Hozia 14:3 - Edo Bible (E Baibol Ẹdo) Version 1996

³ Asiria i sẹtin miẹn ima fan hiehiere, avbe ẹsin okuo i vbe sẹtin degue ima. Ma i ghi dọlegbe tama avbe ẹbọ ima ẹdẹ wẹ iran ọrọre Osanobua mwa. Nọyaẹnmwa, wẹ wa tohan emwa hia ni i mwẹ ọmwa ọvbehe ne ọ ra lẹ bu.”

Hozia 14:3 Iomraidhean Croise

II Krọnikol 16:7

Vbe ẹghẹ nii, e Hanani ne akhasẹ keghi bu Asa ne ọba gha khian, ọ tama rẹn wẹẹ, “Rhunmwuda ne u na mu ẹtin ya ivbiyokuo e Siria vbe ne u gha na te mu ẹtin yan e Nọyaẹnmwa, ivbiyokuo ọba Izrẹl lẹ ruẹ fe nẹ.

Psalm 10:14

Sokpan, wẹ bẹghe ẹre, wẹ vbe zẹ ye ọlọghọmwa kevbe oya ne emwa re, u vbe mu egbe ne u ya ru iyobọ ẹghẹ hia. Wẹ, ọ re ọmwa ne ne ẹi mwẹ iyobọ lẹgbinna, wẹ ọ re ọ ye ne ẹi mwẹ iyobọ obọ, ke otọ gha dee.

Psalm 146:3

Wa ghẹ mu ẹtin yan ekaolotu emwa nagbọn; ọmwa nagbọn i ra sẹtin miẹn ruẹn fan.

Psalm 146:9

Ọ degue avbe ọrriọvbe ni rre otọe mwa, ọ ru iyobọ ne avbe ẹgbẹe kevbe emọ ni i mwẹ erha, sokpan, ọ ghi zagha uma emwa dan an.

Psalm 33:17

Avbe ẹsin okuo imwẹ asa vbe akhọnmiotọ, ẹtin iran nọkhua isẹtin miẹn ọmwa fan.

Psalm 68:5

Osanobua ne ọ rre uwu Ọgua Osa ẹre nọhuanrẹn gbearoghe ọ re ọ gbearoghe avbe emọ ni i mwẹ erha rẹn ọ re ọ degue avbe ẹgbẹe.

Aizaia 1:29

U gha gbe I ma rẹn ye ẹmwẹ avbe erhan kevbe ogba iruẹbọ ne u gha ghoo.

Aizaia 2:20

Ọ gha sẹ ẹdẹ nẹdẹrriọ, iran gha filo amazẹ igoru kevbe esiliva ne iran mannọẹn kua, iran gha sẹ ehia rae ne ofẹn oha kevbe avbe ẹguẹn.

Aizaia 27:9

Sokpan, a gha ya orukhọ Izrẹl bọ ẹe vbe iran a lọ Ogiukpo okuta ọghe avbe ẹbọ iran ni ru ẹbọ nẹ zẹ vbe ebubẹ, ra a ghi miẹn wẹ a i ghi dọlegbe miẹn amazẹ ẹbọ okhuo ne iran tie ẹre Asiẹrra, ra ne Ogiukpo ne iran na giẹn eturari ye kẹe.

Aizaia 30:16

Wa keghi kun ẹẹn ne uwa hin ẹsin ni rhulẹ ẹsẹse lẹ fua vbe obọ eghian uwa. Ẹmwata wa nọ, ulẹ ọ re uwa gha lẹẹ, wa ro wẹ avbe ẹsin uwa wa rhulẹ ẹsẹse, sokpan iran ni khu uwa khian gha rhulẹ sẹẹ.

Aizaia 30:2

Iran kpao gha rrie Igipt, vbe ne iran ma na nọ mwẹ vbene I roro ẹe hẹ. Iran ho ne Igipt degue iran, rhunmwuda ọnii, ọba Igipt ọ re iran mu ẹtin yan.

Aizaia 31:1

Ọ ghe iran ni ya gha nọ iyobọ vbe Igipt fo. Emwi igbinna ọrhẹnrhẹn ne Igipt mwẹ ọ re iran mu ẹtin yan, avbe ẹsin, ikẹkẹ okuo kevbe ivbiyokuo sokpan iran ma mu ẹtin yan e Nọyaẹnmwa, ne Osanobua nọhuanrẹn ọghe Izrẹl, ra ne iran nọ iyobọ vbe obọ ẹre.

Aizaia 31:3

Avbe ivbi Igipt i re ẹrinmwi, emwa kẹkan ọ re iran khin. Ẹsin iran ivbi re ni ke ẹrinmwi rre. Ẹghẹ ne Nọyaẹnmwa gha na guan yọ, ẹvbo ne ọ wegbe nii gha de guọghọ ua, ẹvbo ne ọ ma wegbe ne irẹn te yọre obọ ghi de. A gha fuẹn iran eveva a.

Aizaia 36:8

I gha ya eni ọgbaisi gu uwa hẹnhẹn unu ẹnrẹn, I ghi viọ ẹsin arriaisẹn eva ne uwa, adeghẹ wa gha kue miẹn emwa ni gha hin iran.

Jerimaia 49:11

“Wa sẹ avbe emọ ne ẹ i mwẹ erha uwa rae mẹ, I gha gbearoghe iran. Avbe ikhuo ni dẹgbẹ vbe uwu uwa sẹtin yaro khọ mwẹ.

Ezikiẹl 36:25

I gha miẹn amẹ afọ yan uwa, awua ẹbọ ghi lahin uwa egbe rre, deba avbe emwi ọvbehe hia ne ọ te mu awua ye uwa egbe.

Ezikiẹl 37:23

Iran i ghi ra ya ẹbọ osọnnọ mu awua ye egbe iran egbe ọvbehe, ra ne iran ya orukhọ rhia egbe iran an. I gha fannọ iran hin uwu emwi ne iran ya gha ru orukhọ ghe mwẹ ne iran na vbe ya mwẹ ma. I gha khue iran huan, iran gha khian emwa mwẹ, mẹ ghi vbe gha re Osanobua iran.

Hozia 12:1

“Emwi ne ivbi Izrẹl ru hia fẹẹrẹ, ke owiẹ ya sẹ ota ọfuan kevbe ọrhiae ọ re ehia khin. Uma dan kevbe uyinmwẹ ibalegbe wa dọlegbe gbọ yọ vbe ehe ne iran ye. Iran gu Asiria rhie obọ ye ebe, iran vbe gu Igipt do ẹki.

Hozia 13:2

Te iran ra wa ye gha ru orukhọ khian, vbekpa ne iran gha na gha ye ematọn dunmwu emwi ne iran ra gha gho avbe amazẹ esiliva, ne emwa nagbọn ye ekhọe mwamwa, ne emwa nagbọn ye obọ ru, iran keghi vbe kha wẹẹ, “Wa ya gha zọ ese gie ẹe.” Vbe emwa gu ye unu soso avbe amazẹ vberriọ unu yi, avbe amazẹ ni ye vbe ẹkhuia ẹmila.

Hozia 14:8

A i ghi ra dọlegbe tie ivbi Izrẹl ye ẹmwẹ ẹbọ ọvbehe. I gha họn erhunmwu iran, I ghi vbe gha gbearoghe iran I gha mu irhu gue iran zẹ vbe erhan ne ẹ i khuọn ebe kua. Obọ mwẹ ọ re afiangbe iran ke rre.”

Hozia 2:17

Mẹ i ghi ra gie ẹe dọlegbe ye so unu ye eni e Baal ọvbehe.

Hozia 4:12

Iran ghi ya gha nọ ike erhan wẹ ne ọ ta enegbe iran ma iran. Ọkperhan ọ re ọ ghi tama iran emwi ne iran ho ne iran rẹn. Iran sẹ mwẹ rae nẹ, zẹ vbe okhuo ne ọ khian igberagia. Iran rhie egbe iran ne avbe ẹbọ ọvbehe.

Hozia 5:13

“Izrẹl ghi miẹn vbene obọ emianmwẹ da irẹn hẹ, e Juda ghi miẹn ẹwẹn ne egbe ẹre, Izrẹl keghi gha rrie Asiria ne ọ ya nọ iyobọ vbe obọ ọgbaisi nọkhua, sokpan, ọ ma sẹtin sinmwi iran, ra ne ọ kpe ẹwẹn iran rrie.

Hozia 7:11

Izrẹl gha bobo yo bobo rre zẹ vbe elikhukhu ne ọ kọẹn; vbe okaro, emwa ni lẹ bu Igipt gha khian ne ọ de yi iran obọ, iyekọni, iran vbe lẹ bu Asiria.

Hozia 8:6

Owinna ne ovbi Izrẹl ọ re ọ ma amazẹ nii, ẹ i vbe zẹdẹ re ẹbọ hiehiere. Iran gha rẹnkhẹn ọẹn ruan ighe ẹbọ igoru ne iran gho vbe Sameria.

Hozia 8:9

Te ọ ghi wa zevbudu zẹ vbe ẹsin oha, ọghe ne egbe iran ọ re ivbi Izrẹl ghi wa ru. Iran kpao gha rrie Asiria ne iran ya nọ iyobọ, iran ha osa ne ẹvbo ọvbehe wẹ ne iran tan obọ gue iran.

Jona 2:10

Ẹre Nọyaẹnmwa na tama ehẹn ne ọ ya kpa e Jona ye otọ vbe oke ọ keghi gele ru vberriọ.

Zẹkaraia 13:2

Vbe ẹghẹ ne a kha na, I gha viọ eni avbe ẹbọ hin otọe na rre, a i ghi miẹn ọmwa ne ọ gha ye iran rre ọvbehe. I gha rhie ẹre fua ighe ọmwaikọmwa ne ọ rhirhi kha ighe akhasẹ rẹn khin, I gha vbe gbe ukhu ẹre ua ighe ne a na ho ne a gha gho ẹbọ.

Iyẹn ne ọ Maan Ọghe Jọn 14:18

“Mẹ i ra sẹ uwa ọkpa rae, I gha dọlegbe bu uwa rre.

Diuteronomi 17:16

Ọ ma kei ne ọba gha mwẹ ẹsin ni bun, ne ọ gha re ọghe ivbiyokuo ẹre, ọ ghẹ vbe gie emwa gha rrie Igipt ya dẹlẹ ẹsin rre, rhunmwuda, e Nọyaẹnmwa ta ẹe wẹ emwa irẹn i ra dọlegbe gha rrie odọ.