Hozia 2:12 - Edo Bible (E Baibol Ẹdo) Version 1996

¹² I gha guọghọe rua ighe erhan ne ọ mọ ọmọ ne ọ ya ru ayọn, kevbe erhan ohọ hia, ne ọ khare ighe avbe esiọre ọ re ọ viọ ẹre ne irẹn, rhunmwuda iwinna ne ọ ye ne iran. I gha ya ogba azara ẹre kevbe erhan ohọ ẹre khian ẹgbo, aranmwẹ oha ghi rhia ẹre ua.

Hozia 2:12 Iomraidhean Croise

Psalm 80:12

Vbọzẹ ne u na guọghọ ogba ne ọ lẹga ẹre kua yi? Ọmwaikọmwa ne ọ ghi gberra sẹtin do ọmọ rẹn kọlọ nian.

Aizaia 29:17

Zẹẹ vbene a yae kpitan wẹ vbe ọ ma he kpee wan, ẹgbo ne ọ wo gha khian ne a ya mu ugbo otọe ugbo ghi vbe khian ẹgbo.

Aizaia 5:5

“Vbene I ra ru ogba mwẹ hẹ ọ re ọna khin. I gha guọghọ ogba ne I gba ga ẹre hin rre, I ghi vbe guọghọ ekẹn ne ọ te degue ẹre. I ghi vbe gie aranmwẹ oha rri ọe, ne iran vbe ya owẹ rrilo ẹe muotọ.

Aizaia 7:23

“Ọ gha sẹ ẹghẹ nii, avbe ogba azara ne mose mose, ne erhan azara arriaisẹn ye, ne ọ vbe sẹ igho esiliva arriaisẹn, igban ọkhuẹnkhuẹn kevbe ọkọsọ ghi sọn rhu ẹe.

Jerimaia 13:26

E Nọyaẹnmwa tobọ ẹre ọ re ọ ra bannọ uwa a, ọ ghi gie agbọn miẹn emwi ekhue uwa.

Jerimaia 26:18

“Ẹghẹ ne Hẹzekaia na gha re ọba e Juda, e Maika ne akhasẹ ne ovbi ẹvbo ne a tie ẹre Morẹsiẹt keghi tama emwa hia wẹ Nọyaẹnmwa ne Oghodua khare wẹẹ, “ ‘A gha gua vbe e Zaiọn zẹ vbe ugbo E Jerusalẹm gha khian ne itowa na degbe itowa oke ni ne Ọgua Osa ye gha khian ẹgbo.’

Jerimaia 5:17

Iran gha rri emwiokọ kevbe evbare uwa fo. Iran gha gbele ivbi uwa nikpia kevbe nikhuo, iran gha gbele avbe ohuan kevbe ẹwe uwa, iran gha dunmwu ogba azara kevbe erhan ohọ uwa hia a. Ẹvbo ne a gbe odin ga ne uwa mu ẹtin yan, ivbiyokuo iran gha guọghọ ẹe rua.

Jerimaia 8:13

“Te I te ra si emwa mwẹ koko zẹ vbene ọmwa rhọ emwiokọ ẹre si koko, sokpan, iran yevbe azara ne ọ ma mọ ọmọ, kevbe erhan ohọ ne ọ ma mọ, uhin ighẹ ebe ni rrọ luẹluẹ nẹ. Rhunmwuda ọnii, I keghi fan obọ ẹre ne avbe ọrriọvbe ya otọe nii khian ọghe iran.”

Hozia 13:8

I gha gu uwa gbinna zẹ vbe akpakomiza ne ọ ma ghi miẹn ivbi ẹre, I ghi yanghan uwa hẹkua. I gha yanghan uwa re ye ihọkpa nii zẹ vbe oduma, I ghi vbe yanghan uwu ukhiọnmwu khiọnmwẹ zẹ vbe aranmwẹ akọn.

Hozia 5:14

I gha gu ivbi Izrẹl kevbe Juda gbinna zẹvbe oduma. Mẹ tobọ mwẹ ọ re ọ ra yanghan iran hẹkua. Ẹghẹ ne I gha na silo iran kpao, ọmwa ne ọ gha sẹtin miẹn iran fan i rrọọ.

Hozia 9:1

Wa ne ivbi Izrẹl, wa dobọ ne uwa na ru emwi ukpo uwa zẹ vbe emwa ni ga ẹbọ yi, wa fi iyeke gbe Osanobua uwa nẹ, ekhọe uwa ma vbe lelẹe. Ehe ne otọe nii sẹe ehe ne ọ rhanmwẹ, ọ re uwa na khiẹnnẹ egbe uwa ne Baal zẹ vbe ebabotu, avbe ọka ne uwa ro ighe rẹn ọ re ọ ya ẹe ha uwa osa keghi yẹ uwa.

Maika 3:12

Rhunmwuda ọnii nian, a gha rhunmwuda uwa ya e Zaiọn khian otọe ne a ya mu ugbo. E Jerusalẹm gha khian utete itowa, oke ne a bọ Ọgua Osa yi gha khian ẹgbo.