Hozia 14:8 - Edo Bible (E Baibol Ẹdo) Version 1996

⁸ A i ghi ra dọlegbe tie ivbi Izrẹl ye ẹmwẹ ẹbọ ọvbehe. I gha họn erhunmwu iran, I ghi vbe gha gbearoghe iran I gha mu irhu gue iran zẹ vbe erhan ne ẹ i khuọn ebe kua. Obọ mwẹ ọ re afiangbe iran ke rre.”

Hozia 14:8 Iomraidhean Croise

Job 33:27

Ọ ghi ta ẹe ne agbọn họn wẹẹ, ‘I rukhọ. I ma ru vbene ọ kere, sokpan, Osanobua ye miẹn mwẹ fan.

Job 34:32

U nọ Osanobua nẹ ra ne ọ rhie abakuru ruẹ ma ruẹn? U vbe kue nẹ ra ne u dobọ emwi dan ne a ru yi?

Aizaia 41:19

I gha gie erhan sida zọ vbe uwu ato, avbe ohia kevbe agba kevbe erhan oliv. Ẹgbo gha wan ladian vbe otọ ne ọ dihoi rua. Ẹgbo ọghe uwọwẹ, ọkhuẹn kevbe ovbiakhẹ.

Aizaia 55:13

Avbe uvbiakhẹ gha wan vbe ehe ne ogigban te ye na. Ewae gha wan rhie ihe igban. Ena ghi gha re ama ni gha rrọọ ẹdẹdẹmwẹdẹ iyagbaye ọghe iwinna ne imẹ ne Nọyaẹnmwa winnaẹn.”

Aizaia 60:13

“Erhan agba, umẹ kevbe uvbiakhẹ erhan ne ọ ghi maa sẹ vbe ẹgbo e Lebanọn a gha viọ iran do ya dọlọ e Jerusalẹm ruẹn bọ. Ne a do ya ẹe ya Ọgua Osa mwẹ mose. Ne a do ya ẹvbo mwẹ gha mwẹ uyi.

Ezikiẹl 17:23

ye oke ne ọ yo sẹẹ vbe Izrẹl. Ọ gha zẹlẹ abọ, ọ ghi vbe mọ, ọ ghi do khian isida ne mose mose. Ahianmwẹ ughughan gha di evba ya, iran ghi miẹn ehe dia vbe irhu ẹre.

Ezikiẹl 36:25

I gha miẹn amẹ afọ yan uwa, awua ẹbọ ghi lahin uwa egbe rre, deba avbe emwi ọvbehe hia ne ọ te mu awua ye uwa egbe.

Iyẹn ne ọ Maan Ọghe Luk 15:20

Ọ keghi kpao bu erha ẹe gha khian. “Urria gbaan ọre ọ he ye vbe erha ẹe dẹghe ẹre, ekhọe nọẹn ruan, ọ na rhulẹ bu ẹre, ọ gba ẹe ginna egbe, ọ na mu ẹre unu hiẹnhien.

Iyẹn ne ọ Maan Ọghe Jọn 1:16

Uwu uvuọnmwẹ ẹsọhẹ ọghọe, ọre ọ na fiangbe ima hia, ọ na gha kun afiangbe yan afiangbe ne ima.

Ẹfisọs 5:9

Rhunmwuda, uwanmwẹ ọre ọ rhie otọ ne avbe emwi esi, vbene umamwẹ, emwi ne ọ gbae kevbe ẹmwata ye, ne a mọ ọmọ wọrhọwọrhọ.

Filipai 1:11

Ẹdẹ agbọn uwa ghi do vuọn ne avbe emwi ne ọre ne ọ maa, ọghe ẹmwata ne a ghe ginna ọmwa, ne Jesu Kristi ọkpa sẹtin rhie ladian ne uyi kevbe urhomwẹ Osanobua.

Filipai 2:13

rhunmwuda Osanobua ọre ọ winna vbe uwu uwa ne ọ miẹn ehe na guẹ gha ho, kevbe ne u sẹtin gha ru vbene ọ rre irẹn ekhọe.

Filipai 4:13

I mwẹ ẹtin ne I ya ye egbe miẹn emwi hia vbe ekpa ẹtin ne Kristi rhie mẹ.

I Tẹsalonaika 1:9

Iran na hia wa ta ẹe khian, ighẹ ẹmwẹ vbe ne uwa rhan obọ miẹn ima hẹ vbe ima do miẹn uwa, kevbe vbene uwa ghi fi iyeke gbe ẹbọ hẹ do gha ga Osanobua ne ọre Osanobua ẹmwata ne ọ rrọọ.

Jems 1:17

Emwi ne ọ gbae, ne ọ maa, ne a ya we ọmwa hia, ke ẹrinmwi rre nọ. Obọ Osanobua ne Ayi ne ọ yi uwanmwẹ ẹrinmwi, ọ re ọ ke rre. Rẹn i fi werriẹ, ra ne ọ vbe la ekpa a fiwerriẹ si ebiebi.