Hozia 14:5 - Edo Bible (E Baibol Ẹdo) Version 1996

⁵ I gha ye vbe amẹ ne ọ rhọ ye otọe nọkae ne ivbi Izrẹl, iran gha vẹ gba ehe hia zẹ vbe obobo. Inian iran gha deziẹn vbe otọ zẹ vbe avbe erhan e Lebanọn.

Hozia 14:5 Iomraidhean Croise

II Samuẹl 23:4

te ọ yevbe ovẹn ne ọ yunmwu vbe ẹdẹ ne amẹ ma bi ovẹn ne ọ ye ebe fi wainwain vbe amẹ a rhọ nẹ.”

II Ọba 19:30

Iran ni miẹn uhunmwu vbe Juda gha wa gha maa zẹ vbe erhan ne ọ kakabọ rhie inian la uwu otọ, ọ na vbe mọ.

Job 29:19

I keghi ye vbe erhan ne inian rẹn miẹn amẹ vbe ẹghẹ hia kevbe ne evbu tuo ye avbe abọ ẹre.

Psalm 133:3

Ọ yevbe evbu ne ọ tuo vbe Oke Hẹmọn, ne ọ tuo ye avbe oke Zaiọn. Evba nii i ọ re Nọyaẹnmwa na ve afiangbe ẹre, agbọn ne ẹ i mwẹ ọfo.

Psalm 72:16

Te evbare gha kpọ vbe otọe nii; te emwiokọ gha gha uhunmwu oke hia ne iran gha mọ zẹ vbe ọghe Lebanọn. Te emwa gha gba ore ẹvbo hia, zẹ vbe oha ne ọ vuọn ne irunmwu.

Psalm 72:6

Te ọba gha yevbe amẹ ne ọ rhọ ye ugbo, zẹ vbe okpamẹ ne ọ rhọ ye otọe.

Psalm 80:9

U gbẹn irunmwu hin ehe ne ọ gha na wan rre nẹ, inian rẹn kakabọ la uwu otọ, ọ keghi wa obọ gba otọe nii hia.

Psalm 92:12

Ọmwata gha wan zẹ vbe udin iran gha wan zẹvbe isida ni rre Lebanọn.

Psalm 92:13

Te iran ye vbe erhan ne a kọ ye owa e Nọyaẹnmwa.

Itan 19:12

Te ohu ọba yevbe utumwẹ oduma, sokpan, ọ gha ru ọmwa ẹse, ọ ghi ye vbe amẹ ne a rhie aro ye odẹ khẹ ọ ke do rhọ.

Ihuan Ne Ọ Sọọ Ihuan Hia 2:16

Mẹ ọ re ọ yan enida mwẹ rẹn ọ re ọ yan mwẹ ọ koko avbe ohuan rẹn vbe uwu iyokho ẹzẹ.

Ihuan Ne Ọ Sọọ Ihuan Hia 4:5

Ẹwẹn ruẹn yevbe ivbi uzo, vbe ẹrhuẹ eva ni rria vbe uwu iyokhotọ.

Aizaia 12:1

Ẹdẹ dee ne emwa gha so ihuan vbenian, “I gha rho ruẹ Nọyaẹnmwa! U te ka mu ohu mwẹ sokpan banbanna nian, u fu mwẹ ẹko rre. Ohu i ghi mu ẹẹn ọvbehe.

Aizaia 18:4

E Nọyaẹnmwa tama mwẹ wẹẹ, “I gha hẹko gbaro ghe otọ ke ẹrinmwi rre zẹ vbene evbu ya si koko vbe asọn vbe ẹghẹ emwiorhọ nọ mwẹ ọghae kherhekherhe kevbe zẹ vbene ovẹn gbe ẹkun sotọ yunmwu vbe ẹghẹ ogiavan.

Aizaia 26:19

Iran ni wulo nẹ vbe emwa ima, gha dọlegbe gha rre agbọn! Ikun iran gha dọlegbe rhiọrre. Iran hia ni vbiẹ vbe uwu idin iran, gha kpaegbe so ihuan oghọghọ. Zẹ vbene evbu ni fi wainwain ye otọ agbọn rọkhọ, erriọ Nọyaẹnmwa gha huẹn iran ni wulo arria nẹ usin kpaegbe.

Aizaia 27:6

Vbe ẹdẹ ne ọ dee, ivbi Izrẹl, iran ne uniẹn Jekọb gha zẹ inian zẹ vbe erhan, iran gha zẹlẹ ebe, iran ghi vbe gbe ighọn. Ọmọ ne iran mọẹn ghi gba agbọn na hia.

Aizaia 35:2

Ato gha so ihuan, ọ ghi vbe gha wee ne oghọghọ; ọ ghi do gha mose zẹ vbe avbe Oke Lebanọn ọ ghi do gha ma emwiokọ zẹ vbe otọ e Kamẹl kevbe Siarọn. Agbọn hia gha miẹn ose e Nọyaẹnmwa iran gha miẹn ukpọlọmwẹ kevbe ẹtin ẹnrẹn.

Aizaia 44:3

“I gha sa amẹ ne ọmwa ne ovbamẹ gbe, I ghi vbe wẹ ne ẹzẹ gha lẹ, vbe otọe ne ọ kae I gha hihiẹ ẹtin yan avbe ivbi uẹ kevbe afiangbe mwẹ yan ivbi uniẹn ruẹn.

Aizaia 45:8

I gha gie akhọnmiotọ ke iso gha dee zẹ vbe amẹ ne ọ rhọ. Otọ ghi vbe rhan yotọ ne ọ miẹn ẹnrẹn, ọ ghi vbe họn ebe ladian zẹ vbene ọ yan egbe ẹre kevbe odẹ ẹmwata. Mẹ ne Nọyaẹnmwa gha gie ọna sunu.”

Aizaia 57:18

“I miẹn vbene iran ru hẹ nẹ, sokpan, I gha mu iran egbe rran, I gha su iran gha khian I ghi ru iyobọ ne iran, I gha vbe fu iran ni khiẹ ẹko rre.

Aizaia 57:19

I ya ọfumwegbe ne iran hia, ke iran ni sikẹ emwa na kevbe iran ni rre urria. I gha mu avbe emwa mwẹ egbe rran.

Jerimaia 3:22

Wa werriegbe rre, wa hia ni fi iyeke gbe Nọyaẹnmwa ọ gha mu uwa egbe rran, ọ ghi ru ee ne uwa do gha re ne ọ mudia ẹse.

Jerimaia 32:41

I gha wa ye ọyẹnmwẹ gha ru emwi esi ne iran. I ghi vbe gbe iran ẹkun sotọ ẹdẹdẹmwẹdẹ vbe otọe na.

Hozia 6:3

Wa gie ima ziga ne a rẹn e Nọyaẹnmwa. Vbe ne a i na gbe awẹawẹ, ọ gha bu ima rre zẹ vbe ne ẹ i mwẹ ẹdẹ ma gbe, zẹ vbene ẹ i mwẹ amẹ orhọ ma rhọ ye otọ.”

Maika 5:7

Ivbi Izrẹl ni miẹn uhunmwu vbọ, gha yevbe evbu ne ọ fu ọmwa egbe rre ne Nọyaẹnmwa gie gie uhunmwu ẹvbo nibun, zẹ vbe amẹ ne ọ rhọ yan emwiokọ ne ọ da zọ dee. Iran gha ye egbe yan Osanobua ighe ẹ i re ọmwa kẹkan.

Maika 7:18

Ẹbọ ọkpa ne ọ yevbe ruẹ i rrọọ Nọyaẹnmwa, wẹ ya orukhọ bọ avbe emwa ruẹn ni miẹn uhunmwu. U ma gie ohu wa mu uẹn ẹdẹdẹmwẹdẹ, sokpan, te ọ wa yẹ ruẹ ne u gha rhie itohan ruẹn ne ẹ i beghe ma mwa.

Matiu 6:28

“Vbọzẹ ne uwa na si osi ba ẹmwẹ ukpọn? Wa ghe vbene avbe obobo ni rre oha wan hẹẹ, iran i winna, iran i do ukpọn ne egbe iran.

Iyẹn ne ọ Maan Ọghe Luk 12:27

Wa ghe vbene avbe irunmwu ni rre oha wan hẹẹ. Iran i winna, iran i do ukpọn ne egbe iran. Sokpan I tama uwa wẹ vbene Solomọn fe sẹ, ọ ma gha mwẹ ukpọn ne ọ mose vba ọkpa vbe avbe obobo na.

Ẹfisọs 3:17

Kevbe, wẹ ne Kristi la ekpa iyayi bọ owa ẹre ye uwu uwa, I vbe na erhunmwu wẹ, ne uwa gbe inian, kevbe ne uwa gbe ẹyotọ uwa yan aho ẹmwẹ ọmwa.

Diuteronomi 32:2

Iruẹmwi mwẹ gha rhọ rre zẹ vbe ikpẹ amẹ, ẹmwẹ mwẹ gha rhọ yan ivbi erhan zẹ vbe amẹ, zẹ vbe amẹ ne ọ wẹwẹ yan irunmwu ne vbọkhọọ.