Hozia 14:4 - Edo Bible (E Baibol Ẹdo) Version 1996

⁴ E Nọyaẹnmwa khare wẹẹ, “I gha dọlegbe si emwa mwẹ kẹ egbe. I gha ya ekhọe mwẹ hia hoẹmwẹ iran, ohu iran i ghi mu mwẹ ọvbehe.

Hozia 14:4 Iomraidhean Croise

Psalm 10:14

Sokpan, wẹ bẹghe ẹre, wẹ vbe zẹ ye ọlọghọmwa kevbe oya ne emwa re, u vbe mu egbe ne u ya ru iyobọ ẹghẹ hia. Wẹ, ọ re ọmwa ne ne ẹi mwẹ iyobọ lẹgbinna, wẹ ọ re ọ ye ne ẹi mwẹ iyobọ obọ, ke otọ gha dee.

Psalm 20:8

Emwa vberriọ gha rrua owẹ, iran ghi dele, sokpan ma gha kpaegbe, ma ghi mudia kpasi.

Psalm 78:38

Sokpan, Osanobua tohan emwa rẹn ọ ya orukhọ iran bọ iran, ọ ma fuẹn iran an. Ẹghẹ nibun ọ re ọ ya mu ohu ne ọ te mu ẹẹn yotọ ọ ke vbe werriegbe vbe ohu ẹre nọkhua.

Ẹksọdọs 15:26

Ọ keghi kha wẹẹ, “A deghẹ wa họn ẹmwẹ mwẹ, mẹ ne Osanobua rua, ne uwa gha ru emwi ne imẹ ye obọ yi ne uwa gha ye uhi mwẹ rre, ne uwa vbe gha rhie uhi mwẹ hia mwẹ, mẹ i ra ye avbe emianmwẹ ne I mu yan ivbi Igipt rhọkpa rri uwa oya. Mẹ ọrọre Nọyaẹnmwa ne ọ mu uwẹ egbe rran.”

Aizaia 12:1

Ẹdẹ dee ne emwa gha so ihuan vbenian, “I gha rho ruẹ Nọyaẹnmwa! U te ka mu ohu mwẹ sokpan banbanna nian, u fu mwẹ ẹko rre. Ohu i ghi mu ẹẹn ọvbehe.

Aizaia 55:1

E Nọyaẹnmwa khare wẹẹ, “Wa larre, emwa hia ne ovbamẹ gbe, wa ghe amẹ wa ne ẹ i mwẹ igho, wa larre, wa do dẹ ọka ne uwa re. Wa larre, wa do dẹ ọka kevbe ewẹn ẹmila, vbene a i na ha igho yọ!

Aizaia 57:18

“I miẹn vbene iran ru hẹ nẹ, sokpan, I gha mu iran egbe rran, I gha su iran gha khian I ghi ru iyobọ ne iran, I gha vbe fu iran ni khiẹ ẹko rre.

Jerimaia 14:7

Avbe emwa mwẹ viẹ bu mwẹ gha dee wẹẹ, ‘A gha rhe miẹn ighẹ orukhọ mwa gu ima gui, yi ima obọ vbene u yanrẹn Nọyaẹnmwa. Ẹghẹ nibun ọ re ima ya fi yeke gbe uwẹ, ma ru orukhọ ghe uẹ.

Jerimaia 17:14

Nọyaẹnmwa, mu mwẹ egbe rran, egbe gha wa rran mwẹ giẹnrẹn; yuo mwẹ ladian, I gha vbe fe vbe obọ ẹbe fẹẹrẹ, wẹ ọrọre ọmwa ne imẹ rho vbe uyi!

Jerimaia 3:22

Wa werriegbe rre, wa hia ni fi iyeke gbe Nọyaẹnmwa ọ gha mu uwa egbe rran, ọ ghi ru ee ne uwa do gha re ne ọ mudia ẹse.

Jerimaia 31:20

“Izrẹl, ovbi mwẹ ne ọ ghan sẹẹ ọ re u khin, ọmọ ne I ho ẹmwẹ ọnrẹn sẹẹ. Ẹghẹ ne I rhirhi a ya so eni ruẹn I ghi gha ye aho ẹmwẹ ọmwa mu ẹmwẹ ruẹn ro. Orhiọn mwẹ ghi tin bu ruẹ gha dee, I gha mwẹ itohan.

Jerimaia 33:6

Sokpan, I gha mu ẹvbo na egbe rran, kevbe emwa ni rrọọ, I ghi gie egbe rran iran. I gha rhie ọfumwegbe nọkhua kevbe ẹkun ne ọ sotọ ẹsẹse ne iran.

Jerimaia 5:6

Onii ọ sii ẹe ne oduma gha na ke uwu ẹgbo rre do gbele iran an. Akpakomiza gha ke uwu ato rre do yanghan iran an, atalakpa ghi do gha ru ohuẹ vbe ore iran. Avbe emwa nii gha ladian, a gha yanghan iran an, rhunmwuda orukhọ iran bun. Iran keghi fi iyeke gbe Osanobua yan egbe yan egbe.

Jerimaia 8:22

Ukhunmwu ighi rre Giliad ra? Avbe ọbo i ghi rre evba ra? Vbọ ghi zẹ ne a ma na ye mu avbe emwa mwẹ egbe rran khekherriọ?

Ezikiẹl 33:14

I sẹtin tama ọmwa dan wẹ te ọ ra wu yọ, sokpan, a deghẹ ọ dobọ emwi dan ne a ru yi, ọ na suẹn gha yin ẹse, vbe ne ọ maa,

Ezikiẹl 36:36

Ẹghẹ nii, avbe ẹvbo ni yin lẹga ẹre, ni miẹn uhunmwu vbọ gha rẹn wẹ, mẹ ne Nọyaẹnmwa, sẹtin dọlọ ẹvbo ne a rẹnkhuan bọ, I ghi vbe ye otọe ne a mu rhia gbe ugbo. Mẹ ne Nọyaẹnmwa tae nẹ wẹ I gha ru emwi na, te I ra gele ru ẹe.”

Hozia 11:7

Iran wa mu aro ye ẹmwẹ ne iran gha rhie aro lẹ mẹ. Iran gha viẹ ba ẹmwẹ urọnghọn ne ọ rre iran urhu, sokpan, iran i ra miẹn ọmwa ne ọ gha rhan ẹnrẹn hin iran urhu rre.

Hozia 2:19

Izrẹl, mẹ gha ya uwẹ ru ọvbokhan mwẹ; I gha mudia ẹse I ghi vbe gia mu ẹtin yan; I gha mwẹ itohan kevbe aho ne ẹ i beghe ghe ruẹ, I gha ya uwẹ khian ọghomwẹ ẹdẹdẹmwẹdẹ.

Hozia 6:1

Emwa ni khare wẹẹ, “Wa gie ima werriegbe bu e Nọyaẹnmwa. Ọ ru ima emwi nẹ, sokpan ẹ i mwẹ ọ ma mu ima egbe rran, ọ kuan ima nẹ, sokpan ọ gha gbalọ ima ẹwẹn ra u ma ro vberriọ?

Zẹfanaia 3:17

E Nọyaẹnmwa ne Osanobua mwẹ rrọ yaba ruẹ, ẹtin ẹnrẹn ọ re ọ rhie akhọnmiotọ nuẹn. Ẹko ruẹ gha rhiẹnrhiẹn e Nọyaẹnmwa kevbe uwu aho ẹmwẹ ọmwa ẹnrẹn, ọ gha rhie arrọ agbọn ne uẹn. Ọ gha so ihuan, ọyẹnmwẹ ruẹn ghi vbe gha sẹ ọe.

Nọmbas 25:11

“E Finihaz da mwẹ obọ ohu ne I te mu ghe ivbi Izrẹl yi nẹ. Ọ ma zẹdẹ ho ne ọ họn wẹ a vbe gho emwi ọvbehe gberra ime, ọnii ọre ọ zẹe ne I na ma ya ohu mwẹ fuẹn iran an.

Nọmbas 25:4

Ọ na tama e Mosis wẹẹ, “Viọ avbe ekaolotu ivbi Izrẹl, ne u sirra emwa hia zẹlẹ iran uhunmwu kua, vbe ogiavan ogioghogho zẹ vbene I khare ẹghẹ nii ohu avbe emwa nii i ghi ra mu mwẹ.”

Ebe ne Pọl gbẹẹn gie emwa Rom 3:24

Sokpan vbekpa ẹsọhẹ Osanobua ne a rhie ne emwa vbe ọhẹ, a keghi la ekpa Jesu Kristi ne ọ fannọ iran ye otọ ye ehia khian ọmwata vbe odaro ẹre.

Ẹfisọs 1:6

Wa gie ima rho Osanobua ye ẹsọhẹ nọ mwẹ uyi ọghọe, kevbe emwi ọhẹ ne ọ ya ru ima ẹse, vbe uwu ovbi ẹre ne ọ ghan!

II Timoti 1:9

Ọ miẹn ima fan, ọ kevbe tie mwa ne a do gha re emwa irẹn, ẹ i re rhunmwuda emwi ne ima ru, sokpan vbe ọghe ekhọe obọ ẹre kevbe ẹsọhẹ. Ọ rhie ẹsọhẹ na ne ima nẹ, vbe uwu Kristi Jesu, ẹghẹ te do suẹn.

Taitọs 3:4

Sokpan ugbẹn vbe itohan kevbe aho ẹmwẹ ọmwa Osanobua kevbe Ọmiọnmwafan mwa ghi rhie egbe maa nẹ.