Hozia 2:13 - Edo Bible (E Baibol Ẹdo) Version 1996

¹³ I gha rria ẹre ikhi ye ẹghẹ ne ọ ya mianmian mwẹ, ọ na ya gha giẹn eturari ne Baal, ọ na silo ikpẹrọnmwọ ye egbe rhikhan lele avbe esiọre. E Nọyaẹnmwa taa ẹe nẹ.

Hozia 2:13 Iomraidhean Croise

II Ọba 1:2

Ahazaia ne ọba Izrẹl keghi ke uhunmwu egedege ne ọ rre ẹguae ẹre vbe Sameria de gbe otọ, obọ keghi da ẹe ẹsẹse. Rẹn na rhunmwuda onii gie emwa ne iran ya nọ e Baal ne ẹbọ ivbi e Filistia vbe Ẹkrọn, ne ọ miẹn ehe na rẹn a deghẹ rẹn gha fe ra rẹn i ra fe.

II Ọba 10:28

Erriọ ọ re Jehu ya wabọ e Bal na gho hin otọ Izrẹl rre.

II Ọba 21:3

Ọ keghi dọlegbe bọlọ avbe aro ẹbọ Asiẹrra ne ẹbọ ne okhuo, zẹ vbene Ehab ne ọba Izrẹl vbe ru ẹe. E Manasẹ kevbe gha gho avbe orhọnmwẹ ba ẹre.

Job 8:13

Emwa ni ma rẹn Osanobua yevbe avbe irunmwu nii, iran gha mianmian Osanobua ne idaehọ iran fo.

Psalm 106:13

Sokpan, banbanna, iran vbe mianmian iwinna ne ọ winna ẹn nẹ, iran na gha ru emwi, vbe ne ai na dia khẹ vbene ọ kha hẹ.

Psalm 106:21

Iran mianmian Osanobua ne ọ miẹn iran fan vbekpa iwinna nekhua ne ọ winna ẹn vbe Igipt.

Psalm 78:11

Iran mianmian emwi ne ọ ru iwinna ọyunnuan ne iran miẹn vbe ọ winnaẹn.

Ẹksọdọs 32:34

Banbanna nian, gha khian viọ emwa nii gha rrie ehe ne I tama ruẹn. Ye rre, odibo mwẹ gha ma ruẹn odẹ sokpan, ẹghẹ ne I gha na guan yọ, I gha rri iran oya ye orukhọ ne iran ru.”

Aizaia 17:10

Izrẹl, wa mianmian Osanobua ne ọmwa ne ọ fannọ uwa kua, ọ na degue uwa zẹ vbe okuta nọkhua. Wa keghi ya gha fian erhan gbọọ, ne uwa miẹn ehe na gha ga ẹbọ ẹrrẹe vbe evba.

Aizaia 65:7

ighẹ orukhọ iran kevbe orukhọ avbe erha iran odede. Iran giẹẹn eturari vbe uhunmwu oke ẹbọ, iran kevbe gha ya ukpe sakan mwẹ. Rhunmwuda ọnii, I gha rri iran oya zẹ vbene ọ khẹke orukhọ ne iran ru gberra.”

Jerimaia 11:13

Vbene avbe okpẹvbo ne ivbi e Juda mwẹ bun sẹ, ọ re ẹbọ ne iran mwẹ vbe bun sẹ, iran ni rre Jerusalẹm, vbene idunmwu ne iran mwẹ bun sẹ, ọ re avbe Ogiukpo ne iran na zọ ese ghe ẹbọ osọnnọ nii ighe Baal vbe bun sẹ.

Jerimaia 18:15

Sevba, emwa mwẹ mianmian mwẹ, iran gha giẹn eturari ne avbe amazẹ. Iran rrua owẹ vbe odẹ ne ọ te kei ne iran la iran i ghi lele odẹ nẹdẹ, odẹ ne a ma gbẹn ọre iran ghi la.

Jerimaia 2:32

Okhuo ọvbokhan vbe mianmian ikpẹrọnmwọ itegbe ẹre ra? Ra ne ovbiọha mianmian ẹwu irhiọha ẹre. Sokpan avbe emwa mwẹ mianmian mwẹ la inu ẹghẹ ne a ghi sẹtin ka nẹ.

Jerimaia 23:2

Vbenian, ọ re Nọyaẹnmwa ne Osanobua Izrẹl khare vbekpa ọkaolotu ne ọ te kei ne ọ gha gbearoghe emwa rẹn: “Wa ma gbearoghe emwa mwẹ, wa zagha iran an, wa keghi khulo iran kua. Banbanna nian, I ra do rri uwa oya ye emwi dan ne uwa ru.

Jerimaia 7:34

Otọe nii gha khian ato. I gha dobọ urhu oghọghọ kevbe ọyẹnmwẹ yi vbe avbe okpẹvbo e Juda kevbe ore Jerusalẹm, deba uwemwẹ oghọghọ ọghe evbare irhiọha.”

Jerimaia 7:9

Wa rha, wa do izigha, wa ghẹ, wa vẹn ihẹn re, wa zọ ese ghe Baal, wa keghi vbe gho ẹbọ ne uwa ma ka rẹn de yi.

Eve Orriara 1:4

A i ghi miẹn ne ọ rre do gha ga vbe Ọgua Osa nian vbe ẹdẹ iruẹmwi. Emọ ikhuo ni so ihuan vbe evba, oya iran ghi re akọn ọ re avbe ohẹn ghi re. Onurho ẹvbo dihoi rua, uwu orriara ọ re Zaiọn ghi ye.

Eve Orriara 5:14

Avbe eniwanrẹn i ghi tota vbe onurho ẹvbo ọvbehe, avbe igbama i ghi kpe emwi ihuan.

Ezikiẹl 16:12

I rhie oroka ihue kevbeemwi-ehọ ne uẹn, deba ẹde ne mose mose ne u mu rhuẹ.

Ezikiẹl 16:17

emwi itegbe ọghe igoru kevbe esiliva ne I viọ ne uẹn, u keghi viọ iran ya gha mannọ amazẹ ikpia, u na gha gu iran ru oghẹ.

Ezikiẹl 22:12

Eso vbe uwu avbe emwa uwa de izigha ya miẹn igho. Eso miẹn igho isu vbe ivbi Izrẹl ne ihua iran ne iran rhie igho na, iran ghi do ye ne iran na mu iran vbuẹvbuẹ fe. Iran mianmian mwẹ nẹ. E Nọyaẹnmwa ne Udazi guaan nẹ.

Ezikiẹl 23:35

Banbanna nian, vbenian ọ re Nọyaẹnmwa ne Udazi khare, “Rhunmwuda ighe u mianmian mwẹ, u keghi fi iyeke gbe mwẹ, u gha rri oya ye ẹmwẹ orriarria ruẹ kevbe ebabotu ne u gbe.”

Hozia 11:2

Sokpan vbene I ya gha tie ẹre, erriọ ọ re ọ ya gha lẹ mẹ. Emwa mwẹ zọ ese ne Baal, iran giẹn eturari ne amazẹ.

Hozia 13:1

Vbe ẹghẹ nẹdẹ, ẹwae Ifreim gha guaan, ohan ghi mu ẹwae Izrẹl nekpa hia. Ifreim ọ re iran ghe ẹre aro. Sokpan, emwa ni ru orukhọ vbekpa ne iran na ya gha gho e Bal, te iran ra wulo ye aighẹru ne iran ru na.

Hozia 13:6

Sokpan, wa ghi la otọe esi nii nẹ, ẹko keghi vuọn uwu, ọ keghi vbe sẹ uwa ọkẹn, wa keghi do gha hio, wa na mianmian mwẹ.

Hozia 2:7

Ọ gha rhie ulẹ lele avbe esiọre, sokpan ẹ i ra vba iran. Ọ gha gualọ iran, sokpan ẹ i ra miẹn iran. Ẹghẹ nii, ọ ghi kha wẹẹ, “I ra do bu ọdọ mwẹ ne I ka rọnmwẹ. Ẹghẹ nii ọre agbọn na ma mwẹ sẹ ne I ghi ye na.”

Hozia 4:13

Iran zọ ese vbe ehe ne iran na gho iran vbe uhunmwu oke nekhua. Iran keghi vbe giẹn eturari vbe uhunmwu oke negiẹrẹ, vbe ototọ avbe erhan ni taẹn kevbe ni zẹlẹ abọ ẹsẹse, rhunmwuda, irhu iran wa fu ọmwa egbe ẹsẹse. “Rhunmwuda ọnii, avbe ivbi uwa nikhuo gha gbe ebabotu, kevbe ivbi amwẹ uwa nikhuo gha vbe ru oghẹ.

Hozia 4:6

Ọghe avbe emwa mwẹ fo nẹ, rhunmwuda, iran ma tie mwẹ ọghe iran. Wa ne avbe ohẹn ma tie mwẹ ọghe uwa, wa keghi he iruẹmwi mwẹ yotọ, rhunmwuda ọnii, mẹ vbe he uwa, mẹ i ghi ra vbe tie ivbi uwa ohẹn mwẹ.

Hozia 8:14

“Avbe ivbi Izrẹl bọlọ ẹguae nibun, sokpan iran mianmian Ayi ne ọ yi iran. Ivbi e Juda bu ẹvbo nibun ne a gbe odin gaa, sokpan, I gha gie erhẹn ne ọ gha ya giẹn ẹguae iran kevbe ẹvbo iran an.”

Hozia 9:7

Ẹghẹ ne a ya rri emwa oya rre nẹ, ẹghẹ ne a gha na ru emwa emwi ne ọ ma iran. Ọnii gha ghi sunu, Izrẹl gha vbe rẹn. Wa khare wẹẹ, “Akhasẹ na, akpa nọ, ọmwa ne a rhie ẹmwẹ ya giee ẹre uhunmwu na, te ọ mwẹmwẹ.” Wa na wa mu ohu mwẹ vberriọ, rhunmwuda, orukhọ uwa kpọlọ.

Emọs 8:10

I gha ru ẹe ne uwa khiokhio eto, na uwa vbe viọ ukpọn akhiẹ ye egbe. Wa ghi ye vbe evbibiemọ ni khiẹ ukpọmọkpa ne iran biẹe. Tẹ ẹdẹ ne ẹdẹrriọ ra wa rriara ne ebi ro.

Diuteronomi 32:18

Iran mianmian Osanobua iran, ọmiọnmwafan iran nọkhua ọmwa ne ọ rhie arrọọ ne iran.

Diuteronomi 6:12

Wa ghi gie aro uwa da ẹe we wa ma mianmian e Nọyaẹnmwa ne ọ viọ uwa ke Igipt ladian vbe ehe ne uwa na te re eviẹn.

Giọgis 10:6

Ivbi Izrẹl keghi vbe dọlegbe rukhọ ghe e Nọyaẹnmwa. Iran na gha gho e Bal kevbe Astat deba avbe ẹbọ e Siria, e Saidọn, e Moab, Amọn kevbe Filistia. Iran keghi fi iyeke gbe e Nọyaẹnmwa, iran ma gha gae.

Giọgis 3:7

Ivbi Izrẹl keghi mianmian e Nọyaẹnmwa ne Osanobua iran, iran na ru orukhọ ghe ẹre, iran kevbe gha gho avbe Bal kevbe Asiẹrra.

I Samuẹl 12:9

Sokpan, iran keghi mianmian e Nọyaẹnmwa ne Osanobua iran, rẹn keghi gie Siseria ne ọkaokuo ivbi iyokuo ẹvbo ne a tie ẹre Hazọ, ivbi e Filistin kevbe ọba Moab gu iran gbinna kevbe ne ọ khọn iran muotọ.