiẹl 28:26

Iran gha di evba ya vbe ne a i na mwẹ ẹbe. Iran gha bọlọ owa, iran gha vbe gbe ugbo azara. I gha rri avbe ẹdogbo iran oya, avbe iran ni gha kpe amẹ isikan ku iran, Izrẹl ghi gha re ne ẹkun sọre otọ. Iran gha rẹn wẹ mẹ ọrọre Nọyaẹnmwa ne Osanobua iran.”

Hozia 11:1

E Nọyaẹnmwa khare wẹẹ, “Ẹghẹ ne Izrẹl na re ọvbokhan, I keghi gha hoẹmwẹ ọnrẹn, I keghi tie ẹre ke Igipt rre, zẹ vbe ovbi mwẹ nokpia.

Hozia 12:13

E Nọyaẹnmwa keghi giee akhasẹ ne ọ ya fannọ ivbi Izrẹl hin ọviẹn rre vbe Igipt, kevbe ne ọ gha gbearoghe iran.

Hozia 12:9

Sokpan, mẹ ne Nọyaẹnmwa ne Osanobua uwa, ne ọ viọ uwa ke Igipt ladian gha dee, I gha dọlegbe ru ẹe ne uwa dọlegbe ya gha di okhogbo ya. Zẹ vbene uwa gha ru ẹe vbe ẹghẹ ne I na bu uwa rre vbe uwu ato.

Hozia 13:4

E Nọyaẹnmwa khare wẹẹ, “Mẹ ọrọre Nọyaẹnmwa ne Osanobua rua ne ọ viọ uwa ke Igipt ladian. Wa imwẹ Osanobua ọvbehe gberra imẹ, mẹ ọkpa kẹkan ọ re ọ vbe re ọmiọnmwafan uwa.

Hozia 2:12

I gha guọghọe rua ighe erhan ne ọ mọ ọmọ ne ọ ya ru ayọn, kevbe erhan ohọ hia, ne ọ khare ighe avbe esiọre ọ re ọ viọ ẹre ne irẹn, rhunmwuda iwinna ne ọ ye ne iran. I gha ya ogba azara ẹre kevbe erhan ohọ ẹre khian ẹgbo, aranmwẹ oha ghi rhia ẹre ua.

Emọs 9:14

I gha viọ emwa mwẹ werriegbe gha die otọ iran, iran gha dọlọ ẹvbo iran ne ọ te guọghọ ua bọ. Iran ghi di ẹe ya. Iran gha gbe ugbo azara iran ghi da ayọn ẹnrẹn. Iran gha mu ugbo, iran ghi rhọ emwi ne iran kọe.

Zẹkaraia 9:12

Wa ni rre iwe, ni ghi mwẹ idaehọ nian, wa werriegbe gha die owa. Te imẹ ghi tama uwa nian wẹ I gha ha ukhukhu eva ne uẹn, deba afiangbe ye oya ne u he re.

Nọmbas 21:17

Ẹghẹ nii ivbi Izrẹl na so ihuan na: “Uhae, rhie amẹ ruẹn ladian; ma gha so ihuan gbe ọbokhian nẹ ẹn.

Iyẹn ne ọ Maan Ọghe Jọn 10:9

Mẹ ọrọre onurho. Ọmwa ne ọ la ehe ne i ye la owa, a gha miẹn rẹn fan. Ọ gha la owa, ọ ghi vbe ladian, ọ gha vbe miẹn irunmwu.

Iwinna 14:27

Iran ghi sẹ Antiọk, iran si emwa esọsi koko, iran keghi na iyẹn emwi ne Osanobua viọ iran ya winna ma iran kevbe vbene ọ vbe kie ne iran ne ẹ i re Ju hẹ ne iran do yayi.

Jọsua 7:26

Iran keghi silo okuta kpitii yan rẹn, te ọ ye rre evba do sẹ ẹdẹnẹrẹ na. Onii ọ siẹe ne a na ye tie evba nii “Iya Orueghe.” Iyeke ọnii, ohu ma ghi mu e Nọyaẹnmwa ọvbehe.

Giọgis 8:34

Iran ma ghi ga e Nọyaẹnmwa Osanobua iran ne ọ miẹn iran fan hin obọ avbe eghian iran ni lẹga iran hia rre.